"Patayan sa Davao, pinondohan ko" — Duterte

ni Angela Fernando - Trainee @News | October 17, 2023

Gumawa ng ingay si dating Presidenteng Rodrigo Duterte nang aminin nito ang kanyang pagpondo sa nangyari noong extrajudicial killing na naganap sa Davao City.

"My intelligence funds, I used it to buy. I had all of them killed. That’s why Davao is like that. Your companions, I really had them killed. That’s the truth," saad ni Duterte sa panayam kasama si Apollo Quiboloy.

Agad na tinanggal ng SMNI Network ang video ng nasabing interview.

Hinihingi naman ng partido ng Magdalo sa pangunguna ni Antonio Trillanes IV ang suporta ni Presidente Bongbong Marcos Jr. na hayaang matuloy ang imbestigasyon ng International Criminal Court (ICC) laban sa mga nangyaring pagpatay sa ilalim ng administrasyong Duterte.

Ayon pa sa bagong post ni Trillanes IV sa kanyang opisyal na FB page, nabigyan na raw ng pansin ng ICC ang video at ramdam niyang makakamit na ang hustisya.

Banta ni ex-P-Du30, kinondena ng mga mambabatas

ni Angela Fernando - Trainee @News | October 15, 2023

Walang preno at matapang na pinuna ng mga lider at mambabatas sa House of Representatives ang dating Pangulong Rodrigo Duterte dahil sa umano'y paninira sa Kongreso at mga banta nito nu'ng Oktubre 14, Sabado.

Pahayag ng mga lider, dapat na itigil ni Duterte ang mga patutsada nito at pagpuntirya sa isa sa kanila na si Rep. France Castro.

Labis ang pagtutol at ikinalungkot nga ng mga ito ang mga pahayag ni Duterte laban sa institusyong mismong kumalinga at sumuporta sa kanya nu'ng mga panahong nakaupo siya sa puwesto.

“Our institution, the House of Representatives, has been unwavering in its dedication to the Filipino people,” ani ng mga House leaders.

GMA kay ex-P-Du30: Balik ka na sa pulitika

ni Mylene Alfonso @News | September 12, 2023

Kinumbinse ni dating Pangulo at ngayo'y House Deputy Speaker Gloria Macapagal-Arroyo si dating Pangulong Rodrigo Duterte na maging aktibong muli sa pulitika.

Ito ang inihayag ni Senador Christopher "Bong" Go matapos mag-post ng litrato sa Facebook ng pagpupulong nina Arroyo, Duterte, dating Senate President Vicente Sotto III at dating Executive Secretary Salvador Medialdea noong Sabado.

"Isang simpleng kamustahan at masayang pagkikita ang nangyari kasama ang mga pinunong naglingkod sa bayan sa iba’t ibang posisyon o kapasidad noong mga nakaraang administrasyon. Nagbalik-tanaw sila sa mga panahong nagkasama sila sa gobyerno," ani Go.

"Sa nasabing pagkikita, kinukumbinse rin ni Arroyo si Duterte na maging aktibo muli sa pulitika," saad pa ng senador.

Inimbitahan umano ni Arroyo si Duterte sa isang ‘informal meeting’ sa pamamagitan ng isa sa mga staff at nagkataon namang nasa Maynila ang dating Pangulo.

"Nagkataong magkasama kami ni Tatay Digong noon matapos ko siyang samahan sa kaniyang medical check up sa hospital, gaya ng dati kong ginagawa sa kanya," paliwanag pa ni Go.

"At dahil bihira lang naman na pumunta sa Maynila sa ngayon si dating Pangulong Duterte, sumabay na rin sa pagkikitang iyon, sa tulong ni dating executive secretary Salvador Medialdea, si dating Senate President Tito Sotto na gusto ring makumusta nang personal ang kanyang itinuturing na kaibigan na si Tatay Digong," ayon kay Go na dating aid ni Duterte.

"Sabi ko nga, magkaiba man ng pinanggalingan, iba’t iba man ang hinawakan nilang posisyon sa gobyerno, iisa lang ang kanilang hangarin — ang paglingkuran ang sambayanan,” pagtatapos ng senador.