ni Jeff Tumbado @Photo Scoop | August 24, 2023
Si Department of Agriculture (DA) Senior Undersecretary Domingo Panganiban habang sumasagot sa paggisa sa kanya ng ilang mga kongresista sa House of Representatives kaugnay sa isinagawang pagdinig sa walang awat na pagtaas sa presyo ng mga bigas sa merkado sa bansa.
ni BRT @News | August 23, 2023
Binigyang diin ng Department of Agriculture (DA) na ang pagbaba ng presyo ng bigas sa P20 kada kilo ay depende sa merkado kahit na maabot ng bansa ang target na 95% rice sufficiency.
Ginawa ni DA Undersecretary Leocadio Sebastian ang pahayag sa pagtatanong ni House Deputy Minority Leader Mujiv Hataman ng Basilan kung posible ang P20 kada kilo o presyo ng bigas kung maabot ng DA ang layunin nitong 95% hanggang 97% na self-sufficiency.
Aniya, kung mapapabuti ang value chain, mabawasan ang cost ng post-harvest cost, at cost of production, maaaring ma-maintain ang mababang presyo ng bigas para sa consumers.
Ipinaliwanag ni Sebastian na ang post-harvest production cost ay ang presyo ng bawat kilo ng palay.
Dagdag pa ng opisyal na dapat hindi lang isinasaalang-alang ang availability ng produkto, kundi ay dapat affordable din.
Sa ngayon, ang presyo ng bigas sa iba’t ibang pamilihan sa bansa ay umaabot sa P40-P60 kada kilo.
ni Mai Ancheta @News | August 22, 2023
Hiniling ng grupong Samahang Industriya ng Agrikultura (SINAG) sa gobyerno na buwagin na ang National Food Authority (NFA) dahil hindi umano sinusunod ang mandato na tulungan ang mga magsasaka.
Ayon kay SINAG Chairman Rosendo So, mas pinili pa ng NFA na bumili ng bigas sa ibang bansa kaysa mula sa mga lokal na magsasaka.
Bagama't dinagdagan ang pondo ng NFA para ipambili sa produkto ng mga lokal na magsasaka, sinabi ni So na hindi ito nasunod dahil sa ibang bansa bibili ng bigas ang ahensya.
Taliwas aniya ito sa kagustuhan ni Pangulong Ferdinand Marcos, Jr. na palakasin ang domestic production sa sektor ng agrikultura.
Ibinunyag ni So na personal na pumunta umano sa India ang NFA administrator para makipagnegosasyon sa aangkating bigas ng ahensya.
