Goldsmith at Ipolitika sa Condition Race Turf

ni Green Lantern @Renda at Latigo | March 17, 2023

Magpapasiklaban sina Goldsmith at Ipolitika sa pagsalang nila sa Condition Race (20) na ilalarga sa Metro Turf, Malvar - Tanauan City, Batangas, ngayong araw.

Rerendahan ni class A rider Kelvin Abobo si Ipolitika habang si Jomer Estorque ang sasakay kay Goldsmith sa distansyang 1,200 meter race,

Paglalabanan ang P10,000 guaranteed prize, ang ibang tigasing kalahok ay sina Biglang Buhos, Golden Sunrise, Tool Of Choice, Serafina, Truth Maker at Noon Bell na gagabayan ni former Philippine Sportswriters Association, (PSA) Jockey of the Year awardee Jonathan Basco Hernandez.

Komento ng mga karerista sa social medi, posibleng magbigay ng magandang laban sa event na suportado ng Philippine Racing Commission, (PHILRACOM) sa pamumuno ni chairman Reli De leon, ay sina Biglang Buhos at Golden Sunrise.

"Pag-aralan ang mga kabayo na tatakbo para makasilip ng maganda, kahit sino kasi puwede manalo magagaling din kasi mga kasali," ani Bonnie ledesma, veteran karerista.

Samantala, walong races ang pakakawalan ng Metro Manila Turf Club Inc. (MMTCI) ngayong araw ng Biyernes kaya tiyak na magiging masaya ang mga karerista sa kanilang pananaya.

Isa sa aabangan din ng mga karerista ay ang bakbakan ng walong kabayo sa 3-Year-Old & Above Maiden Race.

Ang mga kalahok ay sina Tulak Ng Bibig, Perfect Love, Fast And Easy, Rocking Bell, Earli Boating, Lucky Strike, Impressive Victory at Frizmatic.

Mga Pili ni Green Lantern:

Race 1 - Ipolitika (3), Goldsmith (6)

Race 2 - Earli Boating (5), Rocking bell (4)

Race 3 - Sapin Sapin (10), Sound Barrier (7), Etnaad (3)

Race 4 - Top Grosser/Caloocan Girl (7/7A), She Is Sizzling (1), My Dad Bogart (8)

Race 5 - Sakalam (7), Sky Story (1), Freedom Lover (5)

Race 6 - Double Rock (5), Pendant/Humidor (1/1A)

Race 7 - Big Girl (13), Shining Angel (14), Nevada Scout (9)

Race 8 - Super Cong (10, Walking On Sunshine (11), You Never Know (8)

Mga astigin, mapapalaban kay Big Lagoon sa Gold Cup

ni Green Lantern @Renda at Latigo | March 16, 2023

Kikilatisin muli ni reigning Presidential Gold Cup Champion, Big Lagoon ang mga tigasing kabayo sa 2023 PHILRACOM Classic Cup na ilalarga sa Metro Turf, Malvar sa Tanauan City, Batangas sa Marso 26.

Markado si Big Lagoon dahil sa mga impresibong takbo nito sa mga nakaraang laban pero tiyak na mapapalaban siya ng todo dahil mga stakes race campaigners din ang mga kasali.

Isa sa magiging tinik ni Big Lagoon sa nasabing karera ay si Boss Emong na naparangalan ng Philippine Sportswriters Association, (PSA), Horse-of-the-Year noong Marso 6 sa Diamond Hotel, Manila.

Kaya naman tiyak na magandang laban ang masisilayan muli ng mga karerista.

Sasakyan ni star jockey Jeffril Tagulao Zarate si Boss Emong habang si John Alvin Guce ang rerenda kay Big Lagoon. Makakalaban nina Big Lagoon at Boss Emong sina Don Julio, Gomezian, Robin Hood at Sky Shot.

May distansiyang 1,800 meter race, nakalaan ang guaranteed prize na P2.5M na ikakalat sa unang apat na kabayong tatawid sa meta.

Hahamigin ng winning horse owner ang P1.5M, mapupunta sa second placer ang P562,500 habang tig-P312,500 at P125,000 sa third at fourth ayon sa pagkakasunod.

Tatanggap din ng P125,000 ang breeder ng winning horse habang tig-P75,000 at P50,000 ang second at third sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, inaabangan din mga karerista ang ibang mga stakes races na pakakawalan ng PHILRACOM ngayong buwan ng Marso.

Sa Marso 25 ilalarga ang Classic Cup Divisions II at III na ikakasa sa parehong lugar.

Dahil sa mga nakalaan ng premyo, puspusan na ang paghahanda ng mga hinete at trainers sa kanilang mga pambatong kabayo para masilo ang inaasam na korona.

Tell Bell, liyamado sa Triple Crown Race

ni Green Lantern @Renda at Latigo | March 15, 2023

Markado si Tell Bell sa Road to Triple Crown Stakes Race na ilalarga sa Metro Turf, Malvar sa Tanauan City sa Batangas sa darating na Linggo.

Kabilang si Tell Bell sa pitong tigasing kabayo na nagsaad ng pagsali sa nasabing event para sa mga batang future champions.

Maliban kay Tell Bell sasali rin sa distansiyang 1,600 meter race sina Domsat Seven, Glamour Girle, Go Aydan Go, Going East, Open Billing at Player Andri.

Gagabayan ni former Philippine Sportswriters Association, (PSA) Jockey of the Year awardee Jonathan Basco Hernandez, posibleng maging liyamado si Tell Bell sa event na nakalaan ang P1-M guaranteed prize na ikakalat sa unang apat na kabayong tatawid sa meta.

Nagpakitang-gilas ng nakaraang buwan si Tell Bell nang manalo sa 2023 PHILRACOM 3-Year-Old Stakes Race na inilarga sa parehong lugar.

Kasama sa tinalo ng anak nina Sakima (USA) at Don't Tell Ella (AUS) na si Tell Bell sina Prime Billing at Glamour Girle.

Kukubrahin ng mananalong kabayo sa event na suportado ng Philippine Racing Commission, (PHILRACOM) sa pamumuno ni chairman Reli De Leon ang P600,000, habang mapupunta ang P225,000, P125,000 at P50,000 sa second hanggang 4th placers ayon sa pagkakahilera.

May ibubulsa rin ang breeder ng winning horse na P50,000 habang tig-P30,000 at P20,000 ang second at third.

Sa ngayon ay naghahanda na ang mga kabayong makikipagtagisan ng bilis upang sikwatin ang inaasam na premyo.