Gusto lang daw siyang ipagmalaki ng ina… KAILA, AYAW PUMAYAG NA MAS MAGALING SIYANG UMARTE KAY JANICE

ni Reggee Bonoan @Sheet Matters | October 16, 2025

Photo: Kaila at janice / IG

KAHIT kaliwa’t kanan na ang pumupuri sa husay umarte ng aktres na si Kaila Estrada, sinasabi pa rin niyang hindi pa rin niya kayang tapatan ang mom niyang si Janice de Belen.

Sa nakaraang mediacon ng What Lies Beneath (WLB) kung saan gaganap si Kaila bilang abogadang si Erica sa serye na pinagbibidahan ni Jake Cuenca, hiningan siya ng reaksiyon sa sinabi ng nanay niyang si Janice de Belen na mas magaling siyang umarte rito, lalo na sa seryeng Incognito kung saan nagpakita siya ng husay sa aksiyon at drama.

Naaliw kami dahil nanlaki ang mabibilog na mata ng aktres. 

Sey niya, “She (Janice) said that? Thanks, Mom! I disagree. I feel like my parents, gusto lang nilang ipagmalaki ang mga anak nila.”

Nasambit pa ni Kaila na living legend ang ina.

“I look up to her in all the aspects of my life, not just her as an artista. Having said that, nandito rin ako para ipagmalaki s’ya, and I’m so proud to be her daughter. I’m so proud of what she has achieved. I only wish to achieve half of that,” pagmamalaki ng dalaga sa kanyang mom.

Habang pinagmamasdan namin ang cast ng WLB na nakaupo sa harapan ng media na kinabibilangan nina Jake, Kaila, Janella Salvador, Charlie Dizon, Sue Ramirez, JM De Guzman, Jameson Blake, Yves Flores at Race Matias, napapailing kami dahil ang gagaling ng mga artistang ito. 

Nagkaroon na sila ng kani-kanilang solo projects at heto, pinagsama-sama sila sa seryeng mapapanood na sa Oktubre 17 sa Netflix, Oktubre 18 sa iWant, at Oktubre 20 sa Kapamilya Online Live, Kapamilya Channel, A2Z, at TV5 pagkatapos ng FPJ’s Batang Quiapo (BQ).

Tsika ni Kaila sa bago nilang project, “I feel like because this show is all about seeking truth and seeking justice, it’s also the result of that, of being able to find that.

“And I feel like it is being led by four strong women that have different personalities and are in different walks of life, I feel like that is such a strong sentiment as well as to what we’re saying about womanhood also.”

Nagkuwento ang mga female stars ng serye na sina Kaila, Sue, Charlie at Janella na nahirapan silang umarte hindi dahil nagsasapawan sila kundi dahil puro sila tawanan sa kuwentuhan, na parang naglalaro lang sila sa set.

Kaya pati ang mga direktor na sina Froy Allan P. Leonardo at Dado Lumibao ay hindi rin mapigilan ang tawa. 

Pero dahil trabaho ito, ang mga aktres na rin mismo ang nagsabi sa sarili nilang kailangan na nilang magseryoso.

Ang mga male actors naman na sina Jake, Race, Yves, Jameson at JM ay natutuwa sa magandang bonding nilang lahat sa set na talagang magkakaibigan sila.

---

OPISYAL nang naglunsad ng bagong strategic partnership ang QCinema International Film Festival (QCinema) at ang Film Academy of the Philippines (FAP) para palakasin ang suporta sa mga programa sa industriya ng pelikula.

Kamakailan ay nagpulong sina FAP Director-General Paolo Villaluna, QCinema Industry Head Liza Diño, QCinema Film Foundation President Manet Dayrit, at QCinema Artistic Director Ed Lejano upang talakayin ang isang shared vision para sa collaboration at capacity-building sa local film sector.

Ang pangunahing highlight ng partnership ay ang suporta sa pagpopondo ng FAP para sa QCinema 2025, na kinabibilangan ng mga kontribusyon sa festival programming at residency programs na humahasa sa kakayahan ng umuusbong na talentong Pilipino.

“Dahil sa tumataas na kontribusyon ng sinehan sa Pilipinas sa pandaigdigang komunidad ng pelikula, ang paglalagay ng mga inisyatiba na nagtutulak ng propesyonal na pag-unlad at edukasyon sa pelikula ay mahalaga.

“Para maipakita ng aming local screen talent ang kanilang kakayahan sa bansa at higit pa, kailangan nating pangalagaan ang kanilang mga pangangailangang pang-edukasyon. Ito ang dahilan sa likod ng ating strategic partnership,” pahayag ni Ms. Liza Diño.

Ang pakikipagtulungan ay aabot din sa isa sa QCinema Industry 2025’s programs — ang Asian Next Wave Film Forum (ANWFF). Ang Direktor-Heneral na si Villaluna, kasama ang mga pinuno mula sa iba't ibang mga guild ng pelikula sa Pilipinas, ay lalahok sa mga panel ng industriya ng forum at mga roundtable na talakayan, na magbibigay ng institutional na insight sa kasalukuyang tanawin ng Philippine cinema at regional cooperation sa Southeast Asia.

Bilang bahagi ng patuloy na partnership, magho-host ang FAP ng isang nakatalagang gabi sa QCinema 2025 sa Nobyembre 18, na tinatawag na FAP Night. Ang kaganapan ay magsisilbing opisyal na pagpapakilala sa mga inisyatiba ng FAP, kabilang ang mga programa mula sa mga kaakibat na guild ng pelikula, at magbibigay ng plataporma upang ipagdiwang ang mga propesyonal sa industriya sa lahat ng disiplina.

Ang QCinema Industry 2025 ay magaganap mula Nobyembre 18-23, 2025.

ECHO, SAGAD TO THE BONES ANG HIRAP SA QUEZON MOVIE

ni Reggee Bonoan @Sheet Matters | October 11, 2025

Photo: Jericho Rosales / FB

Sa dami ng nagawang pelikula ni Jericho Rosales sa kanyang halos tatlong dekada sa showbiz, ang pelikulang Quezon ang pinaka-challenging role na ginawa niya at inamin niya ito sa ginanap na mediacon kamakailan.

Natanong ang aktor kung ano ang biggest challenge sa kanya sa pagbibigay-buhay kay dating Presidente Manuel L. Quezon sa big screen.

“It’s really challenging, challenging to the bone. Hahaha! Jerrold (Tarog) gave us a beautiful script, easy to follow, very clear, very precise, very waiting, very exciting, very funny, and the hardest part is for everyone just the same kung paano kami pupunta ru’n sa hitsura ng mga karakter. It took more than 5 sessions of 8 or 9 hours of look test of prosthetics and how do you portray someone you know who ran for presidency in the 1930s.”

“And ano ‘yung nasa utak n’ya? Is it about power, his charm, his charisma, and everything? He’s such a huge personality and the pressure—how do you play this? Iba rin ang boses…  It was really the best, I think, most challenging role I’ve ever played, so thank you,” mahabang sagot ni Jericho na tinapik ang katabing sina Direk Jerrold at producer Daphne Chiu.

At dahil puring-puri ng lahat ang magandang trailer ng pelikulang Quezon, natanong si Direk Jerrold kung bakit espesyal ang huling “Bayaniverse” trilogy na kinailangan niyang kumpletuhin mula Heneral Luna (HL) to Goyo at itong Quezon.

“Siguro dahil mayroon tayong unprecedented feat in Philippine cinema, the fact na meron tayong trilogy, the fact na meron tayong historical films, and I don’t think that we have had that ever. So that fact alone is a big credit to Daphne and the producers Fernando Ortigas and Ed Rocha.

“Before HL, I don’t even think it was possible. So now that it’s all finished, parang wow, medyo ipino-process ko pa. And it’s just as difficult as HL and Goyo, pero iba ngayon kasi it’s a war of words inside rooms, speeches, hindi sa battlefield. So ‘yun naman ang challenge in this case, and I must say na na-pull-off lahat ng actors beautifully and I’m very happy,” paliwanag ni Direk Jerrold.

Hiningan naman ng one-word feeling ang ibang cast kung paano nila ilalarawan ang pelikulang Quezon.

Sabi ni Therese Malvar (na gumaganap bilang Nadia Hernando), “One word, revolutionary.”

Para kay Angeli Bayani (Maria Agoncillo), “Heartbreaking.”

“Intense” naman ang say ni Anna Abad Santos (Carmen Hernando).

Mula naman kay Joross Gamboa (Eduardo Rusca), “Knowledge.”

“Para sa akin, truthful,” say ni Arron Villaflor (batang Joven Hernando).

Ang memorable experience naman para kay Karylle (Aurora Quezon) habang nasa promo tour sila ng pelikula sa mga eskuwelahan ay matatapang daw ang mga tanong tungkol sa pelikula.

“Nakakatuwa dahil we had 1,200 students on the first day, tapos the second day taga-Candelaria, Quezon, at paulit-ulit naming sinasabi na part sila ng film. Kitang-kita mo sa mukha nila na they love Quezon so much, and just seeing the students together, ang tatapang ng mga tanong nila. Nakakakaba, may kaba factor kasi ang laki ng expectation nila sa generation natin, so we have to level up because the youth is really there,” kuwento ng singer-TV host-actress.

Nagulat naman ang character actor na si Jake Macapagal (Manuel Nieto) sa tanong ng isang estudyante sa kanya na, “Sa karakter mo (sa Quezon), ano ang iisipin mo sa mga nangyayari sa pulitika ngayon?” 

“And we kinda shocked when we heard that kasi nag-isip muna kami bago magsalita kasi puwedeng sagutin lang o magpakenkoy, but we really (nag-isip), wow, ang tatalino ng mga bata,” balik-tanaw ni Jake.

Ang tanong naman kay Cris Villanueva (older Joven Hernando), ano ang one-word experience sa pelikula na puwedeng maiwan sa isipan ng manonood o bakit kailangang panoorin?

“I think you will start questioning, kasi when you look at it now sa landscape ng politics, you will ask, saan ba galing ‘tong mga nangyayari? But with the movie, meron palang pinanggalingan from way back. You will see some familiar that’s happening now—the people changed into powerful monsters,” sagot ni Cris.

“Discerning, I think,” sambit ni Benjamin Alves (batang Manuel L. Quezon). 

Paliwanag niya, “To be able to discern that or blueprint. This movie gives you—Quezon holds the blueprint, or he holds the blueprint to politics.”

At ang gumanap na Emilio Aguinaldo na si Mon Confiado ay nagbigay ng kanyang one-word na gustong mapansin ng manonood.

“Pulitika! Mula noon hanggang ngayon ay makikita ninyo rito sa Quezon na walang ipinagbago ang pulitika natin, na pinaiikot lang ng mga malalaking pangalan, mga pinakamayayamang personalidad, at pinakamakapangyarihan. Ang ambisyon ay hawakan ang kapangyarihan at makikita natin ‘yan sa Quezon,” esplika ni Mon.

Mapapanood na ang huling Bayaniverse, ang pelikulang Quezon sa Oktubre 15 sa mga sinehan nationwide, mula sa direksiyon ni Jerrold Tarog, produced by Daphne Chiu under TBA Studios, Fernando Ortigas, at E.A. Rocha.

Bokal na ngayon sa Nueva Ecija… JASON, TODO-INGGIT SA MGA NAGKA-BILYON SA FLOOD CONTROL PROJECTS

ni Reggee Bonoan @Sheet Matters | October 1, 2025

Photo: Jason Abalos

“Nakakainggit nga, eh,” birong sabi ni Jason Abalos, bagong halal na provincial board member sa lalawigan ng Nueva Ecija, nang tanungin tungkol sa isyu ng flood control projects.

Wala raw siyang kinalaman sa flood control issues sa nasabing lalawigan dahil hindi ito dumadaan sa kanya.

“Wala kayong makukuhang sagot sa akin. Nakakainggit nga, eh. Hahaha!” sey ni Jason.

May nakausap din kaming iba na hindi senador, congressman o mayor, pero nagtatrabaho rin sa gobyerno at nagbiro rin dahil bilyones at hindi lang milyones ang usapan tungkol sa flood control, kaya talagang napapa-“sana all” daw sila.

Pero sa kabilang banda ay hindi rin naman nila ito nais gawin, lalo na si Jason na tinitiis na hindi makita ang mag-ina sa loob ng 5 araw dahil sa trabaho niya sa Nueva Ecija.

“Kailangan nating magsilbi sa sinumpaan nating katungkulan,” saad ng aktor-pulitiko.

Weekends lang siya umuuwi sa Quezon City dahil dito nakatira ang misis niyang si Vickie Rushton at anak nilang si Baby Knoa na 2 ½ yrs. old na at kamukha ng ina.

Nakatsikahan namin si Jason sa birthday celebration ng kilalang owner ng Artista Salon na si Gio Anthony Medina kasama ang partners na sina Margaret Gaw at Lotis Reyes sa Panay Avenue, Quezon City.

Sabi pa ni Jason, kinakailangan pa rin niyang mag-showbiz at naghihintay siya ng alok

ng GMA-7 kung saan may kontrata siya at si ‘Nay Gio, ang kanyang manager.

“Sa mga may inquiries, kay Nanay (Gio) lahat,” saad ni Jason.

Tinanong din namin kung paano niya napagsasabay ang pag-aartista at pagiging bokal sa Nueva Ecija.

“Time management. Mahirap ngayon kasi may anak na ako kaya’t kailangan talagang bantayan din. Pati tiwala ng tao na ipinagkatiwala sa atin, kailangang tuparin,” sagot ni Jason.

Nakasama si Jason sa seryeng Lilet Matias: Attorney at Law (LM:AAL) nu’ng 2024, pero umikli ang karakter niya. 

Aniya, “Nag-campaign po kasi kaya kailangan kong magpaalam, kaya ngayon po ay naghihintay ako ng bagong offer nila.”

Bukod sa pagiging bokal sa kanilang lalawigan, isa pang nakaka-excite na ginagampanan ngayon ni Jason ay ang pagiging daddy ni Knoa Alexander.

Sabi niya, “Napakasarap po, walang kapantay ang pagiging daddy. Medyo late na ako (nagkaanak sa edad na 39). Masarap maging mabuting tao kasi gusto ko ‘pag lumaki s’ya (Knoa), sasabihin sa kanya, ‘Ang tatay mo, mabuting tao.’”

Sa edad na almost 40 ni Jason ay natanong namin kung kaya pa niyang makipaghabulan sa anak.

“Kaya pa, kaya pa rin kahit lima pa (dagdagan ang anak),” nakangiting sabi nito habang nakatingin sa asawang si Vickie Rushton.

---

SI Boss Toyo at mga kilalang influencers at artista ang mga suki ng Mcars Ph sa ginanap na grand launch kamakailan sa Music Box, Timog Avenue, Quezon City.

Ang Mcars Ph ay pag-aari ni Jed Manalang at nakipag-collab sa Socia CTO na si Reiner Cadiz at Josh Mojica, CEO ng Kangkong Chips Original at Socia web developer. 

Dumalo rin sa press launch ang head ng Metropolitan Manila Development Authority’s (MMDA) Special Operations Group-Strike Force (SOG-SF) na si Gabriel

Go.

Ang Mcars Ph ay isang car dealership na nakabase sa Malabon City na dalubhasa sa pagbebenta ng mga bago, pre-owned at “assume balance” na sasakyan. 

At dahil maaaring kumuha ng kahit ilang sasakyan through Mcars Ph as long as kaya mong bayaran, tiyak na dagdag-trapik ito sa mga major roads na matagal nang reklamo ng mga netizens. 

Sa mayayaman at kilalang pamilya sa lipunan, umaabot sa 10 hanggang 12 sasakyan ang meron sila.

Kaya natanong si G. Gabriel Go (MMDA SOG-SF) kung hindi ba nila hihigpitan ang mga sobra-sobrang sasakyan na pag-aari ng isang pamilya lalo’t isa ito sa mga dahilan ng pagsikip ng daan, lalo na sa EDSA.

Aniya, “Wala po tayong batas na bawal bumili ng maraming sasakyan o dahil karapatan naman po ‘yun ng bawat indibidwal as long as kaya n’yang magbayad at maging responsable sa pagmamaneho at higit sa lahat, dapat po ay may sariling garahe para hindi na nakakaabala sa daan, lalo na sa Mabuhay lanes.”

Sabi ni Jed, ang dahilan kaya nakipag-collab ang Mcars Ph sa Socia ay para maka-develop ng online platform na magpapabilis sa pagbili ng sasakyan at para na rin ito sa mga gustong maging ahente ng kotse.

Sabi pa ni Jed, “Binisita ni Boss Toyo ang showroom ko one time sa Malabon. He wanted a car, pero sabi n’ya, gusto n’ya muna i-test drive. Ipinauwi ko na agad sa kanya. Sabi ko, bayaran mo na lang after kung magustuhan mo na. From then on, naging magkumpare na rin kami. Malakas ang hatak ni Boss Toyo sa mga kliyente. Hindi ko kayang bayaran ang talent fee (TF) n’ya!”

Naroon ang Mcars Ph ambassadors na sina Direk Art Halili Jr., beteranang aktres na si Dexter Doria, at komedyanteng si Patani. 

Sayang at hindi na namin naabutan si Boss Toyo.