Ibinulgar ng aktres sa bagong vlog… DATUNG NI BEA, INUBOS NG MADIR

ni Reggee Bonoan - @Sheet Matters | May 31, 2021

Pagkatapos ng COVID-19 pandemic ay ang mga bansang Switzerland, Greece, Turkey, Vietnam, Iceland at Finland ang gustong puntahan ni Bea Alonzo at sobrang nami-miss na raw niya ang mag-travel.

Sa kanyang latest vlog sa YouTube channel niya ay binanggit niya ang Top 10 travel destinations niya dahil lahat ay may mga magaganda siyang alaala.

“I miss to travel na dire-diretso ang flight, I miss meeting new people, learn about different cultures and being able to try new cuisines. So I create video for my top 10 destinations,” sabi ng dalaga.

Ang City of Love na Paris, France ang una niyang sinabi dahil nami-miss niya ang magagandang tanawin doon at uminom ng masarap na kape at wine, kumain ng baguette at croissant bread with butter.

Hindi niya malilimutan ang Notre Dame Cathedral dahil dapat ay kasama niya ang boyfriend niya noon na pumunta, pero hindi natuloy dahil nag-break na sila.

Ang Dubai ang isa sa mga gusto niyang balikan dahil ang daming Pinoy na mababait, plus type niya ang Desert Safari, at aniya, “You can see the dune, go on Camel rides, food nila, super-sarap, Henna painting, Burj Khalifa, tallest building in the world, Burj Al Arab, the only 7-star hotel in the world, and I also love their shopping mall — the Dubai Mall, largest mall in the world na may malaking aquarium na I can see underwater sea creatures. Nagpa-picture rin ako at Jumeirah Beach.”

Hindi rin niya malimutan na inubos ng nanay niya ang talent fee niya para mamili ng ginto roon dahil mura, at ang ending, limang araw sila sa Dubai na walang pera at si John Lloyd Cruz ang sumagot lahat ng pagkain nila na binayaran din naman pagdating nila ng Manila.

Sumunod ang Prague (Czech Republic) at sa ganda ng lugar, sabi ng aktres, “Dapat pagpunta ko ru’n, kasama ko na ang special someone ko, hahaha! Ang baduy?”

Isa rin sa mga memorable sa kanya ang Germany dahil doon sila nag-shoot ng Love to Last with Kuya Ian (Veneracion).

Aniya, “Hindi ko alam kung dahil sa Germany o dahil ang saya-saya ng grupo namin. Munich is so beautiful. Nag-shoot kami November, so may mga Christmas Village and the most beautiful I’ve seen in my life.”

Maraming lugar pa sa Germany ang binanggit ng aktres na sabi niya, must-see kapag may mga anak na para malaman ang history nito.

Ang Copenhagen, Denmark ang tinawag niyang happiest country dahil sa half system on education.

“Almost free mong makukuha though they pay the highest taxes in the world but nakukuha naman nila pabalik ‘yung benefits,” sey pa ng aktres.

Next ang Amsterdam, at binanggit din ni Bea na pangarap nila ng nanay niyang magkaroon ng property sa Japan dahil gusto nito ang klima at mga lugar at masasarap na pagkain.

Ang Vienna (Austria) ay ang pang-walo sa listahan ni Bea.

Aniya, “I went to Vienna for A Beautiful Affair with John Lloyd. I fell in love immediately of the place, it’s the home of Mozart (composer). Nag-shoot din kami kung saan nag-shoot ang Sound of Music kaya feeling ko, ako si Julie Andrews.”

Sobrang linis daw sa Oslo, Norway na pang-siyam niya.

“Kasi napakalinis nila. Pagdating ko roon, kasi uhaw na uhaw ako and I was asking for water and they found ridiculous for me to ask water because apparently, they drink their water from the faucet, ganu’n siya kalinis. And I also able to see the Northern Lights in Tromso so I will never forget that.”

At ang pinakahuli ay ang Florence, Italy.

Aniya, “I fell in love with the place. I don’t know why. Parang lahat, comforting sa akin. It says art, gelato, pasta. Lahat ng artists, doon sa street nagpe-perform, nagpe-paint. Lahat ng kinainan namin, masarap.”

Anak ni Mega, may special treatment daw… FRANKIE, PROUD NA NAG-POST NA BAKUNADO NA,

BINASH NA SUMINGIT SA PILA.

ni Reggee Bonoan - @Sheet Matters | May 26, 2021

Pagkatapos ma-bash ni Sharon Cuneta dahil sa drama nitong gusto muna niyang magkaroon ng ‘alone time’ kaya pumunta ng Los Angeles, California, 'yun pala ay doon lang siya magpapabakuna para sa COVID-19, heto at sumunod namang na-bash ang panganay na anak nina Sharon at Senator Kiko Pangilinan na si Frankie Pangilinan.

Ayon kasi sa mga netizens, binigyan siya ng special treatment dahil nauna pa siyang nabakunahan para sa COVID-19 kumpara sa iba. May alegasyong sumingit siya sa pila bilang residente ng Makati City.

Nalaman ng mga netizens na nabakunahan na si Frankie nang i-post nito sa kanyang Twitter account ang video habang sinasaksakan siya ng COVID-19 vaccine sa isang covered court.

At ang caption niya, “When I got an asthma attack mid-PE in middle school and everybody made fun of me, I swore I would get back at them one day and here we are.

“All the melodic wheezing, all those times in the ER, have prepared me for this one moment. I feel alive and invincible. My ego has reached new uncertain heights.”

Ang daming nang-bash kay Frankie at ang sagot niya sa mga ito, “Made a lighthearted quip about it and wanted to be transparent, but even that was misconstrued.

"Everything I’ve done for the past year has been so dramatized and It’s really tiring guys.”

Walang singitang nangyari sa pila o anuman dahil nakatanggap daw siya ng mensahe mula sa Makati government at sinabing qualified siya sa bakuna.

“Didn’t cut in line, got a text from Makati govt. saying I qualified, so I went, bec it’s the responsible thing to do. Hi I didn’t want to make this a big deal but have y’all ever thought maybe people have health issues u don’t know about,” paglilinaw ni Frankie.

Sabi pa nito, “If we all think like that, how are we ever going to achieve herd immunity? And why would I post a video on a public platform if I cut in line??? Pls. my goodness gracious.

“Hope you’re all safe and healthy. And if you qualify, PLEASE get vaccinated not only for ur protection but for those around u.”

Nainip sa late na nurse… ROBIN, NAG-SWAB TEST NG SARILI

ni Reggee Bonoan - @Sheet Matters | May 25, 2021

Lagot ang nurse na dapat magsu-swab test kay Robin Padilla kasama ang mga kaanak at katrabaho niya dahil late dumating.

Hindi na siya nahintay ng aktor kaya sila-sila na lang mismo ang nag-swab test sa sarili nila since kumpleto sila sa gamit.

Ano'ng oras kaya ang call time ng nurse? Baka naman kasi malayo ang pinanggalingan, tapos ang aga pa yata ng call time niya. Imagine, 6 AM, on the go na sina Robin?

Anyway, ang caption ni Robin sa video post niya na ipinakita kung paano nila ginawa ang swab testing: “6 ng umaga mag-umpisa na kami ng trabaho pero wala pa ang nurse. Hindi dahilan sa mga mandaragat ang walang nurse, kailangan isagawa ang Covid test, basta isaksak mo ang swab stick hanggang sa dulo at makiliti mo ang utak mo, at kapag naluha ka na, tsaka mo iikot ng 5 hanggang 8 segundo, ‘yun na raw ‘yun.

"Abbot antigen test courtesy of Pareng Kiko.”

In fairness, walang nang-bash kay Robin sa ginawa niya at naka-relate pa ang iba.

Sabi ni @leoniep72, “@robinhoodpadilla Ganyan sa work ko, self swab test every week. Hello po, good mornite.”

Komento naman ni @thedelbacho, “Self service swab, winner ‘to!”

Naaliw naman si Mariel Rodriguez-Padilla sa asawa habang kinakalikot ang butas ng ilong.

“Hahahahaha Babe you are so funny, makiliti ang utak mo, hehe,” komento nito.