Tiyahin, pinag-sponsor ng crib ng anak nila ni Joem…MARICEL, PINRANGKA SI MERYLL NA

'WAG LAGING UMASA SA KANYA.

ni Reggee Bonoan - @Sheet Matters | June 08, 2021

Traditional Mom Maricel Soriano VS. Modern Mom Meryll Soriano. Ito ang topic ng vlog ni Meryll Soriano na in-upload niya nitong Linggo sa kanyang YouTube channel.

Pinag-usapan ng mag-tiyahin ang traditional at modern way ng pag-aalaga ng bata. Pero bago ang lahat ay alam ng publiko na malaki ang naitulong ni Maricel kay Meryll simula ipanganak pa lang ang pamangkin, dahil siya ang nasa tabi ng kapatid niyang si Becbec noong nanganak ito, kung saan kasintahan nito noon si Willie Revillame.

Sobrang spoiled daw si Meryll noon sa kanyang tiyahin, dahil lahat ng gamit ay kumpleto siya at sa tuwing may biyahe ito sa ibang bansa ay puro para sa kanya ang dala nitong pasalubong na natikman din ng kanyang panganay na si Eli.

Sabi nga ni Marya, “Nu’ng dumating si Eli — panganay na sa buhay natin, feeling ko, eh, aking anak, inaangkin ko, hindi naman puwede, siyempre may nanay ‘yun (sabay turo sa pamangkin) — tapos, hindi pa tayo natapos du'n, nanganak ulit (anak nina Meryll at Joem Bascon), pagkaguwapo na naman nu’ng anak, si Guido naman ang kinahuhumalingan ng lahat. Dalawa na ang apo kong guwapo.”

Ayaw ni Maricel na tawagin siyang "lola o wowa" at gusto niya ay "mommy" kaya naging "Mommy 2" siya at si Becbec ang "Mommy 1" na ina ni Meryll.

Natatawang kuwento ni Marya sa vlog, "Inggitera kasi ako. Hindi pa ako handang tawaging Wowa (lola). Ayaw ko pa, kaya kapag tinatawag ako ni Eli ng Mommy 2, kinikilig ako. Kaya dapat, kiligin tayong mga lola. Kaya kahit anong hilingin, ibibigay mo.”

At heto na, nakahirit na si Meryll ng crib para sa bunsong si Guido sa Mommy 2 nito.

Say ng beteranang aktres, “Oo, ‘wag mahihiyang magsabi, pero kapag wala tayong work, matuto tayong mamaluktot. Pero kapag may work, hala, sige, shopping dito, shopping doon. Pero hindi naman para sa akin, para sa mga babies.”

Sobra-sobra ang gamit ni Guido kaya nagugulat ang tatay nitong si Joem Bascon na hindi raw sanay sa napakaraming gamit, say ni Meryll.

Marami ring bilin si Marya sa pamangkin na dapat ini-steam ang mga gamit, pinupunasan ang mga dingding, lahat dini-disinfect, na sinagot naman ni Meryll na lahat ay ginagawa niya dahil ito ang mga natutunan niya sa tiyahin.

Sabi nga ni Meryll, “Hello COVID, kulang na lang, inumin ko ang alcohol.”

Pabirong sabi ni Maricel, “Cleanliness is next to loveliness because oiliness is next to poverty.”

Ang unang pinag-usapan ng modern mom at traditional mom ay kung dapat lagyan ng bigkis ang pusod ng bata.

Para sa makalumang nanay ay dapat lagyan para gumanda ang pusod ng bata at hindi pasukan ng hangin.

At bilang modern mom ay hindi ito ginawa ng pamangkin ni Marya, na ang paliwanag, base na rin sa pediatrician ni Guido, “Kasi mas matagal mag-heal 'yung sugat kapag may bigkis.”

Sleeping with the baby o not sleeping with the baby?

“Ako both!" mabilis na sagot ni Maricel. “Kasi nu’ng ipinanganak ko si Chen, hindi ako natutulog, para akong nagte-taping din ng The Maricel Drama Studio kasi kapag dumede si Chen, magkabila (breastfeed), tapos may formula pa, ganu’n siya katakaw. Tapos (bubuhatin), igaganu’n mo para dumighay. 'Pag hindi dumighay, ilalapag mo na. Kailangan, bantayan mo kasi baka maglungad ang bata at malunod.”

Sinang-ayunan naman ito ni Meryll dahil katabi raw nila ni Joem matulog ang anak.

“Kasama naming matulog at take turns kami sa pagiging zombie (sa pagbabantay sa anak).”

Tungkol naman sa pagsusuot ng lampin versus diaper, say ni Marya, “Lampin. Hindi puwede ang diaper kasi kapag nakawiwi na, nakababad ‘yung bata sa ihi. Kaya ako, traditional ang gusto ko kasi 'yan ang tinatawag na hands-on mom. Paano kung magka-rashes ang bata at makati ‘yun. Hindi naman masabi ng bata na may rashes siya.”

“Ako naman, diaper binili ko!” sambit ni Meryll.

“Naku, kawawa ang bata sa inyo!” hirit ni Maricel.

Pero maganda ang dahilan ni Meryll, dahil may makabagong paraan na ngayon kung saan may cloth diaper na may Velcro at nilalagyan ng bamboo cloth sa ilalim para hindi magka-rashes ang baby at 'yun ay ipinasusuot nila sa anak sa gabi lang.

May isa pang brand na ipinakita na kahit nakailang wiwi na ang anak ay hindi basa dahil nagiging gel ito at chlorine free kaya safe gamitin.

Sinang-ayunan ito ni Marya dahil maganda raw. Hindi pa tapos ang vlog ng mag-tita at abangan ang part 2.

Presidente ng GMA Films na misis ni Shintaro Valdes... ANNETTE, NATUKLASANG MAY BUTAS ANG PUSO

NANG MA-STROKE.

ni Reggee Bonoan - @Sheet Matters | June 07, 2021

Kung hindi pa pala na-stroke si Ms. Annette Gozon-Valdes, GMA Films president, ay hindi niya malalamang may butas ang puso niya.

Aniya sa kanyang Facebook page nitong Sabado nang gabi, naikuwento niya sa asawang si Shintaro Valdes na pumilit sa kanyang magpa-check-up base na rin sa payo ng mga kaibigan, na ilang beses siyang nahilo at senyales na pala iyon ng stroke.

Post ni Ms. Annette, “MY TESTIMONY.

“I want to be living testimony to God's sovereignty, power and love so I decided to share on Facebook what I experienced these past 2 weeks.

“I had a stroke last May 25 and by God's grace, there was no impairment whatsoever. Due to this, I also found out I had a hole in my heart since birth and now it has been plugged.

“Last Tuesday (May 25), at around 1 PM, there suddenly were zapping zigzag lights on my right eye and when I stood up, my vision started spinning so I sat down, closed my eyes for 1 or 2 minutes while praying to God to remove the dizziness and zigzag flashing lines. I opened my eyes and the dizziness was gone. The flashing lights became a blurry cloud. So I went on my way and did all the normal things I do for the day. My vision was completely restored after about 4 hours.”

Ang kaibigan niyang si Kim Atienza ang nagrekomenda ng doktor na tumingin kay Ms. Annette.

Saad pa ni Ms. Annette, bago sila kumain ng hapunan ay sinabi niya sa kanyang mister ang nararamdaman niya at kaagad daw itong nag-panic.

Aniya pa, “Shintaro immediately panicked and messaged some of his friends who told him that it may be something serious and that I should see a doctor asap.

“Just to appease him, I agreed to consult via video call with Dr. Anna Sage Nolido who was recommended by Kim Atienza and Doc Marc Castro.”

Pinag-undergo raw siya ng mga doktor ng blood test, MRI at 2D Echo.

Aniya, “After the MRI, the doctors found out that I indeed had a stroke on 3 different areas of my brain! They told me that I would have to be admitted. Given the size of the stroke, it was truly miraculous that I had no impairment whatsoever!

“The next day, I was admitted to the hospital (after a negative result of my RT-PCR test) for tests to be done to find the cause of the stroke so it can be prevented in the future.

“Numerous tests were done and the doctors were able to determine the cause - I had a congenital hole in my heart (PFO) which causes turbulence in the blood flow in my heart which would have caused the clots that reached my brain. They advised me that it should be closed in order to prevent subsequent strokes.”

Tumagal umano nang 40 mins. ang matagumpay na procedure na isinagawa sa kanya noong Huwebes.

Masaya si Ms. Annette na nakauwi na siya at nagpapalakas.

Aniya pa, “No lifestyle or diet changes needed.

“GOD WORKS FOR THE GOOD OF THOSE WHO LOVE HIM, WHO HAVE BEEN CALLED ACCORDING TO HIS PURPOSE (ROMANS 8:28). I saw and felt God's loving and miraculous hands in this experience.

“1. GOD IS A GOD OF MIRACLES. The stroke should have impaired my vision and balance. But it did not.

“2. GOD'S HAND IS AT WORK CONTROLLING THOSE WHOM HE MAKES US COME ACROSS. I could have had a subsequent stroke if I did not have an MRI and later on found out about the hole in my heart.”

Nagpasalamat din siya sa mga pumilit sa kanyang magpakonsulta sa neurologist gayundin sa mga doktor niya, at sa kanyang pamilya at mga kaibigan.

Aniya pa, “And of course Shintaro Valdes who stayed with me in the room the whole time and who was even more emotionally affected than I was.”

Saad pa ni Ms. Annette, “GOD'S TIMING IS PERFECT. Praise God that the hole in my heart was just discovered now. If it were discovered when I was a child or teenager or even 16 years ago, I would have needed an open heart surgery to repair it.

“I AM SAVED ONLY BY GRACE THROUGH FAITH.

“The best thing of all that I realized is that I am really ready if and when God calls me back. I felt no fear whatsoever from the time my vision got impaired upto now that I am back home. In fact, I even felt excitement in case God called me home.

“But my life and my journey continues. I am still treading the road of sanctification. I can't wait for what lies ahead here. But even more so, I can't wait for what lies ahead there.”

Samantala, ipinost din ng GMA Films executive ang larawan ng ultrasound ng puso niya na makikitang may butas ito noong hindi pa siya dumaan sa procedure.

'Di pa raw talaga handa… KRIS, AMINADONG NADISGRASYA LANG NANG MABUNTIS KAY JOSHUA

ni Reggee Bonoan - @Sheet Matters | June 05, 2021

Isang golf cart ang natanggap na regalo ni Joshua Aquino sa kanyang 26th birthday kahapon, Hunyo 4, mula sa kapatid na si Bimby at Mama Kris Aquino niya.

Mababanaag sa facial expression ni Josh ang labis na kasiyahan dahil magagamit niya ang golf cart na siya mismo ang nagda-drive para libutin ang malawak na solar ng Sitio Alto, Barangay Central, Tarlac kung saan gustong manirahan ng panganay ni Kris.

Pinasalamatan ng binata ang kapatid at ina, “Thank you, Mama and Bimb. I love you.”

Samantala, base sa video post ni Kris sa kanyang Instagram account ay namahagi si Josh sa mga kababayan niyang residente sa Tarlac ng grocery bags bilang selebrasyon sa kanyang kaarawan na madalas ginagawa ng binata.

Matatandaang laging sinasabi ni Kris na generous ang panganay niya sa lahat ng tao at ang mga staff nila sa bahay ay mahal na mahal si Josh dahil napakabuti ng puso nito.

Anyway, ang message ni Kris sa panganay niya na ipinost niya sa IG account niya.

“Kuya Josh’s Birthday, June 4, 1995, I was so NOT READY to be a mama in many ways, Kuya Josh helped me grow up. He was just 3 years old when it became just the 2 of us because never kong itinago sa inyo that he is a special child, that he’s in the autism spectrum, oftentimes na-bully s’ya lalo na 'pag may pulitikang involved, BUT di hamak mas marami ang nagtanggol at nakaramdam ng pureness ng puso n’ya at ng kanyang genuine na generosity at ang hindi n’ya pagpili sa kakaibiganin at bibigyan ng respeto - for kuya kung mabait ka at nagpakita ng kabutihan higit du’n ang lambing at pagmamahal na isusukli n’ya.

“I have often said life isn’t perfect BUT it does have many wonderful moments. Hindi possible for Kuya Josh, Bimb, and me to share our blessings had you not given me the trust and support you have. Nakabalik ako sa trabaho, and I’d like to consider that my true career started because you accepted me with all my flaws & strengths 4 months after I gave birth to my panganay. Lahat ng meron kaming mag-nanay, nanggaling sa trabaho ko na sinuportahan ninyo. Habang kakayanin, patuloy naming ibabalik sa inyo ‘yung blessings that you gave the 3 Aquinos.

“Happy birthday, Kuya Josh, we love you," post ni Kris kasunod ang pasasalamat sa mga taong tinatanawan ng utang na loob.

“Buti pa ang Tarlac at si Kuya- may FOREVER! #lovelovelove,” pagtatapos ng post ni Kris.