Padir, 'di ikinampanya… KYLIE, PROUD NA PROUD NANG MAG-NO. 1 SENATOR SI ROBIN

ni Reggee Bonoan - @Sheet Matters! | May 12, 2022

Sa mga nagsasabing hindi sinuportahan ni Kylie Padilla ang amang si Robin Padilla sa kanyang kandidatura sa pagka-senador ay suportado naman pala, hindi lang siya vocal.

Wala nga naman kasing nakikitang post ng lead actress ng teleseryeng Bolera ng GMA-7 na ikinakampanya niya ang ama kaya hindi rin masisi ang mga netizens na nagsabing hindi niya suportado si Robin.

Hatinggabi ng Martes ay nag-post na si Kylie ng larawan nila ng tatay niyang si Robin sa kanyang Instagram account at dito niya isiniwalat na pinanood niya lahat ng panayam ng ama.

“I approached this like you were not my dad. I did my homework. I did my research. I did not want to be biased. I watched all the interviews and inintindi ko lahat ng sinabi mo. And all I can say I cannot wait for you to make your dreams a reality. I support you with all my heart.

“You have always been passionate about helping people and now you are in a position where you can make a bigger impact. I’m so happy and proud of you.

“But if I was to speak as his daughter, all I have to say is mahal na mahal ng tatay ko ang Pilipinas, mahal n’ya ang mga tao.

“Parte ng pagkatao n’yang tumulong. He has always been selfless pagdating sa mga taong nangangailangan.

“If there is one thing I can attest to my father did not need to become senator to help make change happen. He was already doing that before all of this.

“Kaya whatever happens after today, however busy you become, please know that I love you and support you. Congratulations @robinhoodpadilla.”

Sa kasalukuyan ay nasa number one position pa rin si Robin sa mga bagong senador ng Pilipinas at hindi pa tapos ang bilangan kaya hindi pa naipoproklama ang mga nanalo.

Kahit walang TV ads… ROBIN, SUPORTADO NG INC KAHIT MUSLIM KAYA NAG-NO. 1 SENADOR

ni Reggee Bonoan - @Sheet Matters! | May 11, 2022

Maraming nagulat na nag-number one si Robin Padilla sa senatorial race 2022. Ang dami naming nabasang tweets nitong Lunes nang gabi na nilalait ang aktor. Ano raw ba ang alam ni Robin pagdating sa Senado?

Hindi lang naman ang taumbayan ang nagulat, maski mismong si Robin ay gulat na gulat din. Hindi niya inaasahan na siya ang number 1 dahil nga wala naman siyang TV ads at wala ring masyadong campaign materials dahil nga ang panggastos nila ay iniaasa sa mga kita ng panindang karne ng asawang si Mariel Rodriguez-Padilla at nagtagumpay naman.

Sabi ng aktor sa panayam sa kanya ni Jessica Soho, “Wala po akong inaasahan kahit ano. Unang-una, wala po akong kahit ano. Wala po akong makinarya, wala po akong kahit ano… pera, wala. Hindi ko po inaasahan ito.

“Ang akin lamang po ay paninindigan. Ang akin lamang po ay nananalig po ako sa Panginoong Diyos at tulung-tulong lang po ng mga naniniwala sa akin.

“Tulong ng katipunan, tulong ng mga rebolusyonaryo. 'Yun lang po, wala akong inaasahan.”

Ano ang nagpanalo kay Robin sa laban niya sa pagka-senador?

“Naniniwala po ako na 'yung plataporma ko na charter change, 'yung federalismo, 'yung pagbibigay ng kapangyarihan sa mga lalawigan, bigyan sila ng kalayaan, sila po ay makagawa nang ayon sa kanilang kultura, tradisyon, kapaligiran, du'n po ako naniniwala.

“Hindi po ako nangungumbinse nang dahil kay Robin Padilla. Malabo pong mangyari,” sambit ni Robin.

At sa mga bumoto ay nagpasalamat nang husto si Robin.

“Ako po ay nagpapasalamat sa lahat po ng mga nagtiwala sa atin. Sa lahat po ng lumabas, bumoto para po sa akin, at naging matagumpay po ang eleksiyon na ito. Ang pakiramdam ko po ay masaya, siyempre po, pero mas higit po 'yung responsibilidad na nakaakibat po sa atin sapagkat alam ko naman po, batid ko naman po na itong tagumpay na ito, hindi po ito patungkol kay Robin Padilla kundi tagumpay po ito ng reporma. 'Yun pong ating ipinaliwanag na patungkol po sa pagpapalit ho ng saligang batas, 'yung charter change, 'yun po ang plataporma natin na inihayag sa taumbayan.”

Samantala, naniniwala kami na kahit walang TV ads ang aktor ay malaking tulong na napanood siya sa YouTube channel nina Boy Abunda, Aiko Melendez, Toni Gonzaga-Soriano at ng asawang si Mariel.

Binasa namin isa-isa ang mga komento ng mga bumoto sa aktor.

Mula kay @T.Marioooo, “Sino'ng bumalik dito after Robin was number 1? Now, admit it. HE DESERVED IT.”

Gayundin si @Gemuel Macalinao, “Pagkatapos mo mapanood 'to, magbabago talaga isip ng mga tao kung anong pagkakakilala nila kay Robin. He is well educated sa kung ano talaga 'yung totoong kailangan ng mga tao. Congrats, Senator Robin!”

Sabi naman ni @Junmar Canoy, “Congratulations, Senator Robin Padilla! Hindi nagkamali ang INC sa pagsuporta sa 'yo kahit na ikaw po ay Muslim. Saludo po ako sa 'yo. Sana nga, matupad ang pangarap mong federalismo. susuportahan ka ng maraming Pilipino.”

Sabi naman ni @Link Design, “This is exactly the type of senator we need. People often mock him, but if you listen to what he has to say and witness his deeds toward the "masa," you'll understand why people voted for him.”

Halos maiyak naman si @ann cayetano, “Hindi magiging madali but with hard work and persistence, this goal will hopefully be realized. Grabe, nakakaiyak ang pagmamahal at sinseridad mo po para sa Pilipinas. Mabuhay ka, Senator Robin Padilla.”

At dito nalaman ni @Patricia Galang kung bakit nag-number one ang aktor, “Mr. Robin, I'm sorry and I regret not watching your interview. I’m also one of those people who were shocked on why you are leading number 1 in senatorial votes, and now I understand. Kudos po sa inyo. Mabuhay ang Pilipinas. Sama-sama na tayong babangon lahat.”

Aminado naman si @Mae Jen na pinagtawanan niya si Binoe noon pero nabago ang pananaw niya, “I laughed before, but I watched this and other interviews of him, grabe, I gave my vote to him. His sincerity.”

Naalala naman ni @Louie na Jay pa, “My Pol Sci professor explained Federalism to us before pero mas naintindihan ko ngayon. Thanks Idol Binoe for this. You deserve the number 1 spot in the senatorial race.”

Gayundin ang sabi ni @K, “He is number 1 right now and of course as a typical Filipino, I am also hesitant about him. But I don't wanna judge him based on his being artista. And here I am listening to his side and all I can say is he is very knowledgeable. He knows what he wants and that is change. Very clear, Very straightforward. No hang time on his explanations. I really hope that people will see his intentions very clear and accept it. Federalism is a very good mode of government. It’s like here in the US. Kudos to you, Robin! Looking forward to your years in the Senate.”

KATHRYN AT DANIEL, IBINULGAR ANG SIKRETO KAYA TUMAGAL NANG 10 YRS.

ni Reggee Bonoan - @Sheet Matters! | May 10, 2022

Bakit nga ba natagalan bago gumawa ulit ng teleserye sina Daniel Padilla at Kathryn Bernardo?

Apat na taon kasi ang nakalipas bago sila muling mapapanood sa telebisyon.

Sa Zoom mediacon ng bago nilang programang 2 Good 2 Be True ay natanong ang KathNiel tungkol dito at inaming namili talaga sila lalo’t panahon pa ng pandemya kaya gusto nila ay pulido ang script.

“After The House Arrest 1st season, tumaas ang cases, nahinto ang taping. Nilatagan kami ng script para sa teleserye, siyempre, kinilatis, binasa namin. Umabot ng tatlo, apat o limang scripts. Noong ipinresent ang isang Ronaldo Valdez (kasama sa serye), doon na kami nagkatinginan ni Kath. This is the project, it sounds good,” kuwento ni Daniel.

Dagdag pa, “Pangalawa, ‘yung tono ng seryeng gusto naming gawin… kasi galing na kami sa isang fantaserye-action, ‘yung La Luna, naghahanap kami ng… ano ba iyong… kilala namin ang isa’t isa, eh. Sampung taon na rin ang dumaan, ano ba ang gustong mapanood ng tao sa amin, ‘di ba? Saan ba kami minamahal ng tao, it’s been four years. Kung babalik man kami, ano ba ang dapat naming gawin and this is it.”

Say naman ni Kathryn, “Naging mahaba siyang proseso kasi out of other projects na ipinresent nila, ‘yung mga genre na sinabi, okay, maganda, pero feeling namin na hindi iyon ang kailangan naming gawin especially during this time,” wika naman ni Kathryn.

“So, noong ipinresent ito, sinabi nila na available si Direk Mae (Cruz-Alviar) and ito ‘yung team na magma-manage, parang na-feel namin we felt right na ito na. I think na-delay (teleserye) pero for the better.”

Dagdag ding sabi ng aktres, “‘Yung for the sake na may maiere ka, gagawa ka. Eh, sobrang hirap ng locked-in rules sa mga bubbles, especially last year, extra challenge dahil mataas ang COVID cases. Limited ang time and resources mo sa locations and all, so we waited lang for the perfect time. So, noong medyo lumuwag na last quarter ng last year, nag-start na ng look test, nagpadala na ng script and all. At na-feel lang namin na the timing is just perfect.

“So, I think at the end of the day, nangyari ang lahat ng ito in God’s perfect time kasi kung pinilit namin siyang gawin two years ago na kahit na, hindi bara-bara, pero hindi namin maibibigay nang 100 percent.

"With all my heart and lahat ng 'andito sa stage, sobrang proud lang kami sa project na ito kasi bawat characters dito, ang laki ng mga matututunan ng mga tao. So, iyon, abangan nila itong 2 Good 2 Be True. This is it! It’s a beautiful project.”

Naitanong din kung kailan naman sila gagawa ng pelikula.

“I-enjoy muna natin itong 2 Good 2 Be True. Let’s just take it easy, ito muna,” nakangiting sabi ng aktor.

Samantala, officially 10 years na ang KathNiel kaya natanong kung ano ang sikreto ng pagsasama nila.

“There’s no exact formula talaga na, ‘Okay, if you do this, magiging 10 years din kayo ng love team n'yo, ito ‘yung secret,’ but I think, if there’s something na since day one, up until now, 10 years after, it’s respect and teamwork. Iyon ‘yung ginagawa namin ni DJ over the years,” pagmamalaki ni Kath.

Say ni Daniel, “It’s the same. It’s love and respect and ‘yung support sa isa’t isa. ‘Yung suporta namin sa isa’t isa, sa kahit anong eksena, iyon ‘yung pinakaimportante.”

Anyway, mapapanood ang 2 Good 2 Be True sa Netflix sa Mayo 13, sa May 14 naman sa mga iWantTFC at sa May 16 sa Kapamilya Channel, Kapamilya Online Live, A2Z, Jeepney TV, Cinemo, TFC IPTV, at TV5.

Ka-join din sina Ronaldo Valdez, Matt Evans, Irma Adlawan, Gelli de Belen, Smokey Manaloto, Yves Flores, Pamu Pamorada, Cris Villanueva, Alyssa Muhlach-Alvarez, Bianca de Vera, Via Antonio, Romnick Sarmenta at Gloria Diaz.

Sina Mae Cruz-Alviar at Paco Sta. Maria ang direktor mula sa panulat ni Denisse O ‘Hara. Si Mel del Rosario ang creative consultant, produced ng RGE Unit at Star Cinema Entertainment at si Moira dela Torre ang umawit ng theme song na may titulong Kumpas.