Primetime Queen, pinalitan na raw sa GMA-7… SIGAW NG KAMPO NI MARIAN: BEA, MAY 2 BANG CUTE NA

BABY AT HARING TULAD NI DINGDONG?!

ni Reggee Bonoan - @Sheet Matters | July 21, 2021

Hindi nagustuhan ng mga netizens ang pagkukumpara ni Manay Lolit Solis kina Marian Rivera at Bea Alonzo nang lumipat ang huli sa GMA-7 dahil nga reyna ang asawa ni Dingdong Dantes sa Kapuso Network at reyna ring maituturing ang dating Kapamilya actress.

Ayon kay Manay Lolit ay naagawan na ng korona ni Bea si Marian kasi nga, nasa poder na siya ng GMA-7.

Eh, teka, hindi ba’t ‘reyna’ rin si Jennylyn Mercado since produkto siya ng StarStruck 1?

Anyway, ang paliwanag naman ni Manay Lolit, “Hindi ko na naman ma-understand ang galit ng mga fans sa naging opinion ko at na-post, Salve. Talaga siguro dapat cool at chill ka lang lagi. Sa hirap ng buhay at sitwasyon natin, siguro nga, madali mag-flare up ang emosyon ng tao. Iyon bang dapat lang meron kang fallback sa problema mo, para malimutan mo sandali. Hah hah, iyon bang konti pagkakaiba ng outlook ninyo, big deal na talaga.

“Hay naku, wasted energy talaga iyon sasali ka sa isang issue na ikaw na mismo nagsasabi na hindi puwede mangyari. Hindi pala puwede, why waste your time?

“Sige na, ok na, gawin na lang natin emotional outlet ang comment section ng IG, hindi ako magagalit dahil karapatan n'yo, sabi ko nga huwag lang bastos, tanggap ko.

“Opinion ko iyon, at sana nga, ako lang ang nag-isip ng bagay na iyon. Masarap din makita na ang dami palang nagmamahal kay Marian Rivera at kahit kay Bea Alonzo. Nice. Sweet.

“Good competition kung magkakaroon. So, mea culpa, sorry sa ginawa kong comparison, huwag nang high blood, ayaw ni Delta, Lambda, at Beta variant ng COVID, baka maghasik ng lagim. Hah hah joke joke.

“Enjoy na lang tayo, huwag na nega, hindi maganda. 'Pag galit, nagkakaroon ng wrinkles, tumatanda. 'Pag naka-smile, happy ang mood, maganda ang paligid. Maging kamukha tayo nina Marian at Bea, mas mabuti 'di bah! #classiclolita #takeitperminutemeganun #74naako"

Sabi ni @sabsamros, “Wrong comparison po kasi talaga. A woman’s contentment in life doesn’t come with how many kids she has or how perfect her husband is. Hindi lang 'yun ang sukatan para sabihin na masaya ka sa buhay."

Sumang-ayon din si @fairmaiden70, “@sabsamros I totally agree. Gone are the days na 'yan lang ang kaligayahan ng mga babae. Iba na ngayon. We are now empowered.”

“Manay, I’m always reading your IG post and opinions but this time, I will not agree with this. Yes, Marian is still a queen of GMA-7, admit it, but the way you (are) comparing Bea to Marian? Like may dalawa ba siyang cute na baby? May king ba siya gaya ni Dingdong? Hindi na, parang kaipokritahan na 'yan?”

“Ano ba 'yan, parang pinag-aaway mo pa sina Marian at Bea. Imbes na walang issue sa kanilang dalawa, ginagawan mo pa?”

Mga anak, nahihiram na rin, Jean…ALWYN AT JENNICA, OKS NA ULI

ni Reggee Bonoan - @Sheet Matters | July 20, 2021

Mukhang in speaking terms na sina Alwyn Uytingco at Jennica Garcia dahil nahihiram na ng aktor ang mga anak nilang sina Mori at Alessi.

Ayon kay Jennica nang ihatid ni Alwyn ang mga anak nila ay may ibong nakadapo sa sapatos ng aktor na nasa labas ng pinto at hindi umaalis.

Kinunan ng aktres ng larawan ang ibon sa kanyang IG account.

“HELP PLEASE! We think it's a baby maya.

“Alwyn took the kids earlier. When it was time for him to bring the children back to me, he found a bird inside his shoe! They waited for another bird to come get him but no other bird came despite the chirping sound that he makes! They couldn't leave the baby bird behind because there are a lot of stray cats in the area. When my kids arrived, may +1 ng ibon! Mori fervently prayed that the bird survives in our care. Na-pressure po ako. Tulong, sino may alagang ibon po?

“Ano po ipapakain ko? 'Di siya lumilipad. I don't think his wings are damaged, sadyang baby pa po ata siya. Do I need a syringe to feed him or do I put it in a shallow bowl? What food? It's 9:30 PM already, I don't think a pet shop is still open.”

At pagkalipas ng ilang oras ay nag-post ng update si Jennica.

“UPDATE AS OF 10:16PM

“Availed Grab Pabili Service for syringe and Cerelac. There are no nearby tree in the area from where the baby bird is found. It was inside Alwyn's shoe which is placed before the doorstep. May wide roof din po above the shoe since it is a gated parking area.

“Baby Bird looks very young in age because parts of his stomach and chest does not have feather yet. Praying the he survives under my care. Mori and Alessi lost two dogs already last month from old age. Alaga po nila Papa ko kung saan madalas sila Mori. Thank you for your well wishes and prayers! Baby bird, laban tayo.

“Setting my alarm to 3 hours at a time to offer food to baby bird.”

Ang daming positive comments tungkol sa ibon na baka hudyat na ito na kailangan nilang mag-ayos na mag-asawa para sa kanilang mga anak.

Mula kay @maisebettella, “Don't you think it's a sign about sa inyong mag-asawa? 'Di ko alam ilang sentence pa lang kakabasa ko sa post mo, pero nu’ng banggitin mo na sa loob ng shoes ni Alwyn galing, parang there's something about it. Sign talaga siya. If you have wisdom which I’m pretty sure you have, iba mapi-feel mo.”

Ganu'n din ang sabi ni @marykay_ph, “'Yang maya ang sign ng one more chance.”

Si @weng44, “That bird is a blessing.”

Ayon din kay @dollyriley0702, “That’s a sign of hope, care and love from God."

Ang pananaw naman ni @wondermarket101, “Hmmm quite symbolic a shoe that represents movement, moving away, stuck inside is a baby bird helpless and needs mothering.”

Nag-walkout na, nag-take home pa ng steak… OGIE, NAISAHAN NI LONG, PINAGBAYAD NG LUNCH NILA NA HALO

ni Reggee Bonoan - @Sheet Matters | July 19, 2021

Nag-walkout si Long Mejia sa lunch date nila ni Ogie Diaz kamakailan dahil hindi nito nagustuhan ang mga plano ng huli sa kanya bilang bagong manager.

Napanood namin ang bagong upload ni Ogie Diaz sa kanyang YouTube channel nitong Linggo, Hulyo 18, kung saan napikon ang komedyante sa mga gustong ipagawa sa kanya ni Ogie.

Sinabihan ni Ogie si Long na dapat maging propesyunal sa lahat ng oras dahil sa nasabing lunch date ay ilang oras na-late ang huli, bagay na hindi nagustuhan ng kilalang talent manager ng mga sikat na artista tulad nina Liza Soberano, Jobert Austria, Raffy Tulfo at iba pa.

Humingi ng dispensa ang komedyante at nangakong hindi na mauulit lalo’t si Ogie na ang bagong manager, pero hindi pa ito tinanggap ni Ogie dahil gusto niyang sabihin muna lahat ang kondisyon niya.

Tinanong ni Ogie kung bakit siya ang gustong maging manager ni Long at sagot ng komedyante, dahil sa mga alaga ng manager na sina Raffy Tulfo, Liza Soberano, Vice Ganda, etc., ‘pag napasama siya sa line-up, magle-level-up na rin ang name niya.

Diretsong sabi ni Ogie, “Gusto kong itanong sa ‘yo ‘to, Long, ha, naririnig ko, may attitude ka?”

“Baka naman namamali sila ng interpretasyon sa akin. Nu’ng mga nakaraan, mga bata pa tayo,” sagot nito.

Ang pananamit ni Long ang isa sa mga sinabing kailangang baguhin dahil old school at dapat sumunod sa uso ngayon.

Halatang medyo nairita si Long, “Pati ba itong pananamit ko, kailangang baguhin? Ano’ng gusto mo, susunod ako mala-Alden Richards?”

Sinabihan siyang kailangang magpa-gluta drip para gumanda ang kutis, magkaroon ng glow ang skin at hitsura.

“Magsasaksak ako? Para sa’n ba ‘yun?” tanong ni Long.

“Para pumuti ka nang konti para artistahin ang look mo. Para mag-glow ka at ang skin mo,” diing paliwanag ni Ogie.

“Meron ba tayong sponsor n’yan? O ako gagastos?” balik-tanong ng aktor.

At nag-iba ang hitsura ni Long nang sabihing walang sponsor, for sure.

Isa pang kondisyon ng talent manager ay ayusin nito ang pananalita na hindi bargas at palamura, dapat laging may po at opo.

“Okay, kasi nga laking-kalye ako, so natural lang talaga akong ganito. Sige, para maging maayos tayo, susundin ko po lahat. Pati sa 7 years old, mag-o-opo ako?” tanong ulit ni Long.

Tinitigan ni Ogie si Long at sinabihan na inaaral niya ito para makita kung ano pa ang mga dapat baguhin sa looks.

Wala naman daw problema sa acting lalo’t nahirang na Best Actor si Long nang gampanan niya sa MMK ang life story ni Rene Requiestas dahil heavy drama ito gayung nakilala siyang laging nagpapatawa.

Bilin ni Ogie, “Dapat Long, iwasan natin ang mga korning jokes, dapat ‘yung bitaw, natural.”

Hanggang sa napansin na nito ang kuntil ni Long, “Okay lang ba kung ipatanggal mo ‘yan? Kasi medyo distracting lang, no offense.”

Nagulat si Long dahil bakit pati ang kuntil niyang nananahimik ay kailangang pakialaman at nakilala naman siyang meron nito at nakakatulong pa nga ito sa pagdyo-joke niya.

“Ha? Bakit naman natin ipapatanggal, eh, mas okay nga ‘yan sa comedy? Nadadamay nga ‘pag nagko-comedy ako,” nakangising katwiran ni Long.

Parang ‘di solb si Long sa idea na ipatanggal ang kanyang kuntil. Okay naman sa kanya na sundin ang lahat ng ipinagagawa ni Ogie, pero ayaw niyang pumayag nu’ng ang kanyang kuntil ang sitahin ng manager.

“Itong kuntil (tumaas ang boses), tatanggalin para magmukha akong bata, ‘no?

“Ganito na lang gawin natin, tutal, tatanggalin ang kuntil. Noong bata ako, supot ako, ngayon, tuli na ako. Babalik ako sa pinagpatulian ko, ipababalik ko ‘yung mga nalaglag na lambi at pagsama-samahin, idikit doon sa t*t* ko at ikabit doon para magmukha na akong supot!” hirit nito.

“Ayaw mo yata akong hawakan, hindi mo pa sabihin sa akin? Eh, di ‘wag mo na akong hawakan. Ang bigat ng mga sinasabi (kondisyon) mo!

“Ngayon lang ako nakakita ng manager na gusto mong tanggalin lahat? Eh, di ‘wag na tayong mag-ano (magpa-manage, sabay bato ng ballpen sa lamesa). Sariling kayod na lang ako,” galit na sabi ni Long.

Hanggang sa nag-walkout na si Long at hindi na bumalik.

Ang ikinaloka ni Ogie ay si Long ang nag-imbita sa kanila ng pananghalian pero hindi nito binayaran ang bill na umabot sa P9,600 at ang masama ay nag-take-out pa ang aktor ng steak.

Napamura si Ogie nang iabot sa kanya ang bill at akala niya, naisahan niya si Long nang bigyan niya ng mabibigat na kondisyones dahil nga ayaw niyang i-manage ito bilang matagal na silang magkaibigan at okay naman ang career.

“Ako pala ang naisahan dahil ako magbabayad ng bill na P9,600, p*ta!” saad ng talent manager.