'Di na binigyan ng permit sa EDSA... INC rally sa Liwasang Bonifacio, tinapos na

ni Mylene Alfonso @News | July 3, 2026

Photo: Ganito na ang kapal ng mga lumahok sa panibagong kilos-protesta ng Iglesia Ni Cristo (INC) na isinagawa sa Liwasang Bonifacio sa Maynila (as of 5pm) matapos lumipat ng ibang venue ang grupo makaraang hindi na pinayagan ng QC LGU na biyayaan sila ng permit para sa hiling na ikatlong araw ng pagkilos. (Jeff Tumbado)

Tinapos na kahapon, Hulyo 2, ang peace rally ng Iglesia Ni Cristo (INC) sa Liwasang Bonifacio sa Maynila.

“Nawa ay kung gaano tayo kapayapa nagpunta at naglakbay papunta rito, nawa ay ganun din sa ating pag-uwi,” ayon kay INC spokesperson Edwil Zabala.

Una nang inilipat  ng INC ang kanilang kilos-protesta sa Liwasang Bonifacio matapos na ‘di na sila bigyan ng permit ng Quezon City Department of Public Order and Safety (QC DPOS) para sa ikatlong araw ng rally sa EDSA. Ito ay dahil umano sa matinding trapiko at abalang idinulot ng naunang dalawang araw.

Kaugnay nito, isinailalim sa red alert status ng Manila Disaster Risk Reduction and Management Office (MDRRMO) ang buong puwersa nito.

Naka-full standby ang lahat ng emergency medical personnel, operations team, at kagamitan upang agad na rumesponde sa anumang insidente.

Samantala, as of 6PM, umabot na sa 12,600 ang bilang ng nakikiisa sa kilos-protesta, ayon sa Manila City DRRMO.

INC, nag-rally... PBBM, 'di lumabas ng M'cañang

ni Mylene Alfonso @News | July 1, 2026

Photo: Bongbong Marcos / File

Kinansela ni Pangulong Ferdinand Marcos Jr. ang kanyang nakatakdang maagang aktibidad kahapon ng umaga sa Maynila.

Ito ang kinumpirma ni Presidential Communications Office Secretary Dave Gomez, nakatutok ang Pangulo sa rally ng Iglesia ni Cristo (INC).

Samantala, kinumpirma naman ni Usec. Claire Castro, na nasa loob lang ng Malacañang, kasabay ang pahayag na walang nakikitang threat sa kilos-protesta ng INC.

Malawakang rally, kasado na... BBM, inutil sa oil price hike! — PISTON

by Mai Ancheta @News | March 17, 2026

Photo: FB / PISTON

Welga ang sagot sa oil price hike! Ito ang sigaw ng grupong PISTON na nakatakdang maglunsad ng nationwide transport strike sa Huwebes, Marso 19, upang igiit sa gobyerno ang iba’t ibang isyung nagpapahirap sa public transport group.

Ayon sa grupo, igigiit nila sa gobyerno na alisin na ang Value Added Tax at excise tax sa produktong petrolyo at magkaroon ng rollback sa mataas na presyo.

Hihilingin din ng PISTON ang limang pisong dagdag sa pamasahe upang makabawi sa napakataas na presyo ng langis.

Ayon kay Mody Floranda, pinuno ng grupo, inutil ang gobyerno sa pagtugon sa epekto ng mataas na presyo ng langis.

“Ngayong darating na March 19, ay ilulunsad po natin ang nationwide transport strike laban sa patuloy na pagtaas ng presyo ng petrolyo, laban sa US aggression, laban sa pagkainutil ni Bongbong Marcos!” pahayag ni Floranda. 

Kinondena rin ng grupo ang mga kumpanya ng langis sa pagtatakda ng napakataas na presyo sa kabila ng bilyun-bilyong kita umano ng mga ito.