Pagbabasbas ng mga replica ng Itim na Nazareno, sinimulan na

ni Jasmin Joy Evangelista | December 28, 2021

Sinimulan na kahapon ang taunang pagbabasbas sa mga replica ng Itim na Nazareno sa Minor Basilica of the Black Nazarene (Quiapo Church) sa Maynila.

Ayon kay Quiapo Church parochial vicar Fr. Douglas Badong, ginawang 3 araw ang pagbabasbas upang maiwasan ang dagsa ng mga deboto.

"Iyong dating 1 araw lang natin ginagawa, para maiwasan ang ating pagdidikit-dikit at masunod pa rin natin ang physical distancing, ay ginawa nating 3 araw," ani Badong.

Samantala, sinimulan na rin kahapon ang paglabas sa mga imahen ng Nazareno sa Quiapo Church para dalhin sa mga probinsiya.

"Nasa Atimonan, Quezon... at bukas naman ay bibiyahe iyong isang pa-north, papunta naman ng Baguio Cathedral," ani Badong.

Sa Disyembre 30 naman magkakaroon ng thanksgiving procession ang Nazareno sa rutang dinadaanan ng Traslacion.

Sa Disyembre 31, magsisimula naman ng alas-5 ng madaling araw ang mga Misa na idaraos kada oras hanggang alas-6 ng gabi.

Alas-8 ng gabi naman isasagawa ang Misa para sa bisperas ng Bagong Taon sa Quiapo Church.

Mga simbahan sa Maynila, naghahanda na para sa Simbang Gabi

ni Jasmin Joy Evangelista | December 10, 2021

Naghahanda na ang iba't ibang simbahan sa lungsod ng Maynila para sa Simbang Gabi at iba pang aktibidad habang papalapit ang Pasko. 

Narito ang schedule sa Sto. Niño de Tondo Parish Church:

Disyembre 15-23, 2021

* 6:00 p.m.

* 8:00 p.m.

Disyembre 16-24, 2021

* 3:00 a.m.

* 5:00 a.m.

Narito naman ang schedule sa Quiapo Church:

Simula Disyembre 15, 2021

* 7:00 p.m.

* 8:00 p.m.

Simula Disyembre 16, 2021

* 4:00 a.m.

* 5:00 a.m.

Mayroon ding misa na inorganisa ang pamunuan ng Quiapo Church katuwang ang ibang simbahan para sa Simbang Gabi sa Liwasang Bonifacio nang alas-7 ng gabi. 

Paalala ng mga pamunuan ng simbahan, sumunod sa safety protocol marshals at panatilihin ang physical distancing. Kung mayroon namang karamdaman o sintomas ng COVID-19, manatili na lamang sa tahanan at sumubaybay na lamang sa online mass. Ipinagbabawal din ang paghawak o pagpahid sa mga imahen ng poon.

Samantala, nagbabala naman ang Manila Police District sa mga deboto na mag-ingat sa modus ng kawatan at sumunod sa protocols.

Iskedyul ng ‘Localized Traslacion’, inilabas ng Quiapo Church

ni Lolet Abania | December 8, 2021

Naglabas na ng iskedyul ang Minor Basilica of the Black Nazarene o kilala sa tawag na Quiapo Church, ng ‘Localized Traslacion’ na gaganapin sa huling linggo ng Disyembre ngayong taon hanggang Enero 2022.

Ayon kay parochial vicar Fr. Douglas Badong, ang pagdiriwang ng ‘Localized Traslacion’ ay gaganapin sa maraming lugar sa halip na ang tradisyunal na Traslacion para maiwasan ang malaking bilang ng mga debotong dadagsa sa Manila sa Enero 9, ang araw ng pista ng Itim na Nazareno, sa gitna ng COVID-19 pandemic.

Ang tradisyunal na Traslacion, ang prusisyon ng imahe ng Itim na Nazareno, na nagsisimula sa Quirino Grandstand hanggang Quiapo Church, ay kadalasang dinadagsa ng milyong deboto nito.

Narito ang listahan ng ‘Localized Traslacion’ na gaganapin mula Disyembre 27, 2021 hanggang Enero 8, 2022, ayon sa Quiapo Church.

Ang imahe ng Itim na Nazareno ay dadalhin sa mga sumusunod na petsa at lugar:

• Dis. 27-29, 2021: Atimonan Catholic Church - Atimonan, Quezon

• Dis. 28-30, 2021: The Baguio Cathedral of Our Lady of the Atonement or Baguio Cathedral

• Dis. 29, 2021 – Enero 2, 2022: St. Ferdinand Cathedral Lucena City

• Dis. 30, 2021 – Enero 2, 2022 - Birhen ng Antipolo - Our Lady of Peace and Good Voyage o Antipolo Cathedral

• Dis. 31, 2021 – Enero 1, 2022 - Caritas Manila

• Enero 1-2, 2022:

- Chapel of St. Lazarus o San Lazaro Hospital

- Shrine of Our Lady of Namacpacan, La Union

• Enero 2-3, 2022:

-National Capital Region Police Office (NCRPO)

-St. John the Evangelist Cathedral, Lingayen, Dagupan

-Cathedral Parish of St. Paul the First Hermit o San Pablo Cathedral

-San Roque Cathedral - Diocese of Kalookan

• Enero 3-4, 2022:

-Manila PIO o Manila City Hall

-St. Nicholas of Tolentine Parish Cathedral/Historic Cabanatuan Cathedral, Cabanatuan City

-Metropolitan Cathedral of San Sebastian - Archdiocese of Lipa

-Novaliches Cathedral

• Enero 4-5, 2022:

-Greenbelt Chapel, Ayala Center

-San Sebastian Cathedral Parish Tarlac, Poblacion, Tarlac City

-The Roman Catholic Parish Church of St. John the Baptist City of Calamba, Calamba City

-The Immaculate Concepcion Cathedral of Cubao

• Enero 5-6, 2022:

-Bureau of Fire Protection-Main Office

-Katedral ni San Jose, Nueva Ecija

-Diocesan Shrine and Parish of Our Lady of the Pillar-Imus Cathedral

-Immaculate Conception Cathedral of Pasig

• Enero 6-7, 2022:

-DZRV 846/ Radyo Veritas 846

-Metropolitan Cathedral of San Fernando, Pampanga

-The Cathedral Parish of St. Andrew, Parañaque

-The Manila Cathedral - Minor Basilica of the Immaculate Conception

• Enero 7-8, 2022:

-San Carlos Seminary - Archdiocese of Manila, Guadalupe, Makati

-Malolos Cathedral - Immaculate Conception Parish Cathedral and Minor Basilica

-Baclaran Church - National Shrine of Our Mother of Perpetual Help, Parañaque

• Enero 8, 2022: The Nazarene Catholic School (OFFICIAL), Hidalgo St., Quiapo, Manila

Ito na ang ikalawang pagkakataon na hindi naisagawa ang tradisyunal na Traslacion dahil sa COVID-19 pandemic.