Nadiskubreng labi ng 215 bata sa Canada, ikinalungkot ni Pope Francis

ni Lolet Abania | June 6, 2021

Naipahayag ni Pope Francis ngayong Linggo ang kanyang labis na pagdadalamhati sa pagkakadiskubre sa labi ng 215 bata sa isang dating Catholic school para sa mga indigenous na estudyante sa Canada, kasabay ng kanyang panawagan na igalang ang karapatan at kultura ng mga native people o katutubo.

Hinimok din ng pope ang mga Canadian political at Catholic religious leaders na "magkaroon ng determinasyong makiisa" upang maliwanagan sa mga bagay at hanapin sa puso ang tinatawag na reconciliation at healing.

Ani Pope Francis, "I felt close to the Canadian people, who have been traumatized by the shocking news."

Samantala, sandali lang nanatili si Pope Francis sa mga pilgrims at turista na nasa St. Peter's Square, habang humingi ng apology dahil maraming Canadians ang nagde-demand mula sa Catholic Church hinggil sa kanilang tungkulin sa mga residential schools, kung saan nag-operate sa pagitan ng taong 1831 at 1996 at pinatatakbo ng ilang Christian denominations na dapat sana ay ang gobyerno.

Matatandaang noong nakaraang buwan, nadiskubre ang mga labi ng mga bata sa Kamloops Indian Residential School sa British Columbia na nagsara noong 1978 at naging dahilan ito kaya nabuksan ulit ang isyu at nagpasiklab ng galit ng mga tao sa Canada dahil sa kakulangan ng mga impormasyon at accountability nito.

Ang naging sistema ng nasabing residential school ay puwersahang inihiwalay ang nasa 150,000 mga bata sa kanilang pamilya. Marami sa kanila ang naabuso, na-rape at dumanas ng malnutrisyon na tinawag ng ahensiyang Truth and Reconciliation Commission noong 2015 na "cultural genocide."

Gayunman, nagsalita si Pope Francis matapos na dalawang araw na ipahayag ni Canadian Prime Minister Justin Trudeau na ang Catholic Church ang nararapat na kumuha ng responsibilidad dahil sa kanilang tungkulin na nagpapatakbo ng maraming eskuwelahan.

Easter Sunday, online mass lang muna

ni Mary Gutierrez Almirañez | April 4, 2021

Ipinagdiriwang ng simbahang Katoliko ang Easter Sunday sa pamamagitan ng online mass ngayong araw, Abril 4.

Matatandaang kabilang ang religious gatherings sa mga ipinagbawal sa ilalim ng ipinatupad na bagong guidelines ng Inter-Agency Task Force (IATF) dahil sa pagtaas ng COVID-19, partikular na sa NCR Plus Bubble, kung nasaan ang Metro Manila, Bulacan, Laguna, Cavite at Rizal.

Gayunman, may ilan pa ring deboto ang taimtim na nagdarasal sa labas ng simbahan, habang patuloy na sinusunod ang health protocols katulad ng social distancing at pagsusuot ng face shield at face mask.

Kabilang si Pangulong Rodrigo Duterte sa nagpaabot ng mensahe patungkol sa Linggo ng Pagkabuhay.

Aniya, "As we collectively strive to overcome the challenges brought about by the COVID-19 pandemic, I trust that the promise of salvation will inspire us to look ahead for new beginnings and move forward with stronger faith and compassion for others. May this cornerstone of Christianity guide us as we pursue our shared aspirations for a better and safer future of our people. A blessed Easter to all!”

Samantala, inaasahan naman ang ‘Orbi et Urbi’ o mensahe ni Pope Francis mula sa Vatican na mapapanood din nang live mamayang alas-4 nang hapon (PHL time).

Pope Francis, nagmisa para sa 500 yrs. ng Kristiyanismo sa 'Pinas

ni Lolet Abania | March 14, 2021

Pinangunahan ni Pope Francis ang isang Banal na Misa bilang selebrasyon ng ika-500 taong anibersaryo ng Kristiyanismo sa Pilipinas ngayong Linggo sa St. Peter’s Basilica sa Rome.

Labis ang pasasalamat nina Pope Francis at Cardinal Luis Antonio Tagle, kung saan nagsimula ang misa ng alas-5:00 ng hapon, oras sa Pilipinas habang alas-10:00 ng umaga sa Rome sa pagdiriwang na ito.

Kabilang sa dumalo sa Banal na Misa ang ilang kinatawan ng Filipino Church gaya nina Cardinal Tagle na naitalagang prefect of the Congregation for the Evangelization of Peoples at Cardinal Angelo De Donatis, ang pope's vicar for Rome na limitado lamang ang pinayagang makasama ng Santo Papa sa basilica dahil sa COVID-19 restrictions.

Sa ibinigay niyang Homily, hinikayat ng 84-year-old pontiff ang mga Pinoy na mas lalo pang pagtibayin ang kanilang pananampalataya sa Diyos. “We see it in your eyes, on your faces, in your songs and in your prayers.

I want to thank you for the joy you bring to the whole world and to our Christian communities,” ani Pope Francis sa pamamagitan ng translator.

Tiniyak naman ni Cardinal Tagle na patuloy ang pananalig ng mga Filipino Christians sa Panginoon na nagsisilbing sandata sa pagharap sa kahirapan sa buhay, sa economic inequality, political upheavals at tuwing may mga kalamidad gaya ng bagyo, lindol, pagputok ng bulkan, maging sa pandemya ng COVID-19.