Pope Francis, nagbigay ng 100,000 euros para sa Odette relief operation — Vatican

ni Lolet Abania | January 19, 2022

Ipinahayag ng Vatican nitong Martes na nag-pledge si Pope Francis ng halagang 100,000 ($114,000) euros para sa relief efforts na isinasagawa ng Pilipinas, matapos ang hagupit ng Bagyong Odette noong Disyembre 2021.

Batay sa situation report ng National Disaster Risk Reduction and Management Council (NDRRMC), umabot na sa 406 ang nasawi dahil kay ‘Odette’ habang 65 na mga indibidwal ang nananatiling nawawala at 1,265 naman ang mga nasaktan.

Nagdulot ang Bagyong Odette ng malawakang pinsala sa mga probinsiyang dinaanan nito, gaya ng Surigao del Norte, Dinagat Islands, Cebu, at Palawan.

Ayon din sa NDRRMC, 2,335,757 pamilya ang apektado ng bagyo mula sa 11 rehiyon at 38 na lalawigan.

Matatandaan noong Disyembre, nagpahayag ng pagkabahala si Pope Francis sa mga Pilipino matapos bayuhin ng Bagyong Odette.

Isang mensahe ang ibinigay ng Santo Papa sa Twitter para sa mga apektado ng bagyo, na may nakalagay pang hashtag #PrayTogether.

“I express my closeness to the population of the Philippines, struck by a strong typhoon that has caused many deaths and destroyed so many homes,” post ni Pope Francis.

“May the ‘Santo Niño’ bring consolation and hope to the families of those most affected,” sabi pa niya.

Ayon pa anunsiyo ng Vatican, si Pope Francis ay nag-pledge rin ng 100,000 euros upang makatulong naman sa mga migrante na naharang sa mga border sa pagitan ng Poland at Belarus.

Kasama sa naipagkaloob na pera ang suporta para sa Catholic charity Caritas Poland, anila, “to deal with the migration emergency on the border between the two countries.”

Pope Francis ipinagdasal ang Pilipinas matapos masalanta ng bagyong Odette

ni Jasmin Joy Evangelista | December 20, 2021

Ipinagdasal ni Pope Francis ang Pilipinas matapos ang pananalanta ng bagyong Odette.

Nitong Linggo, nag-tweet ang Papa ng mensahe para sa mga Pilipinong naapektuhan ng bagyo na may hashtag na #PrayTogether.

"I express my closeness to the population of the Philippines, struck by a strong typhoon that has caused many deaths and destroyed so many homes," aniya.

"May the 'Santo Niño' bring consolation and hope to the families of those most affected," dagdag niya.

Nag-landfall ang bagyong Odette sa Siargao noong Huwebes at sinalanta ang iba’t ibang lugar kabilang ang Bohol, Cebu, Palawan, at Negros Occidental.

Dasal at penitensiya para sa Afghanistan, hiling ni Pope Francis

ni Jasmin Joy Evangelista | August 30, 2021

Hiniling ni Pope Francis sa mga Kristiyano sa buong mundo na kung maaari ay magdasal at mag-fasting upang hilingin sa Panginoon ang kapayapaan at kaayusan sa Afghanistan.

Sa kanyang mensahe sa mga pilgrims at turista sa St. Peter’s Square para sa kanyang weekly blessing, sinabi ni Pope Francis na siya ay lubos na nag-aalala at nakikiramay sa mga nasawi sa naganap na suicide bombing sa Kabul airport.

"I ask all to continue to help those in need and to pray so that dialogue and solidarity can bring about a peaceful and fraternal coexistence th

at offers hope for the future of the country," saad ng Santo Papa.

"As Christians, this situation commits us. And because of this I appeal to everyone to intensify prayer and carry out fasting, prayer and fasting, prayer and penitence. Now is the time to do it."

Ang naganap na suicide attacks noong Huwebes ay nagdulot ng pagkasawi ng mga Afghan at 13 American troops sa labas ng mga gate ng airport kung saan libu-libo ang nag-aabang na makasama sa flight palabas ng bansa.