P912K hinihinalang shabu, nakumpiska, suspek, arestado

ni Lolet Abania | March 27, 2022

Nakasabat ang anti-drug operatives ng tinatayang P900,000 halaga ng hinihinalang shabu, habang arestado ang isang suspek sa isang buy-bust operation sa Davao City nitong Sabado, ayon sa Philippine National Police (PNP).

Sa isang Facebook post ngayong Linggo, kinilala ng PNP ang suspek na si Arnulfo Ferraren Sefuentes alyas ‘Tata’, 47-anyos, residente ng Fatima Village, Bajada, Barangay 19-B, Davao City na inaresto sa isang anti-drug operation.

Si Sefuentes ay nasa 4th top drug personality sa Davao region (Region 11) at kinokonsiderang isang high-value target (HVT) ng pulisya. Batay sa police report, bandang alas-12:08 ng hatinggabi nagkasa ng buy-bust operation ang Regional Special Operations Group 11, kasama ang mga law enforcement agencies sa R. Castillo St., Barangay Lapu-Lapu, Agdao, Davao City.

Nakumpiska kay Sefuentes ang mga sachets ng hinihinalang shabu na may timbang na humigit-kumulang sa 57 gramo na may street value na P912,000.

“Our focus is to further intensify the campaign against illegal drugs and to improve the quality of operations where policemen should focus more on High-Value Targets and higher grams of drugs confiscated per operations,” pahayag ni PNP Chief Police General Dionardo Carlos.

Nasa kustodiya na ng Sta. Ana police si Sefuentes habang inihahanda na rin ang kaukulang kaso sa korte laban sa kanya.

Kit Thompson, arestado sa umano’y pambubugbog sa nobyang si Ana Jalandoni

ni Lolet Abania | March 18, 2022

Arestado ang aktor na si Kit Thompson dahil sa umano’y pambubugbog at pag-detained sa kanyang nobya na si Ana Jalandoni sa Tagaytay City, Cavite.

Sa inisyal na report mula sa lokal na pulisya, nasagip nila si Jalandoni sa isang hotel kung saan nag-i-stay ang dalawa matapos na makatanggap ng emergency call mula sa 911.

“It turns out na talagang merong… valid ‘yung information na meron talagang binugbog o sinaktan na babae doon sa loob ng hotel,” sabi ni Tagaytay City Police chief Rolando Baula.

Ayon sa biktima, nagkaroon sila ng mainitang pagtatalo ni Thompson na nagresulta sa pananakit umano ng nobyo. Inatake umano siya ng boyfriend at pinagsusuntok sa iba’t ibang bahagi ng kanyang katawan.

Puno ng pasa at galos ang mukha ng biktima nang dalhin sa Tagaytay City Medical Center habang binigyan din agad ng paunang lunas. Dinala naman ang aktor sa istasyon ng pulisya para sa imbestigasyon.

Nahaharap si Thompson sa posibleng charges dahil sa paglabag sa Republic Act 9262 o kilala bilang Anti-Violence Against Women and their Children Law. Tiniyak naman ni Calabarzon police chief Antonio Yarra na kanilang tututukan ang nangyaring insidente.

“Ang ganitong klaseng violence ay hindi dapat isinasawalang bahala lamang,” sabi ni Yarra.

“I will take this chance to call on other women who are victims of violence not to be afraid and report immediately to the nearest police station their situation. Kagaya na lamang po ng biktima sa insidenteng ito, agad na nabigyan ng aksyon at hindi na umabot pa sa mas marahas na sitwasyon,” ani pa ni Yarra.

Tumanggi namang magbigay ng pahayag ang Cornerstone Entertainment, ang management ni Thompson, hinggil sa insidente.

“As we have yet to receive a formal report regarding the alleged incident, we could not give a response nor comment on the matter,” batay sa kanilang statement.

“However, we request the public to be mindful of casting judgment based on unfounded reports being circulated online,” dagdag pa

Election gun ban violators halos 1.8K na — PNP

ni Jasmin Joy Evangelista | March 14, 2022

Umabot na sa 1,791 indibidwal ang naaresto dahil sa paglabag sa Commission on Elections (Comelec) gun ban, ayon sa Philippine National Police (PNP) nitong Linggo, March 13.

Kabilang sa mga arestado ay 1,740 civilians, 27 security guards, 15 police officers, at 9 military personnel, batay sa pahayag ng PNP.

Dagdag pa rito, 1,673 police operations naman ang isinagawa kung saan nakumpiska ang 1,379 firearms, 7,634 piraso ng ammunition, at 650 deadly weapons.

Sa datos ng PNP, ang top five regions na may pinakamaraming arrested violators ay ang National Capital Region — 598, sinundan ng Central Visayas — 189; Central Luzon — 124; Calabarzon — 187; at Western Visayas — 100.

Ayon sa Comelec Resolution No. 10728c ipinagbabawal ang pagdadala, pagbitbit, o pag-transport ng mga firearms o deadly weapons sa labas ng tahanan at sa lahat ng pampublikong lugar mula Jan. 9 hanggang June 8.

Ang mga violators ay posibleng maparusahan ng pagkakakulong mula 1 hanggang 6 na taon, disqualification to hold public office, at deprivation of the right to vote.