Higit sa 600 deboto, tumanggap ng tulong medikal sa Traslacion 2024

ni Eli San Miguel - Trainee @News | January 9, 2024

Nagbigay ng medikal na atensyon ang Philippine Red Cross (PRC) sa mahigit 600 deboto na dumalo sa Traslacion ng Itim na Nazareno ngayong Martes.

Hanggang alas-tres ng hapon, tumutulong ang PRC sa kabuuang 606 pasyente na may minor at major cases.

Sa naturang bilang, 256 ang tinutukan ang vital signs habang 182 ang may mga minor cases tulad ng abrasion, burn, dizziness, puncture, laceration, difficulty in breathing, chest pain, hyperventilation, wound, headache, elevated blood pressure, at infected wounds.

Hindi bababa sa anim na pasyente ang may naranasang head trauma (swelling), laceration, incision, fainting, severe chest pain, at suspected fracture on the left ankle.

Dinala ang mga pasyente sa PRC emergency hospital at sa Philippine General Hospital para sa agarang pangangalaga.

Mahigit 4K pasyente sa Undas, narespondehan ng Red Cross

ni Eli San Miguel - Trainee @News | November 2, 2023

Umabot sa 4,276 pasyente ang nirespondehan ng grupo ng Emergency Medical Services (EMS) ng Philippine Red Cross (PRC) para sa Undas 2023 Operations sa buong bansa hanggang sa tanghali ng Huwebes, ika-2 ng Nobyembre.

“Our mission at the Red Cross is to save lives. Our EMS teams are always ready to respond to medical emergencies,” sabi ni PRC Chairman and Chief Executive Officer (CEO) Richard “Dick” Gordon sa isang pahayag.

Sa inaasahang pangangailangan sa medical emergency ng mga taong naglalakbay upang makasama ang kanilang pamilya sa pagdaraos ng All Saints’ Day at All Souls’ Day, naka-deploy na ang mga grupo ng PRC EMS mula pa noong Oktubre 27.

Binanggit ng PRC na walong pasyente mula sa 4,276 ang dinala sa mga medical facility.

Samantala, pinuri ni Gordon ang mga miyembro ng yunit ng EMS para sa “job well done.”

“Because of our EMS Unit’s dedication day in day out, I believe that the Philippine Red Cross has more experience and a stronger understanding of EMS needs in the Philippines than any other organization,” dagdag ni Gordon.

Kabuuang 1,808 personnel ang itinalaga para mag-operate ng 303 mga first aid stations, 80 ambulance units, at pitong emergency vehicles.

Red Cross, nakaalerto na laban sa hand, foot and mouth disease

ni Lolet Abania | December 12, 2022

Inalerto na ng Philippine Red Cross (PRC) ang kanilang network ng mga barangay-based volunteers na maging mapagbantay laban sa banta ng hand, foot and mouth disease (HFMD).

Ayon sa PRC, ang HFMD ay isang highly contagious viral infection na karaniwang tumatama sa mga sanggol at mga bata. “PRC’s Health Services Team has alerted all our 100+ chapters — and our RC143 volunteers — to be vigilant and report to our Operations Center information from the barangays on HFMD cases,” pahayag ni PRC chairman at CEO Richard Gordon sa isang statement.

Noong nakaraang linggo inanunsiyo na rin Department of Health (DOH) na tumataas ang mga kaso ng naturang sakit sa NCR. Batay sa DOH, 155 kaso ng HFMD ang nai-record mula Oktubre hanggang Disyembre 6 sa Metro Manila.

Karamihan sa mga kaso nito ay mga bata, subalit wala namang naiulat na namatay sa nasabing panahon. Sinabi ng PRC, “those infected by HFMD are most contagious during the first week of their illness. Its incubation period is 2 to 14 days.”

Kabilang sa mga sintomas ng sakit ay lagnat, sore throat, malaise, blister-like lesions sa dila, gums, at sa loob ng mga pisngi, pagka-irita ng mga sanggol at toddlers, at walang ganang kumain.

Ayon pa sa PRC, “HFMD is transmitted through contact with nose and throat discharges and saliva of infected persons and contaminated objects.” “Good hygiene, such as proper handwashing, could decrease the risk of spreading the disease. Disinfection of premises and all infected surfaces will also help,” dagdag ng PRC.