Dagdag insentibo pa ng Asiad medalists hihilingin

by Gerard Arce @Sports News | October 7, 2026

Photo: Kakatukin ng PSC at POC ang Malacañang para sa dagdag insentibo ng mga medalists sa Asian Games matapos ang hapunan ng mga ito sa Century Park. (Reymundo Nillama)

Pormal pang hihilingin ng Philippine Sports Commission (PSC) sa Malacañang na mabigyan ng dagdag insentibo ang mga atletang nagka-medalya sa 20^th Asian Games Aichi-Nagoya 2026 bilang gantimpala sa karangalang naiuwi sa bansa.

Inihayag ni Philippine Sports Commission Chairman Patrick “Pato” Gregorio na susubukan nilang humingi ng dagdag pabuya kay President Ferdinand “BongBong” Marcos Jr. sakaling pumayag itong pabisitahin ang mga atleta sa Malacañang.

Ayon sa RA 10699, may matatanggap na P2 milyon ang naka-gintong medalya, habang ang silver medalists ay P1-M at ang bronze medalist ay  P400,000, samantalang ang coaches ay may 50% ng mga insentibo ng kanilang mga atleta, at kung higit naman sa isa ang coach, ang insentibo ay hahatiin nang pantay-pantay sa kanila.

“Ang PSC po, katulong ang PAGCOR, ang POC, sa bawat bronze medal po ay P400,000, sa bawat silver medal ay P1-M at sa bawat gold medal po ay P2-M. Pero kami po ni President Bambol (Tolentino)l, kami po ng POC, susulat po tayo sa Office of the President para maglalambing tayo ng additional na gantimpala o incentives para sa inyo,” pahayag ni Gregorio sa ginanap na Team Philippines Heroes' Welcome sa Century Seafood Restaurant sa Maynila.

“Pinaabot na po natin 'yan kay President BBM, na ito po ang performance ng Team Philippines, and we hope to visit him soon. So, pasalamatan na po natin ang PSC, PAGCOR POC and of course the Office of the President.”

Paldo sa medalya ang atleta sa Asiad sa loob ng 60-taon

by Gerard Arce @Sports News | October 5, 2026

Photo: Dumalo sa closing ceremony parade sina gold medalist EJ Obiena at beach volleyball player Sisi Rondina sa pormal na pagtatapos ng 20^th Asian Games Aichi-Nagoya 2026 sa Nagoya, Japan. (pocmedia)

Hindi man nakuha ang target na 8 gintong medalya, ang laki naman ng ipinagbago pagdating sa kabuuang medalya at dagdag sports na nagka-medalya sa mahigit 2  linggong aksyon sa pormal na pagtatapos ng 20^th Asian Games Aichi-Nagoya 2026 sa Nagoya, Japan.

Napantayan pa rin ng Pilipinas ang 4 na gintong medalya noong 2018 Jakarta-Palembang at 2022 Hangzhou Asian meet – subalit mas dumami ang medalyang pilak at tanso na nakuha  sa kabuuang 29, na ika-limang overall medals ng bansa sa quadrennial meet.

“We’re very happy we won so many medals in so many sports—kung ’di po ako nagkakamali, 18, 19 sports. In China 2023 Hangzhou Asian Games, we won in 11 sports. ’Yan po ang malaking pagbabago, at ’yan po ang importante sa ating development ng Philippine sports, sa ating grassroots program,” pahayag ni Philippine Sports Commission (PSC) Chairman Patrick “Pato” Gregorio, kasama sina PSC Commissioner Walter Torres at Executive Director Atty. Guillermo Iroy.

Binigyang-diin din ni Gregorio ang insentibo ng bawat atleta at coaches na nagka- medalya na aabot sa P35 milyon – na maaari pa umanong madagdagan mula sa mga corporate sponsors, katuwang ang Office of the President.

“That’s for the athletes and for the coaches. Sana dagdagan pa ’yang 35 na ’yan! Sana dumami pa, wala po tayong problema diyan,” paglalahad ng PSC chief. 

500 mga estudyante nakiisa sa Olympic Day celebration

by MC @Sports News | June 24, 2026

Photo: Kasama ng 500 mga bata na mula sa tatlong mga paaralan ng Tagaytay City ang Philippine  Olympic Committee president  para i-celebrate ang Olympic Day kahapon sa Tagaytay CT Velodrome. (POC Photo)

Mga estudyanteng nagmula sa tatlong  eskuwelahan ng Tagaytay City ang nakiisa sa isang araw na sports activities na itinampok ang Philippine Olympic Committee (POC) global celebration para sa Olympic Day kahapon sa  Tagaytay CT Velodrome.

Pinangunahan ni POC president Abraham “Bambol” Tolentino ang annual celebration kasama ang 500 mga bata sa loob ng world-class velodrome na lumahok sa boxing, basketball, football, baseball, taekwondo at wrestling clinics na pinamahalaan ng national sports association officials at coaches.

“This is a very important date in the Olympic Movement as we celebrate this day when Olympism and the Olympic Games were founded in 1894,” ani Tolentino. “It’s a day of fun and sports as we join the whole world in celebrating this day.”

Ipinaliwanag ni Tolentino na ang selebrasyon ay may dalawang layunin, maging aktibo ang mga bata, makalimutan ang paggamit ng gadgets at madiskubre ang bagong talents na magiging future  Olympic gold medals.

Nagsuperbisa sa clinics sina Tokyo Olympics boxing silver medalist Carlo Paalam at Paris 2024 bronze medalist Aira Villegas at Gilas Pilipinas legend Larry Fonacier. 

Nakiisa rin sina national sports association presidents Marcus Manalo (boxing), Ali Sulit (wrestling), Ricky Lim (karatedo), Atty. Wharton Chan (billiards) at Alvin Aguilar (wrestling) at VP Manny de Castro (baseball) at secretary-general Rocky Samson (taekwondo). 

May 207 na bata mula sa Maharlika Elementary School ang nasa Olympic Day, habang sa Mendez Crossing Elementary School ay may 131 kids habang ang Carlos S. Batino, Sr. Memorial Elem. School ay may 175 pupils.

Minarkahan na International Olympic Committee ang Hunyo 23 bilang Olympic Day—International Olympic Day-taunang tradisyon mula pa noong  1948 sa unang araw ng  Olympians na umaktibo sa Olympic Movement para ipakita ang tunay na halaga ng Olympic Games.