Poster ng 6 na suspek sa ‘Missing Sabungeros’, inilabas na

ni Jeff Tumbado | February 18, 2023

Naglabas ang Philippine National Police-Criminal Investigation and Detection Group (PNP-CIDG), ng wanted poster ng anim na lalaking suspek sa pagkawala ng mga sabungero sa Manila Arena nitong nakaraang taon.

Pinangalanan din ng CIDG ang mga suspek na sina Julie Patidongan alyas Dondon, Mark Carlo Zabala, Roberto Matillano, Jr., Johnry Consolacio, Virgilio Bayog, at Gleer Codilla o Gler Cudilla.

Ang naturang mga suspek ay may nakalaang P1 milyong patong bawat isa. Ilang warrant of arrest ang inilabas na rin ng Regional Trial Court laban sa mga suspek sa kasong Kidnapping and Serious Illegal Detention.

Ayon kay CIDG Director Police Brigadier General Romeo Caramat, Jr., ang nabanggit na poster ay ipapaskil sa lahat ng PNP units, sa mga pampublikong lugar, social media at website ng CIDG.

Hinikayat din ni Caramat ang publiko na makipagtulungan sa mga awtoridad sa mabilis na ikadarakip ng mga akusado.

Nabatid na ang Manila Arena case o ang tinaguriang “case 1” ay isa sa walong kaso na kasalukuyang sinisiyasat ng CIDG sa pamamagitan ng binuong Special Investigation Task Group “Sabungero”.

Sa ngayon, ang inihaing reklamo nang case 1 at 8 para sa dinukot na biktimang si e-sabong master agent Ricardo Lasco ay pinaboran ng ilang korte dahil sa nakitang probable cause at pagsisilbi ng arrest warrants.

Sa simula, ang naturang reklamo ay inihain laban sa walong natukoy na indibidwal at ilan pang “john does” na sangkot sa Manila Arena case nitong taong 2023.

Una nang sinampahan ng mga kaso ang limang police personnel at dalawang asset sa pagdukot kay Lasco, kung saan tatlo sa mga pulis ay sumuko na at naghain ng not guilty plea sa kidnapping, serious illegal detention at robbery.

8K pulis ide-deploy sa inagurasyon ni P-BBM

ni Lolet Abania | June 6, 2022

Nasa tinatayang 7,000 hanggang 8,000 pulis ang itatalaga para tiyakin ang seguridad sa inagurasyon ni President-elect Ferdinand “Bongbong” Marcos Jr. sa Hunyo 30, ayon sa Manila Police District (MPD).

Sa isang interview kay MPD chief Police Brigadier General Leo Francisco ngayong Lunes, sinabi nitong ang National Capital Region Police Office (NCRPO) at ang Philippine National Police - National Headquarters ay magbibigay ng karagdagang deployment ng mga pulis.

“Sa panig ng MPD, meron kaming 4,400 na kapulisan at iyan ay lahat ide-deploy ko para sa inagurasyon ng ating bagong presidente,” saad ni Francisco.

“Ako ay bibigyan ng additional complement galing sa NCRPO at sa National Headquarters so we are looking about 7,000 to 8,000 police na puwede i-deploy that day,” dagdag ng opisyal.

Sa ngayon, ayon kay Francisco, wala pa silang na-monitor na anumang banta o threat kaugnay sa oath-taking ni Marcos na nakatakdang ganapin sa National Museum of the Philippines.

Sinabi rin ni Francisco na ang P. Burgos Street at Kalaw Avenue mula sa Taft Avenue hanggang Roxas Boulevard ay kanilang isasara sa trapiko kaugnay sa isasagawang okasyon.

Isang rerouting plan naman ang kanilang itinakda para sa mga motorista. Binanggit naman ni Francisco na maaaring gamitin ng mga protesters ang mga freedom parks upang magsagawa ng kanilang mga rally.

Mahigit 1,000 pulis idineploy sa Central Luzon para sa Semana Santa

ni Jasmin Joy Evangelista | April 6, 2022

Mahigit 1,000 pulis ang idineploy sa mga key areas sa Central Luzon upang masiguro ang kapayapaan sa panahon Semana Santa at summer vacation.

Ayon kay Brig. Gen. Matthew Baccay, chief of Police Regional Office 3, itinagubilin na niya sa lahat ng local police directors na i-assist ang mga motorista at commuters bilang parte ng kanilang public safety campaign.

“We have already deployed more than 1,000 personnel regionwide on April 1,” ani Baccay.

Aniya pa, dadagdagan ng kapulisan ang kanilang foot and mobile patrols. Nag-set up din sila ng mga Police Assistance Desks/Centers were also set up.

“Road safety marshals are being deployed to convergence points, particularly in bus terminals, airports, seaports, and recreational areas including highways, main thoroughfares, and crime-prone areas, to ensure maximum police presence,” pahayag pa ni Baccay.

Nakaalalay din sa mga kapulisan ang force multipliers at auxiliary forces, kabilang ang Barangay Peacekeeping Action Teams at radio net groups.