top of page
Search

Alagang PhilHealth: Patuloy na pagpapabuti ng mga benepisyo: Sagot ng PhilHealth sa Severe Dengue, P47,000 na!

  • BULGAR
  • Dec 13, 2024

by Info @Brand Zone | Dec. 13, 2024



Alagang PhilHealth

Noong 2022, P98 milyon ang ibinayad ng PhilHealth para sa higit 6,300 claims ng severe dengue. Patunay na ang naturang sakit ay isa sa mga nagpapahirap sa ating mga  kababayan. Dahil sa gastusin para sa pagpapagamot, minarapat ng PhilHealth na taasan ang coverage nito para sa severe dengue sa  dating P16,000. 


Simula November 1, 2024, lahat ng  ma-a-admit dahil sa severe dengue ay makagagamit ng benefit package na nagkakahalaga ng P47,000! Sakop nito  ang bayad para sa room and board, mga gamot, professional fee ng mga duktor, at mga laboratory tests para matukoy na ang pasyente ay apektado ng severe dengue. Ito ay magagamit sa PhilHealth-accredited  public at private Levels 1 to 3 hospitals. 


Ang pagpapalawig ng coverage para  sa severe dengue ay bahagi pa rin ng  kampanya ng PhilHealth na maibsan ang gastusin ng mga pasyente para sa  pagpapagamot.


Matatandaang itinaas din ng PhilHealth ang halaga ng benepisyo para sa acute stroke, pneumonia high risk, neonatal sepsis, bronchial asthma, at marami pang iba nang higit doble para suportahan ang mga Pilipino sa  kanilang gamutan. Bukod pa rito ang 30%  adjustment sa All Case Rate packages para sa higit 9,000 medical conditions  at surgical procedures na covered ng PhilHealth. 


Paalala para sa mga pasyente: Walang dagdag-bayad kung mako-confine sa  basic o ward accommodation ng mga  ospital. Ibig sabihin, sapat na ang bagong Case Rate na P47,000 para sa buong  gamutan ng pasyente. 


Magkakaroon na lang ng karagdagang  bayarin kung pipiliin ng pasyenteng ma confine sa private room na mayroong aircon at sariling banyo, gumamit ng mga serbisyong hindi kailangan sa paggamot ng severe dengue, o pagpili ng mga  duktor na gagamot sa kaniya. 


Sa mga ganitong pagkakataon, kailangang ipaliwanag ng ospital ang anumang  

karagdagang bayarin sa pasyente bago pa siya ma-discharge. 


Makaaasa ang lahat na hindi titigil ang PhilHealth sa pagpapaganda ng mga programa, benepisyo, at serbisyo ng National Health Insurance Program. Ito ay hango na rin sa mandato ng Universal Health Care Act na pagbutihin pang lalo ang financial coverage sa mga Pilipino sa kanilang pagkakasakit.


ANUNSYO 


Lahat ay makakagamit ng coverage para sa 156 session ng hemodialysis ang mga  kababayan nating may Chronic Kidney Disease Stage 5 o CKD5 na aabot sa halos P1 milyon! Sa bisa ng PhilHealth Circular No. 2024-0023, muling itinaas ng PhilHealth ang coverage sa  hemodialysis simula October 9, 2024. Mula sa dating P4,000, ngayon ay P6,350 kada session  na ang sagot ng PhilHealth! Matatandaang nauna nang pinalawig ang benepisyo noong July  1, 2024 sa P4,000 mula sa P2,600. Dahil dito, talaga namang damang-dama


Para sa  listahan ng mga contracted hospitals:  

https://www.philhealth.gov.ph/partners/ providers/facilities/contracted/


Para sa detalye, tumawag sa 24/7 (02) 8662-2588

PhilHealth Your Partner in Health / BAGONG PILIPINAS

PhilHealth



 
 

Alagang PhilHealth: National Children’s Month: PhilHealth Z Benefits para sa mga batang may kapansanan sa paningin, pandinig, paggalaw, at development, alamin at gamitin!

  • BULGAR
  • Nov 29, 2024

by Info @Brand Zone | Nov. 29, 2024



Alagang PhilHealth

Ang National Children’s Month ay ipinagdiriwang buong  Nobyembre taun-taon at  naglalayon na bigyan ang mga batang Pilipino ng access sa isang malusog na  kapaligiran, magandang edukasyon, at  pangangalaga sa kalusugan. 


At bilang suporta sa pagdiriwang na ito, ang PhilHealth ay nagbibigay impormasyon  din tungkol sa mga benepisyong PhilHealth laan para sa mga bata. Kaya alamin ang  mga benepisyo para sa mga batang may developmental at visual disabilities, at  mobility at hearing impairment sa ilalim ng  Z Benefits package. 


Ang Z Benefits ay magagamit para sa  assessment at discharge assessment para  sa developmental disabilities na aabot  hanggang P5,276.


Sagot nito ang mga  serbisyo para tulungan ang mga batang  may delay sa kanilang sensorimotor, communication, social, emotional, at  behavioral skills.


Sa ganitong paraan, matutulungan ng PhilHealth ang mga pamilya at bata na lagpasan ang mga hamon sa kundisyong ito. Bukod pa dito ang P5,000 na benepisyo para sa rehabilitation  therapy hanggang 10 sessions.


Para naman sa children with visual  disabilities, may benepisyong magagamit  hanggang P13,820 para sa optical aids, depende sa pangangailangan ng pasyente. Para masigurong tama ang kanilang  magiging gamutan may coverage naman  para sa assessment mula P7,350 hanggang  P31,920. At may yearly diagnostic benefits  na aabot sa P3,220 para sa Category 1 to 4  na pasyente, at P780 kada taon sa Category  5 patient. 


Sa mga batang hirap sa paggalaw o may  mobility problems na nangangailangan  ng wheelchair, ang Z Benefit na kanilang  magagamit ay P12,730 hanggang P29,450.  


At iyong mga mangangailangan ng iba  pang assistive devices para maigalaw nang  maayos ang kanilang siko, balakang, tuhod, at paa ay may aasahang benepisyo mula  P13,110 hanggang P163,540. Sakop nito  ang assessment, pagsukat at fitting ng mga  assistive devices, at rehabilitation services.  


Kasama rin sa sasagutin ng PhilHealth ang hearing aid ng mga batang hirap  sa pandinig o may hearing impairment,  depende sa klase at edad ng pasyente. Para sa mga batang wala pang 3 years old, may package na P45,400 sa may edad 3 to 6 years old, may P54,100 at para sa edad 6 years old to less than 18 years old ang package ay P43,880 . Kasama pa dito  ang speech therapy assessment, speech evaluation, pagpapalit ng hearing aid,  at iba pa na pwedeng umabot sa higit  P60,000 ang coverage. 


Paalala ng PhilHealth, ang mga Z Benefits na ito ay magagamit ng mga batang wala  pang 18 taon gulang. Dapat ay pumasa sila sa pre-authorization para makagamit ng  benepisyo. Kaya naman magpunta na sa Z Benefit-contracted hospital at sumailalim  na sa pre-authorization para agad malaman  kung makagagamit ng benepisyo


Para sa  listahan ng mga contracted hospitals:  

https://www.philhealth.gov.ph/partners/ providers/facilities/contracted/


Para sa detalye, tumawag sa 24/7 (02) 8662-2588

PhilHealth Your Partner in Health / BAGONG PILIPINAS

PhilHealth



 
 
RECOMMENDED
bottom of page