P-Duterte sa mga vice mayor: Ipa-ambush n’yo na lang ang mga mayor

ni Jasmin Joy Evangelista | April 2, 2022

Nagbiro si Pangulong Rodrigo Duterte noong Huwebes na mas makakamura ang mga vice mayor kung ipapa-ambush na lamang ang mga mayor sa kanilang localities sa halip na tumakbo sa eleksiyon.

“To the vice mayors, don’t run in the next elections. Just pay someone to ambush the mayor so that you’ll be the [mayor]… You’ll spend a lot of money during elections but for the ambush, P50,000 is enough. There are a lot of crazy people here in Cebu ‘no? But I love Cebu actually,” ani Duterte sa Bisaya sa kanyang speech sa Lapu-Lapu City noong Huwebes ng gabi.

Ito ay kanyang naging mensahe sa ginanap na joint meeting ng National Task Force (NTF) at ng Regional Task Force to End Local Communist Armed Conflict (RTF-Elcac) sa Central Visayas.

Pinuri rin ng pangulo ang NTF at RTF-Elcac dahil sa “collectively realizing the commitment of the government’s holistic and whole-of-nation approach to resolving communist insurgency.”

“Your serious efforts to deliver basic social services in conflict-affected areas truly help in bringing the government closer to the Filipino people,” aniya pa.

Nananatili umanong kritikal ang commitment ng gobyerno upang ma-achieve ang kapayapaan sa bansa sa natitirang tatlong buwan ng kanyang administrasyon.

Hinikayat din ni Duterte ang mga local chief executives sa Central Visayas na palawigin pa ang kanilang local efforts sa NTF at RTF-Elcac “in the fight against lawlessness and insurgency, and to support the Administration’s key programs in achieving sustainable [peace and] security.”

“To the government’s national and local partners in this endeavor, we assure you of the Administration’s unrelenting support in your respective initiatives in securing lasting peace,” pahayag pa ng pangulo.

“The Filipino people deserve a peaceful and prosperous nation, and that is what the government should provide. Let us all work hard together for this,” dagdag niya.

P-Du30 at President Xi Jinping, may virtual meeting sa Abril 8 – Malacañang

ni Lolet Abania | April 1, 2022

Nakatakda magkaroon ng isang virtual meeting sina Pangulong Rodrigo Duterte at President Xi Jinping ng China sa Abril 8, ito ang kinumpirma ng Malacañang ngayong Biyernes.

Sa Palace briefing,sinabi ni acting Deputy Presidential Spokesperson Kristian Ablan na ang Chinese government ang unang humiling ng pagpupulong.

“Kagabi po si President Rodrigo Duterte po ang nag-announce na meron siyang meeting with China officials at ang alam po natin na online po ang meeting na ito sa darating na April 8,” ani Ablan.

Ayon kay Ablan, ang virtual meeting ay nasa preparatory stage pa lamang nang tanungin siya, kung tatalakayin ng dalawang pangulo ang mga isyu ng West Philippine Sea (WPS) at ang giyera sa pagitan ng Ukraine at Russia.

Matatandaang nabanggit ni Pangulong Duterte sa ginanap na Joint National Task Force-Regional Task Force to End Local Communist Armed Conflict VII Meeting sa Cebu, ang meeting niya kay Xi Jinping habang tinatalakay ang sigalot sa Ukraine.

“I’m scheduled to... When does he want to talk to me, [Senator Bong Go]? Eight, April 8.

Gusto akong kausapin ni Xi Jinping. Magkaibigan man rin kami. So ako I -- hindi ako sa nagkakampi-kampi ako. I just don’t want war to enter my country,” pahayag ni Pangulong Duterte na bahagi ng katutubong wika, kung saan ang tinutukoy niya ay ang posibleng paglawak ng Ukraine conflict.

PDEA: Bilang ng namatay sa drug war umabot na sa 6,235 as of Feb. 28

ni Jasmin Joy Evangelista | March 31, 2022

As of February 28, umabot na sa 6,235 ang bilang ng mga drug suspects na napatay sa war on drugs ng gobyerno, ayon sa Philippine Drug Enforcement Agency (PDEA) nitong Miyerkules.

Ito ay inanunsiyo ng PDEA base sa Real Numbers PH report nito, ang regular update sa drug war statistics.

Base sa report, 331,694 suspects ang naaresto sa 229,868 drug war operations na isinagawa mula July 1, o mula nang maluklok si Pangulong Rodrigo Duterte.

Samantala, kahit malapit nang matapos ang termino ni Duterte at ang kanyang “war on drugs” o “oplan tokhang”, inanunsiyo ng PDEA na 11,060 barangays pa ang hindi pa “cleared” sa ilegal na droga, habang 24,379 ng 42,045 na kabuuang bilang ng mga barangay sa bansa ang “drug-free” na.

Sa naturang bilang ng mga naaresto, sinabi ng PDEA na 14, 648 dito ang kinokonsiderang high-value targets na kinabibilangan ng mga sumusunod:

* 353 foreign nationals

* 398 elected officials

* 126 uniformed personnel

* 525 government employees

* 4,018 targets listed

* 797 drug group leaders and members

* 78 armed group members

* 1,556 drug den maintainers

* 291 on wanted lists

* 24 celebrities or licensed professionals

* 6,482 from high-impact operations

Ang kabuuang bilang ng kumpiskadong narcotics ay nagkakahalagang P76.01 billion.

Ang Crystal meth o shabu naman ang ‘most discovered and seized illegal drug’ na umabot sa 9,915 kilograms at sinundan ng marijuana (10,110.48 kgs), cocaine (524.63 kgs), at ecstasy (163,295 pieces).