Bilang ng mga positive, pataas pa rin... COVID, maliit na bagay lang — P-Duterte

ni Lolet Abania | March 15, 2021

Tiniyak ni Pangulong Rodrigo Duterte na ang kasalukuyang pagtaas ng bilang ng COVID-19 cases ay hindi na dapat na ipangamba ng publiko.

Sa kanyang weekly address to the nation ngayong Lunes, hiniling ni Pangulong Duterte sa mga mamamayan na huwag mawawalan ng pag-asa sa kabila ng pandemya ng COVID-19.

"Kaya natin ito, itong COVID-19. Maliit na bagay lang ito. Madami tayong nadaanan. Huwag kayong matakot, hindi ko kayo iwanan," ani P-Duterte.

Ito ang naging pahayag ng Punong Ehekutibo matapos na ang buong Metro Manila ay magpatupad ng curfew na sinimulan ngayong Lunes nang alas-10 ng gabi hanggang alas-5 ng umaga na tatagal ng dalawang linggo (March 15-March 31).

'Di makakatakas... P-Duterte: Nuezca, pakainin ng COVID!

ni Ronalyn Seminiano Reonico | December 22, 2020

Ipinag-utos ni Pangulong Rodrigo Duterte sa awtoridad na siguraduhing hindi makakalaya si Police Senior Master Sergeant Jonel Nuezca matapos mag-viral ang video ng pamamaril at pagpatay nito sa mag-ina sa Paniqui, Tarlac.

Pahayag ni P-Duterte, "Topak... Ewan ko ba't nakalusot. "Pakainin n'yo ng COVID.”

Kinilala ang mag-inang biktima na sina Sonya at Frank Gregorio na kapitbahay ni Nuezca.

Saad pa ni P-Duterte, "From the time you are arrested up to the time that you are haled to court… walang bail ka.

‘Pag nahuli, diretso-diretso na ‘yan and I don’t think that you can escape the rigors of justice because nakuha sa TV, pati ako napanganga. "Walang kuwenta. That’s unfair and brutal masyado. Kung ako ang nandiyan, ewan ko lang.”