Unang kaso sa Pampanga... B.1.617.1 variant ng COVID-19, pasok na sa ‘Pinas

ni Lolet Abania | November 8, 2021

Naitala ang unang kaso ng B.1.617.1 variant ng COVID-19 sa bansa kung saan na-detect sa Floridablanca, Pampanga, ayon sa Department of Health (DOH) ngayong Lunes.

Sa isang press conference, sinabi ni DOH Undersecretary Maria Rosario Vergeire na ang coronavirus variant na dating kilala sa tawag na Kappa ay kasalukuyang klinasipika bilang isang variant under monitoring ng World Health Organization (WHO).

“The first case of the B.1.617.1 variant is a local case from in Floridablanca, Pampanga.

The case is a 32-year-old male that had mild disease severity and tagged as recovered,” sabi ni Vergeire.

Nang unang makolekta ang sample nito noong Hunyo, ang variant ay kinokonsidera pa bilang isang variant of interest ng WHO.

“Further investigation is being done by our regional epidemiology and surveillance unit in order to gather more information on this case, and there is strict monitoring of this case in the community,” paliwanag ni Vergeire.

Ang naturang variant ay pinakakaraniwan sa India na nasa 69%.

Naharang sa checkpoint, walang lisensiya… Babaeng rider, hinalay umano ng pulis na sumita sa kanya

ni Jasmin Joy Evangelista | October 12, 2021

Sinampahan ng reklamong panghahalay ng isang 26-anyos na babae ang isang pulis sa Pampanga matapos umano siyang halayin nang maharang sa checkpoint.

Sinita umano ng suspek ang biktima dahil sa nagmamaneho ng motorsiko nang walang dalang lisensiya.

Ayon sa kuwento ng biktima, naganap ang insidente dakong 3:00 am noong Oktubre 8 matapos siyang sitahin ng suspek na si Police Staff Sergeant Robin Mangaga.

Hiningan daw ng pulis ng lisensiya si Olivia pero walang naipakita ang biktima.

Aminado naman daw ang biktima sa kanyang pagkakamali.

Aniya, hindi siya tiniketan ni Mangaga pero i-impound nito ang kaniyang motorsiklo kaya’t sa kagustuhan na makuha ang kanyang sinasakyan at makapasok na ng trabaho, nag-alok daw siya ng P500 sa pulis pero sinabihan siya na panunuhol ang kanyang ginagawa.

Patuloy daw na nakiusap si Olivia at sinabi niyang handa siiyang lumuhod para magmakaawa sa pulis.

Noon na raw nagsimulang mambastos ang suspek nang pumasok ito sa sasakyan at sinabihan siyang sumakay kung nais pa rin niyang makiusap.

Sumakay si Olivia sa sasakyan ng pulis at dinala umano siya sa motel at doon na nangyari ang panghahalay.

Matapos ang insidente, ibinalik na raw ng pulis ang kaniyang motorsiklo.

Nagsampa na ng reklamong rape si Olivia sa korte laban kay Manganga at bukod dito ay nagsampa rin siya ng reklamong administratibo laban sa pulis sa Internal Affairs Office sa Camp Crame sa Quezon City.

Ayon kay Police Colonel Marcial Paclibon, chief ng Intelligence and Investigation Division-IAS, kung mapapatunayan ay may grave abuse of authority na nagawa si Mangaga at mayroong elemento ng pagbabanta at panggigipit sa biktima.

Posible rin daw na magamit laban kay Mangaga kung totoo na nagpadala pa ito ng text messages sa biktima nang malaman ang ginawang pagsasampa ng reklamo.

Napag-alaman naman na sumuko na ang inirereklamong pulis pero tumanggi siyang magbigay ng pahayag.

Pampanga’s Best Apung Lolet, pumanaw na sa edad 84

ni Lolet Abania | October 4, 2021

Pumanaw na si Leticia Lolita Olalia Hizon, ang founder ng Pampanga’s Best at imbentor ng original tocino (sweetened meat) noong 1960s.

Isang statement ang nai-post sa Facebook ng kanyang anak na si Jomar Hizon, kung saan pumanaw na si “Apung Lolet” noong Oktubre 2 sa edad na 84 dahil sa renal failure.

“As the founder of Pampanga’s Best, the inventor of the original Tocino, and as a philanthropist in her community, her contribution to the Philippine economy is immeasurable,” pahayag ng kanyang pamilya.

“Likewise, her influence on Filipino cuisine cannot be overstated,” dagdag pa nila.

Ayon sa pamilya, naulila ni Apung Lolet ang kanyang asawa, Angelo Hizon, ang kanilang 12 anak, 61 grandchildren, at 31 great grandchildren.

“Our loss is heaven’s gain. Although we will miss her terribly, her legacy lives on. Apung Lolet always said that the success of Pampanga’s Best has been because of Divine Providence,” sabi pa ng pamilya.

“We continue to trust in God’s sovereign plan, and express our utmost gratitude for lending us his amazing gift: Our Apung Lolet.”