Maraming bahagi ng 'Pinas, makararanas ng pag-ulan

ni Eli San Miguel - Trainee @News | November 21, 2023

Posibleng magpatuloy ang scattered light rains sa maraming bahagi ng Luzon at bahagi ng Visayas at Mindanao dahil sa shear line at northeast monsoon o "amihan," ayon sa Philippine Atmospheric, Geophysical and Astronomical Services Administration (PAGASA) ngayong Martes.

Sinabi ng PAGASA na inaasahan ang cloudy skies with scattered rain showers and thunderstorms sa Bicol Region, Oriental Mindoro, Occidental Mindoro, Marinduque, Romblon, Palawan, Visayas, Zamboanga Peninsula, Basilan, Sulu, at Tawi-Tawi dahil sa shear line—ang lugar kung saan nagtatagpo ang cold northeasterly winds at warm easterlies.

Pinalalahanan ang publiko sa posibleng flash floods o landslides dahil sa umiiral na katamtaman hanggang malakas na pag-ulan sa mga apektadong lugar.

Dahil sa amihan, magkakaroon ng cloudy skies with light rains sa Cagayan Valley at Quezon, habang partly cloudy to cloudy skies with isolated light rains ang mararanasan sa Metro Manila at iba pang bahagi ng Luzon.

Magkakaroon din ang ibang bahagi ng Mindanao ng partly cloudy to cloudy skies with isolated rain showers dahil sa localized thunderstorms.

Maulang Undas

Fni Angela Fernando - Trainee @News | November 1, 2023

Namataan ang isang low pressure area (LPA) ngayong Undas ng Philippine Atmospheric, Geophysical and Astronomical Services Administration (PAGASA) na nagdulot ng pag-ulan sa Luzon.

Ayon sa PAGASA, ang LPA na kasalukuyang nasa bandang Caramoran, Catanduanes ay inaasahang magdadala ng ulan sa Metro Manila.

Posibleng magdulot ng pagbaha at pagguho ng lupa dahil sa mga pag-ulan.

Ang Cordillera Administrative Region, Nueva Ecija, at ang natitirang bahagi ng Cagayan Valley naman ay maaaring magkaroon ng maulap na kalangitan na may konting pag-ulan bunsod ng Amihan.

Samantala, ayon sa PAGASA, ang Visayas, Mindanao, at ang natitirang bahagi ng Mimaropa at ng Bicol Region ay maaaring makaranas ng maulap na kalangitan na may pulo-pulong pag-ulan at pagkidlat.

Magiging mababaw naman hanggang katamtaman ang ulan patungong silangan hanggang hilagang-silangan sa ibang parte ng bansa.

Bagyong Kabayan, next

ni Mai Ancheta @News | October 7, 2023

Isang low pressure area ang binabantayan ng Philippine Atmospheric, Geophysical and Astronomical Services Administration (PAGASA) dahil sa posibilidad na makapasok ito sa bansa sa araw ng Linggo.

Ang LPA ay naispatan malapit sa Guam at papalapit sa silangang bahagi ng Luzon, kumikilos pakanluran.

Agad namang nilinaw ng weather bureau na hindi ito makaaapekto sa panahon ngayong weekend.

Ayon sa PAGASA, kapag nabuo ang LPA na bagyo ay tatawaging "Kabayan".

Samantala, nakalabas na sa PAR ang bagyong Jenny subalit patuloy nitong hinahatak ang habagat na nakakaapekto sa sama ng panahon sa malaking bahagi ng Luzon.