LPA, namataan sa Northern Samar

ni Lolet Abania | September 19, 2021

Isang low pressure area (LPA) ang namataan sa silangan ng Northern Samar na magdudulot ng mga pag-ulan sa bahagi ng Bicol, Quezon, Visayas, at Mindanao ngayong Linggo, ayon sa PAGASA.

Batay sa 5:00AM bulletin ng PAGASA, ang LPA na sinabayan pa ng intertropical convergence zone (ITCZ), ay huling namataan ng alas-3:00 ng umaga sa layong 125 kilometro silangang bahagi ng Catarman, Northern Samar.

Ayon pa sa forecast ng ahensiya, makararanas ng maulap na papawirin na may kalat-kalat na pag-ulan at pagkulog at pagkidlat sa buong Bicol, Quezon, Visayas, Caraga, Northern Mindanao, Davao Region, at SOCCSKSARGEN. Ang Metro Manila at ang natitirang bahagi ng bansa ay makararanas ng pulo-pulong pagbuhos ng ulan o thunderstorms sanhi ng ITCZ at ng localized thunderstorms.

2,780 pamilya apektado ni ‘Kiko’

ni Lolet Abania | September 12, 2021

Umabot na sa 2,780 pamilya o 11,145 indibidwal ang apektado dahil sa Bagyong Kiko na may international name na Chanthu, ayon sa National Disaster Risk Reduction and Management Council (NDRRMC) ngayong Linggo.

Sa pinakabagong situational report ng NDRRMC, ang mga apektadong indibidwal ay mula sa 97 barangay sa Regions I, II, III at Cordillera Administrative Region (CAR).

Nasa kabuuang 1,563 katao ang nananatili sa loob ng mga evacuation centers, habang 2,094 indibidwal na nagsilikas ay nasa labas naman ng evacuation centers.

Apat na nai-report na landslides dahil sa walang tigil na pag-ulan sa Region I, partikular sa Aringay, Burgos at San Fernando sa La Union.

May 19 na lugar din na naiulat na labis na binaha sa mga bayan ng Macabebe, San Simon, at Candaba, Pampanga sa Region III. Habang anim na kalsada ang hindi na madaanan dahil sa taas ng tubig, kung saan tatlo sa Region II, dalawa sa Region III, at isa sa CAR.

Nawalan din ng suplay ng kuryente sa limang lungsod at munisipalidad sa Batanes at Apayao habang hindi pa rin ito naibabalik hanggang sa ngayon.

Nakaranas naman ang mga residente sa Sabtang, Batanes ng kawalan ng suplay ng tubig matapos na ang kanilang mga pipelines at accessories ay masira dahil sa matinding bugso ng hangin at malalakas na pagbuhos ng ulan sanhi ng bagyo.

May kabuuang anim na lugar sa Batanes sa Region II ang nakaranas ng communication outage at iba pang isyung may kaugnayan dito. Ayon pa sa NDRRMC, mayroong 93 pasahero ang stranded sa Regions I, II, III, Calabarzon, XII, at CAR. Isang bahay naman ang bahagyang nasira dahil sa Bagyong Kiko sa CAR.

Samantala, may kabuuang 160 packages ang ipinamahagi bilang assistance sa mga apektadong pamilya sa Region I.

Ayon sa 11AM weather bulletin ng PAGASA, ibinaba na sa Tropical Cyclone Wind Signal No. 1 sa Itbayat at sa buong lalwigan ng Batanes habang si Kiko ay nagdudulot pa rin ng malakas na hangin sa buong lalawigan.

Binawi na rin ang lahat ng lugar na isinailalim sa TCWS. Kaninang alas-10:00 ng umaga, ang mata ng Bagyong Kiko ay nasa layong 395 km hilaga ng Itbayat, Batanes na taglay ang maximum sustained winds ng 175 km/h malapit sa sentro, bugsong aabot sa 215 km/h, at central pressure ng 940 hPa.

Kumikilos si Kiko patungong north northeastward ng 20 km/h. Ayon pa sa PAGASA, nananatili ang lakas ni Kiko habang kumikilos naman patungong karagatan ng silangan ng Northern Taiwan.

Inaasahang lalabas sa Philippine Area of Responsibility (PAR) ang Bagyong Kiko ngayong Linggo nang hapon.

Patuloy na humihina…Bagyong Kiko, inaasahang lalabas sa bansa bukas nang gabi o sa Lunes nang umaga

ni Jasmin Joy Evangelista | September 11, 2021

Bahagyang humina ang Bagyong Kiko at ngayon ay kumikilos ito sa coastal waters ng Itbayat, Batanes ngunit nakataas pa rin ang Signal #4 sa Batanes, ayon sa PAGASA.

Nakataas pa rin ang wind signals sa iba’t ibang panig ng rehiyon:

TCWS No. 3

• The rest of Batanes

TCWS No. 2

• The northern portion of Babuyan Islands (Babuyan Island, Panuitan Island, Calayan Island)

TCWS No. 1

• The rest of Babuyan Islands

• the northern portion of Cagayan (Santa Ana, Santa Teresita, Buguey, Aparri, Camalaniugan, Ballesteros, Abulug, Pamplona, Sanchez-Mira, Claveria, Santa Praxedes, Gonzaga)

• the northeastern portion of Ilocos Norte (Pagudpud)

Makararanas pa rin ng malakas na pag-ulan sa Batanes sa susunod na 24 oras, habang patuloy pa rin ang panaka-nakang ulan sa Babuyan Islands, Ilocos Norte, Ilocos Sur, Abra, Apayao, Kalinga, at iba pang panig ng bansa, ayon sa PAGASA.

Inaasahang lalabas ng Philippine Area of Responsibility ang Bagyong Kiko sa Linggo nang gabi o Lunes nang umaga.