Habagat, nagsimula na — PAGASA

ni Jeff Tumbado @News | May 31, 2026

Photo: Makikita ang ilang pasahero na nasa ibabaw ng tumagilid na modern jeepney matapos lumabas mula sa bintana makaraang mabangga ang kanilang sinasakyan ng armored van sa bahagi ng Quezon Avenue, Quezon City. (Jeff Tumbado)

Opisyal nang nagsimula ang Southwest monsoon o habagat season sa bansa kaya naman nagbabala ang Philippine Atmospheric, Geophysical and Astronomical Services Administration (PAGASA) sa mga malalakas na pag-ulan.

Gayunman, maaari pa ring magkaroon ng mga tinatawag na monsoon breaks, o mga panahong pansamantalang hihina o titigil ang pag-ulan sa loob ng ilang araw o linggo.

Samantala, namataan ang Severe Tropical Storm Domeng sa layong 980 kilometro silangan ng Northern Luzon alas-4 ng madaling-araw nitong Sabado.

Taglay nito ang pinakamalakas na hanging umaabot sa 95 kilometro kada oras malapit sa gitna at pagbugsong umaabot sa 115 kilometro kada oras.

Kumikilos ito pakanluran-hilagang kanluran sa bilis na 15 kilometro kada oras.

Inaasahan naman ang maulap na kalangitan na may kalat-kalat na pag-ulan at pagkulog-pagkidlat sa Bicol Region, Batanes, Ilocos Norte, Apayao, Cagayan, Quezon, Northern Samar, Eastern Samar, Samar, MIMAROPA, Western Visayas, Negros Island Region, Zamboanga Peninsula, SOCCSKSARGEN, BARMM, Batangas, at Lanao del Norte.

Samantala, ang Metro Manila at iba pang bahagi ng bansa ay makararanas ng bahagyang maulap hanggang maulap na kalangitan na may posibilidad ng mga pulu-pulong pag-ulan o thunderstorms.

Amihan, magdudulot ng mahinang pag-ulan sa Central Luzon

ni Eli San Miguel - Trainee @News | December 15, 2023

Inaasahan ang "partly cloudy to cloudy conditions" na may "isolated light rain" sa mga Rehiyon ng Ilocos, Cordillera Administrative, Cagayan Valley, at Central Luzon, dahil sa Amihan o Northeast Monsoon, ayon sa PAGASA ngayong Biyernes.

Sa ibang bahagi ng bansa, inaasahan naman na magiging "partly cloudy to cloudy" na may "isolated rain showers or thunderstorms" dahil sa Easterlies at localized thunderstorms.

Maaaring magdulot ng posibleng flash floods at landslides ang mga pag-ulan at pagkulog.

Maaaring pumasok ang isang low-pressure area sa Philippine Area of Responsibility sa Sabado, ayon sa PAGASA.

Ilang bahagi ng Luzon, apektado ng Amihan — PAGASA

ni Eli San Miguel - Trainee @News | December 14, 2023

Nagdudulot ng epekto sa ilang bahagi ng Luzon ang Northeast Monsoon o Amihan, habang nagdudulot naman ng epekto ang Easterlies sa iba't ibang bahagi ng bansa.

Ayon sa ulat ng PAGASA ngayong Huwebes, inaasahan na may "partly cloudy to cloudy skies with isolated light rains" sa Luzon dahil sa Northeast Monsoon, at "partly cloudy to cloudy skies with isolated rain showers or thunderstorms" sa Visayas at Mindanao dahil sa Easterlies at localized thunderstorms.

Sisikat ang araw nang alas-6:13 ng umaga sa Biyernes.