Namataan sa Northern Samar.. LPA, magdudulot ng mga pag-ulan sa Sorsogon, 7 pang lugar — PAGASA

ni Lolet Abania | June 5, 2022

Namataan ang isang low pressure-area (LPA) na magdudulot ng maulap na papawirin na may kalat-kalat na pagbuhos ng ulan at thunderstorms sa buong Sorsogon, Masbate, Romblon, Palawan, Zamboanga Peninsula, Northern Mindanao, BARMM, at Visayas, ayon sa PAGASA ngayong Linggo.

Batay sa 4PM weather report ng PAGASA, ngayong alas-3:00 ng hapon ang LPA ay matatagpuan sa layong 30 km west-northwest ng Catarman, Northern Samar.

Nagbabala naman ang PAGASA sa posibleng flash floods o landslides, mula sa katamtaman hanggang sa paminsang malakas na pag-ulan sa mga lugar na apektado ng LPA.

Ang Metro Manila at natitirang bahagi ng bansa ay makararanas ng bahagyang maulap hanggang sa maulap na papawirin na may pulo-pulong pagbuhos ng ulan o thunderstorms.

Pinayuhan din ang mga residente na mag-ingat sa posibleng flash floods o landslides na maaaring maranasan sa severe thunderstorms.

Ayon pa sa PAGASA, “wind speed forecast for the western section of the country is light to moderate moving southwest to south, while coastal waters will be slight to moderate, with waves ranging from 0.8 to 2.1 meters high.”

Habang ang natitirang bahagi ng bansa ay makararanas ng mahina hanggang sa katamtamang bugso ng hangin na kumikilos southeast patungong southwest, habang ang mga coastal waters ay magiging mahina na may pag-alon na papalo mula 0.8 hanggang 2.1 metro ang taas.

Habagat, magdudulot ng mga pag-ulan sa kanlurang bahagi ng bansa — PAGASA

ni Lolet Abania | May 28, 2022

Makakaapekto sa ngayon ang Southwest Monsoon o Habagat sa western sections o kanlurang bahagi ng bansa, ayon sa PAGASA ngayong Sabado.

Batay sa 4PM weather forecast ng PAGASA, makararanas ang Metro Manila, CALABARZON, MIMAROPA, at Western Visayas ng maulap na papawirin na may kalat-kalat na mga pag-ulan at thunderstorms.

Nagbabala rin ang state weather bureau sa posibleng flash floods o landslides sanhi ng katamtaman at paminsang malakas na pagbuhos ng ulan.

Ang natitirang bahagi ng bansa ay makararanas ng bahagyang maulap hanggang sa maulap na papawirin na may pulo-pulong mga pag-ulan o thunderstorms sanhi ng localized thunderstorms na posibleng magdulot ng flash floods o landslides dahil sa severe thunderstorms.

Samantala, ang western sections ng bansa ay makararanas ng mahina hanggang sa katamtamang bugso ng hangin na kumikilos pa-timog-kanluran patungong timog habang ang coastal water conditions ay magiging katamtaman.

Ayon pa sa PAGASA, “Light to moderate wind speed forecast will prevail for the rest of the country moving southeast to south, while coastal water conditions will be slight to moderate.”

Rainy season, start na – PAGASA

ni Lolet Abania | May 18, 2022

Opisyal nang nagsimula ang rainy season o tag-ulan sa bansa, ayon sa Philippine Atmospheric, Geophysical and Astronomical Services Administration (PAGASA).

Sa isang advisory, sinabi ng state weather bureau na batay sa kasalukuyang weather system ng bansa naabot na ngayon ang pamantayan para sa pagsisimula ng tag-ulan.

“The presence of a frontal system and the occurrence of severe thunderstorms have brought widespread rains during the last five days in areas under Type I climate and other parts of the country. Moreover, southwesterly wind flow was also observed during the past few days. This satisfies the criteria of the start of the rainy season over the western sections of Luzon and Visayas,” paliwanag ng PAGASA.

“Intermittent rain -- associated with the Southwest Monsoon -- will begin affecting Metro Manila and the western sections of the country. Monsoon breaks which can last for several days or weeks may likewise occur,” sabi pa ng weather bureau.

Samantala, ayon sa PAGASA, ang kasalukuyang La Niña ay maaaring magpatuloy na makakaapekto sa maraming bahagi ng bansa at tumaas ang katulad na above-normal rainfall conditions sa susunod na mga buwan.

“Despite the ongoing COVID-19 pandemic, DOST-PAGASA will continue to monitor the day-to-day weather and long-term climate situation and provide updates when significant changes occur,” ani PAGASA.