Pagboto ng 30M Pinoy kay PBBM, dusa ang dulot hindi ginhawa

ni Pablo Hernandez @Prangkahan | Apr. 28, 2025

DUSA ANG DULOT NG PAGBOTO NG 30M PINOY KAY PBBM AT HINDI GINHAWA -- Sa latest survey ng Social Weather Stations (SWS) ay pumalo na sa 15.5 milyong pamilyang Pinoy ang nakakaranas ng hirap sa Pilipinas.

Patunay ang survey na iyan na dusa ang dulot ng ginawang pagboto ng 30 milyong Pinoy kay Pres. Bongbong Marcos (PBBM) at hindi ginhawa, boom!

XXX

DAPAT IMBESTIGAHAN NG SENADO ANG PAKIKIALAM NG CHINA SA ELEKSYON SA ‘PINAS -- Nais ni Sen. Risa Hontiveros na imbestigahan ang napaulat na pakikialam ng China sa May 12, 2025 election sa bansa.

Aba’y dapat lang imbestigahan iyan ng Senado kasi hindi talaga katanggap-tanggap na ang China na nambu-bully sa ‘Pinas ay makialam sa halalan sa bansa, period!

XXX

PAKINGGAN KAYA NI PBBM ANG PANAWAGAN NI SEN. VILLANUEVA NA IAPRUB NA ANG DAGDAG-SUWELDO NG MGA WORKER SA ‘PINAS? -- Panawagan ni Sen. Joel Villanueva na dapat daw aprubahan na ni Pres. Bongbong Marcos (PBBM) ang dagdag-sahod sa mga manggagawa dahil patuloy daw kasing tumataas ang presyo ng mga bilihin at bayarin sa ‘Pinas.

Eh ang tanong: Pakinggan naman kaya ni PBBM ang panawagan na ito sa kanya ni Sen. Villanueva? Abangan !

XXX

LAHAT NG KANDIDATONG NAMIMILI NG BOTO DAPAT IDISKUWALIPIKA AT KASUHAN AGAD NG COMELEC -- Dapat lahat ng mga kandidatong namimili ng boto at may ebidensya naman ay idiskuwalipika na agad ng Comelec at pagkaraan ay sampahan pa ng kaso.

Panahon na talaga na magpakita ng “ball”" ang Comelec na i-disqualify ang mga kandidatong namimili ng boto para hindi na sila gayahin ng ibang kakandidato sa mga susunod na eleksyon sa ‘Pinas, period!

Romualdez, wa’ ibang role kundi tagapuri kay PBBM

ni Pablo Hernandez @Prangkahan | Apr. 27, 2025

TAGAPURI BA KAY PBBM ANG ROLE NI SPEAKER ROMUALDEZ SA MARCOS ADMIN? -- Pinuri na naman ni House Speaker Martin Romualdez si Pres. Bongbong Marcos (PBBM) tungkol sa P20 per kilong bigas na inumpisahang ibenta sa Visayas region.

Iyan naman yata talaga ang role ni Speaker Romualdez sa Marcos administration, ang maging tagapuri kay PBBM, boom!

XXX

MGA KANDIDATONG NAMIMILI NG BOTO, KAPAG HINDI IDINISKUWALIPIKA NG COMELEC, DAPAT GAWIN NG MAMAMAYAN IBASURA SILA SA ELEKSYON -- Napakaraming kandidato ang pinadadalhan ng show cause order ng Comelec dahil sa isyu ng vote-buying.

Sakaling sila ay hindi i-disqualify ng Comelec, ang dapat gawin ng mamamayan ay ibasura na lang sila sa eleksyon.

Kasi kapag nanalo iyang mga namimili ng boto, walang gagawing serbisyo ang mga iyan sa mamamayan, at sa halip ang aatupagin ay bawiin ang ginasta nila sa pamimili ng boto, period!

XXX

UNTI-UNTI NGANG NAWAWALA ANG MGA ONLINE GAMBLING NG POGO, PERO ANG PUMAPALIT NAMAN ONLINE SABONG AT ONLINE SAKLA -- Unti-unting nawawala na ang iba’t ibang online gambling ng mga Philippine Offshore Gaming Operators (POGO), pero ang pumalit naman at parami nang parami sa social media ay online sabong at online sakla.

Dapat magpalabas na rin ng direktiba si PBBM na ipa-stop ang operasyon ng online sabong at online sakla, kasi kung dededmahin lang niya ito ay tiyak malululong sa ganitong uri ng mga online gambling ng mga Pinoy, boom!

XXX

KATATAPOS LANG NG BIGTIME OIL PRICE HIKE, NASUNDAN NA NAMAN NG BAGONG OIL PRICE HIKE -- Inanunsyo ng Dept. of Energy (DOE) na sa April 29, 2025 ay may dagdag na naman daw ang presyo ng mga produktong petrolyo, na ang itataas sa presyo ng gasolina ay P1.40, ang diesel ay P1.00 at ang kerosene ay P0.70.

Hay naku, akala ng publiko matapos ang bigtime oil price hike noong April 22, 2025, ang kasunod ay oil price rollback, hindi pala kasi ang kasunod ay oil price hike na naman, buset!

VP Sara, nanawagan na huwag iboto mga kandidato ni PBBM sa pagka-senador

ni Pablo Hernandez @Prangkahan | Apr. 26, 2025

SINO ANG MAS EPEKTIBONG ENDORSER NG MGA PULITIKO, SI VP SARA O SI FORMER VP LENI? -- Matapos iendorso ni Vice Pres. Sara Duterte-Carpio ang kandidatura sa pagka-senador nina Sen. Imee Marcos at Las Piñas City Rep. Camille Villar ay inendorso naman ni former Vice Pres. Leni Robredo ang kandidatura rin sa pagka-senador nina former Sen. Manny Pacquiao at former Dept. of the Interior and Local Gov’t. (DILG) Sec. Benhur Abalos.

After May 12, 2025 election ay diyan malalaman ng publiko kung sino kina VP Sara at former VP Leni ang epektibong endorser ng mga kandidato sa pagka-senador, na ibig sabihin kapag nagwagi sina Sen. Imee at Cong. Camille ay lalabas na epektibong endorser ang kasalukuyang VP, at kung sina Pacquiao at Abalos naman ang magwawagi ay lalabas na epektibong endorser ang dating VP, abangan!

XXX

IMBES PAPURI, BINATIKOS NG KMP ANG MARCOS ADMIN SA P20/KILO NG BIGAS DAHIL PANG-POLITICAL  GIMIK LANG DAW -- Imbes papuri sa P20 per kilo ng bigas na ipinabebenta ng Dept. of Agriculture (DA) sa Visayas region, ay binatikos ng Kilusang Magbubukid ng Pilipinas (KMP) ang Marcos administration.

Ayon kasi sa KMP, pampulitikang gimik lang ito ng Marcos admin para iboto ng mamamayan ang mga kandidato ni Pres. Bongbong Marcos sa pagka-senador, boom!

XXX

MALAMANG KINABAHAN NA ANG MGA SENATORIABLE NG MARCOS ADMIN SA PANAWAGAN NI VP SARA NA HUWAG IBOTO ANG MGA KANDIDATO NI PBBM SA PAGKA-SENADOR -- Pormal nang nanawagan si VP Sara sa mamamayan na huwag iboto ang mga kandidato sa pagka-senador na iniendorso ni PBBM.

Hindi man aminin ay tiyak kakaba-kaba na ang mga kandidato ng Marcos admin sa pagka-senador kasi nga sa latest survey ng Pulse Asia, ay mas pinagkakatiwalaan ng publiko si VP Sara kaysa PBBM, period! 

XXX

NBI, DESIDIDONG IPAKULONG ANG MGA FAKE NEWS VLOGGERS -- Sampung fake news vloggers na ang sinampahan ng National Bureau of Investigation (NBI) ng mga patung-patong na kaso.

Patunay iyan na desidido ang NBI na ipakulong ang mga fake news vloggers sa ‘Pinas, boom!