Mga maralitang manggagawa, tiyak na nanlumo, zero budget na ang AKAP

ni Pablo Hernandez @Prangkahan | August 15, 2025

TAPANG AT MALASAKIT SLOGAN NI FPRRD ANG MAMAMAYANI SA 2028 ELECTION, TAPANG NA IPINAKIKITA NI VP SARA LABAN SA MARCOS ADMIN AT MALASAKIT SA MAMAMAYAN NI SEN. BONG GO -- Sa latest survey ng WR Numero Research Firm ay si Vice Pres. Sara Duterte-Carpio ang nag-top sa 2028 election for president at si Sen. Bong Go ang nag-top sa vice presidential candidate.

Ibig sabihin n’yan, ang slogan ni former Pres. Rodrigo Roa Duterte (FPRRD) na “Tapang at Malasakit” noong 2016 election ang mamamayani pa rin hanggang sa 2028 election, ang tapang na ipinakikita ni VP Sara laban sa Marcos administration at ang serbisyong malasakit sa mamamayan na ginagawa ni Sen. Bong Go, period! 

XXX

SENATE PRESIDENT ESCUDERO, NAGMISTULANG SPOKESMAN NG FRIEND NIYANG KONTRAKTOR -- Matapos madawit ang pangalan ni Senate Pres. Chiz Escudero sa sangkatutak na flood control projects na nakopo sa Dept. of Public Works and Highways (DWPH) ng kaibigan niyang si  Lawrence R. Lubiano, may-ari ng Centerways Construction and Development Inc. ay nagpatawag siya ng press conference, at ang buong akala ng mga mamamahayag na ang sasabihin ng Senate president ay paiimbestigahan niya kung may naganap na anomalya sa mga proyekto ng construction firm na ito, ‘yun pala ay ipagtatanggol pa ang kontraktor na ito na kesyo sa kabuuan daw ng P545 billion budget para sa proyektong pangontra sa baha, ay 1% lang daw ang napunta sa friend niyang kontratista.

Ang 1% na sinasabi ni Escudero na nakopong proyekto sa DPWH ng kaibigan niyang kontraktor ay P5.15B, at tila gusto niyang palabasin maliit lang ang halagang niyan.

Onli in da ‘Pinas lang ‘yan na ang Senate president ay umaaktong spokesman ng kontraktor, pwe!

XXX

DAPAT BAWASAN NI SEN. VILLANUEVA ANG PAGIGING MADALDAL PARA HINDI LAGING NABA-BASH SA SOCIAL MEDIA -- Dapat bawas-bawasan ni Senate Majority Floor Leader, Sen. Joel Villanueva ang pagiging madaldal, dahil lagi siyang napapahamak sa kanyang kadaldalan kaya madalas din siyang ma-bash sa social media.

Noong 19th Congress ay nagdadaldal si Sen. Villanueva na dapat daw matuloy ang impeachment trial kay Vice Pres. Sara Duterte-Carpio, pero nang magbotohan para i-remand sa Kamara ang articles of impeachment ay isa siya sa bumotong ibalik ito sa House of Representatives (HoR) kaya na-stop ang impeachment proceedings sa vice president, at nang ibulgar ni Pres. Bongbong Marcos (PBBM) ang top 15 construction firm na nakakopo ng maraming flood control projects sa DPWH, dumaldal na naman siya na kesyo wala raw kahit isang senador ang may koneksyon sa mga kontratistang ito, eh ‘yun pala meron, mismong Senate president nila na may konek sa kontraktor na si Lubiano.

Kaya sa dalawang sablay na kadaldalan na ‘yan ni Villanueva, pinutakti siya ng pamba-bash sa social media, boom!

XXX

NANLUMO ANG MGA MARALITANG MANGGAGAWA, ZERO BUDGET NA ANG AKAP AT HAPPY NAMAN ANG MGA PORK BARREL SEN. AT CONG. DAHIL TUMATAGINTING NA P274.9B BUDGET SA FLOOD CONTROL PROJECT -- Sa 2026 national budget na isusumite ng Malacañang sa Senado at Kamara, zero budget ang AKAP (Ayuda sa mga Kapos ang Kita Program) at tumataginting na P274.9 billion naman ang inilaan sa flood control projects.

Sa isyung ‘yan ay siguradong nanlumo ang mga maralitang manggagawa dahil wala na silang matatanggap na ayuda sa DSWD, at sa kabilang banda naman, tiyak naglulundag sa tuwa ang mga pork barrel senator and congressmen kasi tiba-tiba na naman sila sa kickback sa mga flood control projects, tsk!

DPWH Sec. Bonoan, kung may hiya pa sa sarili, mag-resign na dapat

ni Pablo Hernandez @Prangkahan | August 14, 2025

SABLAY ANG PALUSOT NI SP ESCUDERO NA ‘DEMOLITION JOB’ LANG SA KANYA PAG-UUGNAY SA KONTRAKTOR, MAY MGA RESIBONG MAY KONEK SA KONTRATISTANG NAKAKOPO NG P5.15B FLOOD CONTROL PROJECTS -- Pinagtawanan at binash pa ng netizens sa social media si Senate Pres. Chiz Escudero sa kanyang palusot na “demolition job” lang daw sa kanya ng Kamara ang pag-uugnay sa Centerways Construction and Development Inc., na rank 7 sa mga construction firm na nakakopo ng sangkaterbang flood control projects sa Dept. of Public Works and Highways (DPWH).

Walang patol sa netizens ang kanyang palusot dahil may mga ebidensyang may konek siya sa construction firm na ito, tulad sa record ng Comelec, sa kanyang Statement of Contributions and Expenditures (SOCE) ay P30M ang financial contribution ni Lawrence R. Lubiano, may-ari ng Centerways Construction and Development Inc. sa kandidatura niya for senator noong 2022 election; sa record ng DPWH na inilathala sa "Sumbong sa Pangulo" website na ipinost ng Rappler.com ay mula nang maging senador uli si Escudero noong 2022 at hanggang 2024 ay nakakopo si Lubiano ng 80 flood control projects worth P5.15B; at ang kontraktor na ito (Lubiano) ay kababayan niya sa Sorsogon.

‘Ika nga, malinaw na sablay ang palusot ni SP Escudero na “demolition job” lang ang pag-uugnay sa kanya sa kontrobersyang ito, boom!

XXX

SA LAKI NG BUDGET SA FLOOD CONTROL PROJECT, PROBLEMA SA BAHA ‘DI PA RIN NASOLUSYUNAN KAYA DAPAT MAG-RESIGN NA SI DPWH SEC. BONOAN -- Ang budget ng DPWH sa flood control project ay P545B, pero sa kabila na ganyan kalaki ang budget para sa mga proyektong kontra-baha ay nilulubog pa rin sa baha ang Metro Manila at mga mabababang lugar sa mga lalawigan.

Kaya kung may hiya pa si DPWH Sec. Manuel Bonoan sa sarili, dapat mag-resign na siya sa kanyang puwesto dahil ang laki ng budget sa flood control projects pero problema sa baha hindi niya nagawang solusyunan, period!

XXX

HINDI TALAGA TATANTANAN NG KAMARA ANG CONFI FUNDS NI VP SARA -- Sinabi nina ACT Teacher Partylist Rep. Antonio Tinio at Kabataan Partylist Rep. Renee Co na sa pagharap sa Kamara ni Vice Pres. Sara Duterte-Carpio sa proposed P903M budget nito para sa Office of the Vice President (OVP) para sa year 2026, ay tatanungin daw nila ito sa isyu ng kanyang confidential funds sa OVP at noong siya pa ang kalihim ng Dept. of Education (DepEd).

Patunay iyan na hindi na talaga tatantanan ng Kamara si VP Sara sa isyu ng confi funds, boom!

XXX

KUNG TOTOONG MAY ONLINE SABONG SA BATANGAS DAPAT IPA-STOP IYAN NI GOV. VILMA KASI BAKA MAY MGA MA-MISSING SABUNGERO NA NAMAN -- Sa kabila ng mainit na isyu tungkol sa mga pinatay na missing sabungeros na nagsasangkot kina Atong Ang at Gretchen Barretto, ay may impormasyong nag-o-operate daw ng online sabong sa Batangas at ang mga operator daw nito (online sabong) ay sina alyas "Alvarez," "Jack," "Capinpin" at “Abu”.

Kung totoo iyan, dapat ipa-stop ni Gov. Vilma Santos kasi kapag nagpatuloy ang raket na iyan, naku eh, baka may mga ma-missing sabungeros sa Batangas, tsk!

Confi & intel funds ni PBBM worth P10B, pero walang alam sa mga politician na sabit sa flood control projects, buwisit!

ni Pablo Hernandez @Prangkahan | August 13, 2025

SABLAY ANG DEPENSA NI SEN. VILLANUEVA SA SENADO NA WALA RAW ISA MAN SA KANILA MAY KONEKSYON SA MGA KONTRAKTOR, TAPOS NABULGAR ISA SA MGA KONTRATISTA, TOP CAMPAIGN DONOR PALA NG SENATE PRESIDENT -- Sablay ang depensa ni Senate Majority Floor Leader Sen. Joel Villanueva sa Senado na kesyo wala raw kahit isang senador ang may koneksyon sa 15 kontraktor na ibinulgar ni Pres. Bongbong Marcos (PBBM) na nakakopo ng mga flood control project sa bansa.

Isang araw kasi matapos ang pagtatanggol na ito ni Sen. Villanueva sa Senado ay kumalat sa social media na ang rank 7 sa 15 kontraktor na ibinulgar ni PBBM, na itong Centerways Construction and Development Inc., na nakakuha ng 44 na kontratang flood control projects, ay top donor pala ni Senate Pres. Chiz Escudero sa pagkandidato nito sa pagka-senador noong 2022 election.

Malinaw na sablay ang depensa ni Sen. Villanueva sa Senado, dahil hindi lang basta senador ang nabulgar na may koneksyon sa mga kontraktor ng mga flood control project, Senate president pa, boom!

XXX

KONTRAKTOR NA NAMUHUNAN NG P30M SA KANDIDATURA NI ESCUDERO, LAKI NG BALIK P5.15B KONTRATA SA DPWH -- Base sa kumalat sa social media na Statement of Contributions and Expenditures (SOCE) sa Comelec, lumitaw dito na P30 million ang financial contribution ni Lawrence R. Lubiano, presidente ng Centerways Construction and Development Inc. sa kandidatura sa pagka-senador ni Escudero last 2022 election.

Ito na siste, base sa report na inilabas ng Rappler.com. na ang data ay kinuha sa “Sumbong sa Pangulo” website, ay itong construction firm ni Lubiano ay nakakopo sa Dept. of Public Works and Highways (DPWH) ng 80 flood control projects worth P5.15 billion mula year 2022 hanggang 2024, sa panahon na ‘ika nga senador na uli si Escudero.

Grabe sa laki ang balik sa ipinuhunan sa pulitiko ah, namuhunan ng P30M sa kandidatura ni Escudero, tapos ang balik, higit P5 billion kontrata sa DPWH, wow!

Oppss, wala po tayong sinasabing gumawa ng katiwalian sa flood control projects ang construction firm ni Lubiano at wala rin tayong sinasabing nagka-kickback sa proyekto si Escudero, na ang nais lang nating ipunto ay sandamakmak ang mga kontratang napunta sa top campaign donor ni Escudero nang muli siyang maging senador ng ‘Pinas, period!

XXX

P10B CONFI AT INTEL FUNDS NI PBBM, PERO WALA SIYANG ALAM KUNG SINO SA POLITICIANS ANG SANGKOT SA FLOOD CONTROL PROJECT SCAM -- Sa presscon sa Palasyo ay tinanong si PBBM ng mga mamamahayag kung may alam ang Malacanang na may mga politician na sangkot sa flood control projects scam, at ang tugon dito ng Presidente ay, “Wala na ba talaga tayong investigative journalists dito sa Pilipinas? Trabaho n’yo iyan, look it up.”

Kaya’t ang tanong: Saan napunta at saan ginagamit ni PBBM ang kanyang P10B confidential and intelligence fund? ‘Ika nga sa laki ng kanyang confi and intel funds dapat ay alam na niya kung sinong politicians ang sabit sa flood control projects, pero sa tema ng sagot niya, wala pa siyang alam at ang gustong mangyari ay mga mamamahayag ang tumuklas sa mga tiwaling pulitiko na sangkot sa flood control scam, boom!

XXX

MALAMANG MAGALIT KAY PBBM ANG 1.7M NEW VOTERS, KAPAG PINIRMAHAN NIYA ANG PAGPAPALIBAN SA 2025 BSKE -- Matapos ianunsyo ng Comelec na pumalo sa higit 1.7 milyon ang nagparehistro para makaboto sa Barangay and Sangguniang Kabataan Elections (BSKE) sa Dec. 1, 2025, ay sinundan ito ng anunsyo ni PBBM na pipirmahan daw niya ang postponement ng 2025 BSKE.

Sa totoo lang, mapapagalit ni PBBM ang mga 1.7M na mga bagong botante na ito, kasi nagpakahirap sila sa mahabang pila para makapagrehistro upang makaboto sa 2025 BSKE tapos ipapa-postpone lang pala niya, tsk!