Bank Secrecy Law sa gov’t. officials tanggalin na, nagsisilbing proteksyon sa mga ‘buwaya’

ni Pablo Hernandez @Prangkahan | October 17, 2025

SALN NI RET. OMBUDSMAN MARTIRES UNANG ISAPUBLIKO PARA MALAMAN NG TAUMBAYAN KUNG BAKIT PINAKATAGO-TAGO NIYA NOON ANG SALN NG MGA GOV’T. OFFICIAL -- Matapos sabihin ni Ombudsman Boying Remulla na open na sa publiko ang Statement of Assets, Liabilities and Net Worth (SALN) ng mga opisyal ng gobyerno, na dati ay ayaw isapubliko ni retired Ombudsman Samuel Martires, ay sinabi ni Sen. Kiko Pangilinan na dapat daw ang unahing isapubliko ay ang SALN ng former Ombudsman (Martires) at baka sakali ay malaman ng mamamayan kung bakit ayaw ng dating Ombudsman na ilantad sa taumbayan ang mga SALN ng mga gov't. official noong panahon ng Duterte administration.

Kaya kung sakaling mailantad sa publiko ang SALN ni ret. Ombudsman Martires at makitang lumaki at dumami ang kanyang kayamanan, tapos matuklasan pang may mga hidden wealth siya, asahan na ng mamamayan na patong-patong na kaso ang isasampa ni Ombudsman Remulla sa retiradong Ombudsman, abangan!

XXX

BANK SECRECY LAW SA GOV’T. OFFICIALS DAPAT TANGGALIN NA DAHIL NAGSISILBI ITONG PROTEKSYON SA MGA ‘BUWAYA’ SA PAMAHALAAN --Ngayong open na sa publiko ang SALN ng gov’t. officials, ang dapat next na gawin ng Marcos administration kung paninindigan na nila ang kampanya laban sa corruption ay tanggalin na ang bank secrecy law sa mga taong-gobyerno.

Sa totoo lang naman, itong bank secrecy law ang nagsisilbi pang proteksyon sa mga "buwaya" sa pamahalaan, boom!

XXX

KAY FPRRD NAG-BOOMERANG ANG SINABI NI VP SARA NA DAPAT IMBESTIGAHAN MAANOMALYANG KONTRATA SA LAPTOP NA PINASOK NI EX-REP. ZALDY CO SA DEPED -- Sablay ang sinabi ni Vice Pres. Sara Duterte-Carpio na dapat daw imbestigahan din ni Ombudsman Remulla ang overpriced na P2.4 billion kontratang pinasok ng Sunwest Group of Companies na pag-aari ni resigned Ako Bicol Partylist Rep. Zaldy Co sa Dept. of Education (DepEd).

Nasabi nating sablay dahil nag-boomerang ito kay FPRRD dahil sa panahon ng pandemya, year 2020 nang maganap ang kontratang ito ng pamilya ni Zaldy Co at ng mga DepEd official sa pamumuno ng noo’y DepEd Sec. Leonor Briones, na ibig sabihin panahon ito ng Duterte admin, at dahil diyan damay na naman sa isyung ito ang ex-president, ikinokonek siya (FPRRD) sa ngayon sa anomalyang ginawa sa DepEd ng dating partylist congressman, tsk!

XXX

HUMAHARANG SA INTERIM RELEASE NI FPRRD NA ICC CHIEF PROSECUTOR SIBAK NA, MAY PAG-ASA NA KAYANG MAKALAYA SA ICC JAIL ANG EX-PRESIDENT? -- Diniskuwalipika ng International Criminal Court (ICC) si ICC Chief Prosecutor Karim Khan sa pagdinig sa kasong crimes against humanity kay former President Duterte (FPRRD) dahil sa isyung conflict of interest, dahil naging abogado raw ito ng mga biktima ng human rights ng Duterte admin.

Masasabing nakapuntos diyan ang kampo ni FPRRD lalo’t may apela ang defense counsel na pagbigyan ang kahilingan ng pamilya Duterte ng interim release sa dating pangulo, dahil nga si ICC Chief Prosecutor Khan ang harang nang harang sa hirit ng kampo ng ex-president na pansamantala siyang palayain sa pagkakakulong sa ICC jail, period!

P243B unprogrammed funds, lalabanan ni Sen. Bong Go para ‘di makalusot sa Senado

ni Pablo Hernandez @Prangkahan | October 16, 2025

PORK BARREL NA P243B UNPROGRAMMED FUNDS LALABANAN NI SEN. BONG GO PARA HINDI MAKALUSOT SA SENADO -- Matapos pumasa sa Kamara ang P6.793 trillion national budget para sa year 2026 na may nakapaloob ditong P243 billion unprogrammed funds na itinuturing na isang anyo ng pork barrel funds, ay nagpalabas ng statement si Sen. Bong Go na tinututulan niya ito (unprogrammed funds) dahil source umano ito ng corruption, na ang ganitong uri ng budget ay ginagawang gatasan ng mga “buwaya” sa pamahalaan.

Sa tema ng sinabing ito ni Sen. Bong Go ay patunay ito na kontra siya sa pork barrel, na haharangin niya sa Senado ang P243 billion unprogrammed funds at sana suportahan siya ng mga kapwa niya senador na huwag makalusot itong tila maanomalyang badyet na ipinaloob ng Kamara sa 2026 national budget, period!

XXX

RATING NI PBBM SA SURVEY BAGSAK DAHIL SA CLOSED-DOOR INVESTIGATION NG ICI SA FLOOD CONTROL PROJECTS SCAM -- Sa bagong survey na inilabas ng SWS ay bumagsak ng 5% ang rating ni PBBM, naging 43% na lang ito mula sa dating 48% performance rating. 

Isa sa posibleng dahilan kung kaya lumagapak na naman ang rating ni PBBM ay ang

itinatag niyang Independent Commission for Infrastructure (ICI) na nagsasagawa ng closed-door investigation sa mga sangkot sa flood control projects scam.

Ang nais kasi ng mamamayan ay isapubliko ang imbestigasyon ng ICI, pero ginawa itong closed-door at dahil tila suportado ni PBBM ang secret o lihim na ICC hearing, kaya ang naging resulta bagsak uli ang kanyang performance rating, boom!

XXX

KUNG 1% LANG ANG BILIB NA MAY MANANAGOT, IBIG SABIHIN 99% NG MAMAMAYAN HINDI NA NANINIWALANG MAPAPANAGOT ANG MASTERMIND AT MGA KASABWAT SA FLOOD CONTROL PROJECTS SCAM -- Sa latest survey naman na isinapubliko ng OCTA Research firm patungkol sa corruption ay 60% ng mga Pinoy ang galit na galit sa mga kurakot, 30% ang nagpahayag ng pangamba na makaapekto sa kanilang pamumuhay ang talamak na katiwalian, 9% ang nalulungkot sa nagaganap na nakawan sa kaban ng bayan, habang 1% ang umaasang mapapanagot ang mga sangkot sa anomalya.

Dito tayo magpokus sa 1% na Pinoy na umaasang mapapanagot ang mga sangkot sa anomalya, na ibig sabihin niyan ay 99% ng mamamayan ang hindi na umaasang mapapanagot ang pinaka-mastermind at mga kasabwat niya sa pang-i-scam sa kaban ng bayan dahil ayaw isapubliko ng ICI ang kanilang imbestigasyon sa mga sangkot sa flood control projects scam, period!

XXX

MALAMANG KINABAHAN SINA SEN. ESCUDERO AT KONTRAKTOR LUBIANO SA SINABI NI CHAIRMAN GARCIA NA KULONG ANG KANDIDATONG TUMANGGAP AT KONTRAKTOR NA NAGBIGAY NG DONASYON SA KANDIDATO -- Nagpaalala si Comelec Chairman George Garcia sa mga kandidatong tatanggap ng donasyon mula sa mga kontraktor, at sa mga kontraktor na magbibigay ng donasyon sa mga kandidato, na may kaparusahan itong pagkakakulong.

Hindi man aminin ay malamang kinabahan sina Sen. Chiz Escudero at kontraktor na si Lawrence Lubiano sa sinabi na ito ni Chairman Garcia dahil nga pareho silang iniimbestigahan ng Comelec kaugnay sa pagtanggap ng senador sa ibinigay na P30 million campaign fund sa kanya ng kontratistang Lubiano, boom!

Sen. Imee, ibinulgar na kabilang sa lumagda sa 2025 national budget si Sen. Chiz

ni Pablo Hernandez @Prangkahan | October 15, 2025

TULOY PA RIN ANG LIGAYA NG MGA PORK BARREL POLITICIAN DAHIL 2026 NATIONAL BUDGET MERON PA RING UNPROGRAMMED FUNDS -- Sa P6.793 trillion national budget para sa year 2026 ay 287 kongresista ang pumabor dito o nag-“yes” votes at 12 naman ang nag-“no” votes.

Ang dahilan ng 12 kongresistang no votes ay hindi raw tinanggal sa 2026 national budget ang P243 billion unprogrammed funds na itinuturing nilang pork barrel funds.

At dahil nga pasado na ang P6.793 trillion na may nakapaloob na P243B unprogrammed funds para sa 2026 national budget, ibig sabihin niyan ay tuloy pa rin ang ligaya ng mga pork barrel politician next year, tsk!

XXX

SEN. ESCUDERO, KABILANG SA IBINULGAR NI SEN. IMEE NA LUMAGDA SA 2025 NATIONAL BUDGET -- Itinanggi ni Sen. Imee Marcos na mayroon siyang insertions sa 2025 national budget at ayon sa senadora ay siya raw ang senador na pinakatumutol sa maanomalyang budget kaya hindi raw siya nakiisa na lagdaan noon ang P6.326 trillion.

Sa inis ni Sen. Imee ay ibinulgar niya ang mga senador na lumagda sa P6.326 trillion national budget at kabilang sa pinangalanan niya ay si Sen. Chiz Escudero, na ayon naman sa mga naunang statement nina Senate President Tito Sotto at Sen. Ping Lacson na ang dating Senate president (Sen. Escudero) ay nagsingit ng P142.7 billion sa 2025 national budget, boom!

XXX

BAKA MAGWALA ANG TAUMBAYAN KAPAG GINAWANG STATE WITNESS SI REP. ROMUALDEZ SA FLOOD CONTROL PROJECTS SCAM -- Matapos humarap sa closed-door hearing ng Independent Commission for Infrastructure (ICI) si Leyte Rep. Martin Romualdez kaugnay sa isyu ng flood control projects scam, ay may kumakalat na balita na baka siya ang gawing state witness ng Dept. of Justice (DOJ) laban mga nasasangkot sa pang-i-scam sa kaban ng bayan.

Dapat mag-isip-isip nang mabuti ang DOJ sa isyung iyan dahil ang itinuro ni Sen. Escudero na mastermind daw sa flood control projects scam na si Rep. Romualdez, ang siya pang gagawing state witness. Naku po, eh baka diyan na magwala ang taumbayan, period!

XXX

KUNG OPEN SA PUBLIC ANG IMBESTIGASYON NG ICI KAY ROMUALDEZ, PUWEDE PANG MANIWALA ANG TAUMBAYAN NA ‘DI SIYA SANGKOT SA FLOOD CONTROL PROJECTS SCAM AT MAGING STATE WITNESS -- Kung ginawang open ng ICI sa publiko ang kanilang imbestigasyon kay Rep. Romualdez at nakita, narinig ng mamamayan na mahusay na naipagtanggol nito ang kanyang sarili, na ‘ika nga nakapaglatag ng mga ebidensya na hindi siya sangkot sa katiwalian at saka siya ikonsiderang state witness, tiyak walang angal diyan ang taumbayan.

Pero iyong after ng closed-door hearing kay Rep. Romualdez ay saka siya ikokonsiderang state witness, aba’y nakapagdududa iyan dahil hindi maalis sa isipan ng publiko na kaya itinatag ni Pres. Bongbong Marcos (PBBM) ang ICI, at hinayaang magsagawa ito ng secret investigation ay para ilusot sa kontrobersya ang pinsan niyang si Romualdez, boom!