Patay sa pagbaha sa Indonesia, 67 na

ni Eli San Miguel @News | May 16, 2024

JAKARTA — Umabot na sa 67 ang bilang ng mga namatay dahil sa mga pagbaha at mud slides noong nakaraang linggo sa lalawigan ng Western Sumatra sa Indonesia, ayon sa mga otoridad nitong Huwebes.

Bukod dito, mayroon pang 20 na nawawala, kaya't nagpaplano na ang pamahalaan na ilipat ang mga natirang survivors sa mas ligtas na lugar.

Ayon sa pahayag ng national disaster management agency na BNPB, lima sa 25 na dating nawawala ang natagpuang patay, na nagpataas sa bilang ng nasawi mula sa 62 na iniulat noong Miyerkules.

Higit sa 4,000 katao ang nailikas sa mga kalapit na gusali at temporary shelters.

Nasira naman ang hindi bababa sa 521 na mga bahay, 31,985 ektarya ng lupa kasama ang mga palayan, 19 na tulay, at karamihan sa mga pangunahing kalsada.

Prime minister ng Slovakia, niratrat

ni Angela Fernando @News | May 16, 2024

Nakaalis na sa malubhang kondisyon ang Prime Minister ng Slovakia na si Robert Fico matapos itong mabaril sa isang assassination attempt habang papalabas mula sa isang pulong ng gobyerno nu'ng Miyerkules, ayon sa isang ministro ng gobyerno.

Niratrat ng gunman si Fico, 59-anyos, ng limang beses, na naging dahilan para maging kritikal ang lagay nito at sumailalim sa operasyon makalipas ang ilang oras matapos ang insidente.

Sinabi ng Slovak Deputy Prime Minister at Environment Minister na si Tomas Taraba na isang bala ang tumagos sa tiyan ni Fico at ang isa pa ang tumama sa kasukasuan.

Iniulat ng news outlet na ‘Aktuality.sk’, na ayon sa isang hindi pinangalanang source, si Fico ay natapos na sa operasyon at nasa stable na kondisyon.

Tiktok creators, nagsampa ng kaso laban sa US ban

ni Angela Fernando @News | May 15, 2024

Nagsampa ng kaso ang grupo ng mga TikTok creators sa pederal court ng U.S. upang harangin ang isang batas na pinirmahan ni Pangulong Joe Biden na nagbabawal sa paggamit ng app.

Kabilang sa mga nagkaso ay isang beteranong Marine Corps mula Texas na nagbebenta ng mga produkto ng kanyang rancho, isang babae mula Tennessee na nagbebenta ng cookies at gumagawa ng content tungkol sa pag-aalaga ng anak, isang college coach mula North Dakota na gumagawa ng mga videos tungkol sa sports commentary, at isang bagong graduate na nagtataguyod ng mga karapatan ng mga biktima ng sexual assault.

"Although they come from different places, professions, walks of life, and political persuasions, they are united in their view that TikTok provides them a unique and irreplaceable means to express themselves and form community," saad sa lawsuit.

Ang kaso ay naglalaman na ang pinirmahang batas ay banta sa freedom of speech ng mga mamamayan at umaapak sa paraan ng mga Amerikano ng mas discrete na komunikasyon.ipinalit sa hit show na Gimik.