Apela ni US Vice Pres. Harris kay Israel PM Netanyahu: Tigil-putukan sa Hamas

by Eli San Miguel @World News | July 26, 2024

Hinikayat ni U.S. Vice President Kamala Harris si Israel Prime Minister Benjamin Netanyahu, na agad na magkaroon ng tigil-putukan sa Hamas upang mapalaya ang mga bihag sa Gaza.

Ipinahayag niya ang karapatan ng Israel na ipagtanggol ang sarili ngunit naglabas din ng pagkabahala sa mataas na bilang ng mga nasawi at matinding krisis sa Gaza.

“There has been hopeful movement in the talks to secure an agreement on this deal,” pahayag ni Harris sa mga reporters matapos ang kanyang pakikipag-usap kay Netanyahu. “And as I just told Prime Minister Netanyahu, it is time to get this deal done,” dagdag pa niya.

26 katao, patay sa pag-atake sa Mali

ni Eli San Miguel @K-BUzz | July 23, 2024

File Photo

Namatay ang hindi bababa sa 26 katao matapos ang pag-atake ng isang armadong grupo sa baryo sa gitnang rehiyon ng Mali, malapit sa border ng Burkina Faso, ayon sa opisyal ng pamahalaan nitong Lunes.

Inihayag ni Moulaye Guindo, ang alkalde ng bayan ng Bankass kung saan matatagpuan ang Dembo, na nagsagawa ang mga salarin ng pag-atake sa mga residente habang nagtatrabaho ang karamihan sa kanila sa mga sakahan sa baryo ng Dembo noong Linggo ng gabi.

Walang grupo ang umangkin ng responsibilidad sa pag-atake noong Linggo, ngunit iniuugnay dito ang JNIM, isang extremist group na may kaugnayan sa al-Qaida dahil sa kanilang kasaysayan ng pag-atake sa mga residente sa rehiyon.

Biden, atras sa 2024 Presidential Election

ni Eli San Miguel @Overseas News | July 22, 2024

Bumitiw na si Pangulong Joe Biden ng United States sa pagtakbo sa eleksyong 2024 matapos ang mapaminsalang debate kay Donald Trump, na nagdulot ng alalahanin sa kanyang kakayahan bilang pangulo.

Inanunsiyo nitong Linggo ang kanyang desisyon, na sumunod sa tensyon mula sa mga Democratic na kaalyado na hinimok siyang umatras dahil sa kanyang naging sitwasyon sa debate noong Hunyo 27, kung saan nahirapan siyang tablahin ang mga pahayag ng kanyang oposisyon na si Donald Trump.

Pinaplano ni Biden na tapusin ang natitirang bahagi ng kanyang termino sa opisina, na magtatapos sa Enero 20, 2025 (ET). "It has been the greatest honor of my life to serve as your President. And while it has been my intention to seek reelection, I believe it is in the best interest of my party and the country for me to stand down and to focus solely on fulfilling my duties as President for the remainder of my term," saad ni Biden sa isang liham na ipinost sa kanyang X account. Pinatunayan naman ng White House na lehitimo ang liham.