Dagdag-bawas sa presyo ng gas

ni Eli San Miguel - Trainee @News | October 28, 2023

Inaasahan ang magkakaibang paggalaw sa presyo ng mga produktong petrolyo sa susunod na linggo.

Ayon kay Rodela Romero, assistant director ng Department of Energy (DOE) Oil Industry Management Bureau, base sa mga taya sa apat na araw na trading, posibleng magkaroon ng pagtaas na P0.25 hanggang P0.50 kada litro ng gasolina, ngunit mayroong posibilidad na pagbaba sa diesel na P1.20 hanggang P1.40 kada litro at P1 hanggang P1.20 bawat litro naman sa kerosene.

Gayunman, ayon sa isang source sa industriya ng petrolyo, ang posibleng paggalaw ng pump prices sa susunod na linggo ay maaaring maging pagbaba na P1.30 hanggang P1.40 bawat litro para sa diesel at pagtaas na P0.25 hanggang P0.35 bawat litro sa gasolina.

“Crude oil prices weaken despite geopolitical tension as diplomatic efforts in the Middle East intensified in an attempt to contain the conflict between Israel and Hamas, easing investor concerns about potential supply disruptions and reducing geopolitical risk premium,” paliwanag ni Romero.

Iaanunsiyo ng domestic oil companies sa Lunes ang mga huling pagbabago sa presyo, na magiging epektibo kinabukasan.

PISTON: Protesta laban sa taas-presyo ng petrolyo at Oil Deregulation Law

ni Jeff Tumbado @News | September 20, 2023

Sa harapan ng Manila Central University (MCU) sa Caloocan City nagsagawa ng kilos-protesta ang transport group na PISTON (Pagkakaisa ng mga Samahan ng Tsuper at Opereytor Nationwide) sa walang tigil na pagsirit ng presyo sa petrolyo at panawagan din sa pagsususpinde ng buwis sa langis at ibasura ang Oil Deregulation law.

Taas-presyo, non-stop.. Motorista, maging wais sa pagpapa-gas — DOE

ni BRT @News | September 17, 2023

Pinayuhan ng isang opisyal ng Department of Energy (DOE)ang mga motorista na gamitin ang kanilang "power of choice" sa pagbili ng produktong petrolyo sa harap ng panibagong price hike na ikinakasa ng mga kumpanya ng langis ngayong Linggo.

Ayon kay Oil Industry Management Bureau Assistant Director Rodela Romero, may mga gasolinahan na nagbibigay ng diskwento kada litro kaya malaking bagay ito para makatipid sa gastos.

"Maging wise tayo. Gamitin natin 'yung power of choice. Kasi mas makikita doon sa monitoring ng Department of Energy, may mga gasolinahan na nagbibigay ng hanggang P4 discount per liter," ani Romero.

Sinabi ng opisyal na mas mura sa mga maliliit na gasoline station at independent oil players kaya nasa mga motorista na ang pagpapasya.

Karamihan aniya ay makikita ang mga ito sa Commonwealth, Quezon City.

"Ibig sabihin, mayroong ganu'ng nagbibigay kamura so ang mga mamamayan o mga motorista kung sakaling kaya pang umabot doon ang kanilang mga gasolina, susulitin natin 'yun," dagdag ni Romero.

Tiniyak ng opisyal na tuluy-tuloy ang kanilang gagawing monitoring sa iba't ibang gasolinahan upang masigurong sumusunod ang mga ito sa kalidad ng kanilang mga produkto at patas sa kanilang customers.

Inaasahang tataas sa ika-11 pagkakataon ang presyo ng produktong petrolyo ngayong linggo.

Maaari umanong magpatuloy hanggang Disyembre ang taas-presyo sa petrolyo.