Aktres, nag-abroad lang, may kapalit na... BARBIE OUT, SHUVEE BAGO NI DAVID

ni Nitz Miralles @Bida | October 24, 2025

Photo: FB Barbie Forteza & BSP

Biniro ng kanyang mga fans si Barbie Forteza na baka sa pagbabalik niya mula sa USA vacation niya, wala na ang BarDa (Barbie at David) love team nila ni David Licauco, napalitan na raw ng ShuVid love team nina David at Shuvee Etrata.

Dahil ito sa lumabas na photos at reels video nina Shuvee at David sa isang photoshoot for an endorsement. Yes, magkasama sila sa isang endorsement at sa video, kita na kampante agad sila sa isa’t isa at para bang matagal nang magkakilala at magkaibigan.

Sabagay, nagkasama na sina David at Shuvee nang ipakilala si Shuvee bilang new ambassador ng Boy Scout of the Philippines (BSP), na isa ring ambassador si David. Pagkatapos noon, dito sa photoshoot na sila muling nagkita at ramdam pa rin ang pagiging komportable nila sa isa’t isa.

Comment ng mga fans, kung wala lang girlfriend si David at walang Anthony Constantino na suitor si Shuvee, baka may mga nag-ship na sa kanila. 

Hindi maaakusahang inagaw ni Shuvee si David kay Barbie dahil walang romantic relationship ang dalawa, love team lang sila.

At speaking of Barbie, lumipad nga ito pa-Chicago to visit her sister at ang family nito, at nami-miss na ng aktres ang kanyang pamangkin. Sa isang interview, sabi ng aktres, magre-recharge muna siya after ng sunud-sunod na projects. Pagbalik, magpo-focus na uli siya sa trabaho.

Nabanggit nito na puro pelikula muna ang kanyang gagawin, wala munang teleserye. 

Umaasa ang BarDa fans na isa sa mga gagawing pelikula ni Barbie Forteza ay ‘yung pagtatambalan nila ni David Licauco.

---

Wala raw sa tono ang gitara…

ALJUR, NAG-POST NG VIDEO NA KUMAKANTA, INULAN NG PAMBA-BASH

NAKAKATAWA ang mga netizens, puro bashing at nega comments kay Aljur Abrenica dahil sa ipino-post nitong video na kumakanta, pero panood naman sila nang panood.

Sample ng not-so-nice comments, “Ikaw na naman,” “Talaga naman, umisa pa s’ya,” “‘Di ka pa rin tumigil,” “Tigil na tatay of 4 (Aljur),” “Sino ba kasing request nang request?” “May pasok pa kami bukas,” “Wala sa tono ‘yung gitara,” at “Tama na po.”

Marami pang comments na, in fairness kay Aljur, hindi niya idine-delete. May nag-comment tuloy na inaasar daw ng aktor ang mga bashers niya sa patuloy nitong pagpo-post ng mga videos niya na kumakanta.

May mga dumedepensa rin kay Aljur at sabi nila, kung ayaw nilang marinig itong kumanta, huwag nilang bibisitahin ang Instagram (IG) nito. 

May comment pa na magaling naman kumanta si Aljur, bakit marami ang mga bashers — at ang mga bashers niya, hindi naman marurunong kumanta.

Dagdag pa ng supporter ni Aljur Abrenica, at least, kumikita ito sa pagkanta-kanta niya dahil may mga gigs siya. Minsan nga, sa ibang bansa pa.

Mga todo-kontra na wa’ ‘K’ ang aktres, barado… HIRIT NG GENERAL MANAGER NG MADAME TUSSAUDS: KATHRYN, MAY GLOBAL IMPACT

ni Nitz Miralles @Bida | October 23, 2025

Photo: FB Cristine Reyes

Sinukatan na si Kathryn Bernardo para sa wax figure niya sa Madame Tussauds sa Hong Kong. Sa interview, nabanggit niyang excited siyang makilala ang kanyang twin. Hindi raw siya makapaniwala na magkakaroon siya ng wax figure.

“Up until today, hindi ako makapaniwala na they’re gonna be creating my twin, my wax figure. Hindi ko ito ine-expect na mangyayari. One of my biggest milestones. Nakaka-proud lang na nandu’n tayo. Sana, I’ll be able to inspire our kababayans there (sa Hong Kong). This is a very, very good surprise,” bahagi ng pahayag ni Kathryn.

Sinundan pa ito ng “Kath is finally out of the bag! So excited to finally share this with everyone. Thank you @madametussaudshongkong for this huge honor.”

Sa dami ng masaya at nag-congratulate kay Kathryn, may mga nagtatanong kung ano ang mga achievements niya para magkaroon ng wax figure. Nilatagan tuloy ang mga bitter na nagtatanong kung bakit ang aktres ang napili.

Ipinost din ng mga fans ni Kathryn ang pahayag ng General Manager ng Madame Tussauds Hong Kong na si Wade Chang kung bakit si Kathryn ang napili.

Aniya, “We value our Filipino market and aim to provide them with an unforgettable experience. Kathryn is an inspiring artist who has worked tirelessly to achieve her success. At Madame Tussauds, we honor excellence with a global impact, making Kathryn the perfect choice for our next Filipino wax figure.”

Kaya naman pala…

---

Anak-anakan, ipinagtanggol sa isyung may rich benefactor… RICHARD KAY JILLIAN: DEDMA KA LANG, INGGIT LANG SILA

Very short na “I love you, Mama” ang caption ni Jillian Ward sa ipinost na photo nila ng kanyang mom, pero marami ang nagpahayag ng simpatya sa kanya. Naantig ang puso ng mga nakabasa sa post na ‘yun ng Kapuso aktres patungkol sa pagmamahal niya sa kanyang nanay.

Isinasali kasi ang mom ni Jillian sa isyung ibinabato sa aktres, dahil lang sa afford niyang bumili ng mga mamahaling bagay. Inaakusahan ang mom ni Jillian na ito raw mismo ang nagbebenta sa anak sa rich benefactor.

Nagpapatayo pa lang siya ng bahay, inisyuhan na si Jillian. Pati pagpe-flex ng biniling luxury cars, inisyu rin sa kanya.

Hindi ba nila alam na bata pa lang si Jillian ay nagtatrabaho na ito? Hindi pa ito marunong magbasa at sumulat, nasa showbiz na siya. Puro drawing lang ang alam nito noong bata pa siya, at nang hingan namin ng autograph, nag-drawing siya ng hindi namin maintindihan kung ano dahil hindi pa nga marunong magsulat.

Siguro naman, nakita ni Jillian ang suporta sa kanya ng mga kaibigan niya sa showbiz.

Pinusuan nina Rodjun Cruz, Kim Rodriguez, Pauline Mendoza, atbp. ang kanyang post. Si Richard Yap naman na nakasama ni Jillian at gumanap na ama niya sa Abot-Kamay Na Pangarap (AKNP) ay nagbigay ng mensahe.

Sey ni Richard, “Don’t listen to what others have to say, anak. They’re all just noise. That just means you’re relevant and they’re jealous. We know how hard you work for what you have. Love you.”

Lalo pa yatang iisyuhan si Jillian dahil sunud-sunod ang mga projects niya. May horror movie siyang KMJS Gabi ng Lagim: The Movie at may action series sila ni David Licauco na Never Say Die (NSD) at marami pa siyang ibang projects.

---

MASAYA ang mga fans ni KC Concepcion dahil matagal na nilang inire-request na magbalik-showbiz siya. 

Natupad na ang hiling ng mga fans dahil balik-recording na ito, at nakipag-meeting na sa mga taga-Star Music PH.

Kaabang-abang ang sinabi ng Star Music PH na, “She’s back, radiant as ever—and brewing something truly special.”

Excited na ang mga fans ni KC na muli siyang marinig kumanta, at sunud-sunod ang request na sana, balikan na rin niya ang acting. 

Sana raw, gumawa ulit siya ng teleserye at pelikula, lubusin na raw niya ang pagbabalik sa showbiz.

May request din for KC to guest sa ASAP at sa It’s Showtime (IS) before and after the release of her song. 

Ganoon siya ka-miss ng kanyang mga fans, na may rason, dahil matagal na ring nagpahinga si KC sa showbiz at nag-focus sa kanyang jewelry business.

Wala pang further details sa pagbabalik-recording ni KC Concepcion, pero makakaasa siya at ang Star Music ng suporta mula sa mga fans. In fairness, hindi siya iniwan ng kanyang mga loyal supporters.

Pinaaamin din tungkol kay Romualdez… CARLA, NAG-POST NG VIDEO NG MGA LUXURY CARS NG DISCAYA COUPLE, IDINAWIT NA RIN

ni Nitz Miralles @Bida | October 19, 2025

Photo: FB Carla Angeline Reyes Abellana

More than 200 comments na ang video post ni Carla Abellana tungkol sa luxury cars ng mga Discaya, at sa comments, ramdam ang kanilang galit. 

Maraming tanong ang mga netizens na sana, masagot ng mga nag-iimbestiga sa flood control corruption.

Sabi ni Carla, “Just found this in my camera roll. Hindi ko pa pala nade-delete. This is it! This is the video I was talking about that I took at taping 2 years ago! Back then I didn’t know who the Discayas were or who the building even belonged to. But upon seeing the garage (where we couldn’t even park due to the lack of space) I knew right away that there was something fishy about their ‘business.’”

Ang daming luxury cars na nahagip ng camera ni Carla at in one point, napa-comment ito ng “Oh, Bentley, Jesus Christ!” 

Binanggit din ni Carla ang ibang brand ng luxury cars na talaga namang mamamangha ka.

May isang nag-comment na sinagot ni Carla. Galit ang netizen sa comment niyang “Hoy, Carla, ‘di ba, dikit ka kay Romualdez?” 

Sagot ni Carla, “Hoy! Paano pong ako ay dikit kay Romualdez?” 

Sagot uli ng netizen, “Hoy, Carla! Tinatanong nga kita kung dikit ka kay Romualdez. Sini-single out mo kasi ang mga Discaya sa corruption. Walang access sa funds ‘yang mga ‘yan kung walang corrupt na pulitikong mastermind. 

“Sino nga po pala ang Speaker na may pinaka-corrupt na budget sa kasaysayan ng Pilipinas? Never heard you guys calling those politicians for their corruptions.”

Sa mga nagtanong kung bakit siya napunta sa building ng mga Discaya, sagot ni Carla, nag-taping sila ng Stolen Life (SL) serye ng GMA-7, kaya niya nakita ang mga sasakyan ng mga Discaya.

Sa nag-comment uli na fan daw si Carla ng mga Discaya, sinagot niya ito ng, “Paano po ako naging fan nila? Hindi ko po sila kilala.” 

Hirit uli ng netizen, bakit daw hindi inalam ni Carla Abellana kung sino ang may-ari ng mga luxury cars? 

Sinabihan pa ang aktres na kung nakilala niya nang mas maaga ang mga Discaya, baka dinepensahan niya. 

Inakusahan pa ang aktres na baka kilala niya talaga ang mga Discaya, idine-deny lang niya.

---

MATANONG nga si Louie Heredia kung totoo ang balitang nakarating sa amin. 

Naimbitahan daw ito ng Miss Universe Organization na maging member ng Closed-Door Interview Panel para sa 74th Miss Universe Competition sa November 16, 2025, at sa Preliminary Competition Show sa November 19, 2025.

Siguradong masaya si Louie sa pagkakapili sa kanya bilang isa sa mga mag-i-interview ng candidates ng Miss Universe ngayong taon na gagawin sa Bangkok, Thailand. Exciting ito dahil sa dami ng candidates, 3 minutes lang ang ibibigay sa bawat panel member para mag-interview.

Ipapakumpirma rin namin kay Louie ang tsika na bukod sa pagiging panel member na mag-i-interview ng candidates, judge rin daw siya sa Preliminary Competition at sa National Costume Competition. 

Magiging busy ang schedule nito on the said dates, but for sure, mag-e-enjoy siya lalo na’t sa isa sa favorite countries niya sa Asia gaganapin ang Miss Universe this year.

Sa last year’s Miss Universe, may photo si Louie Heredia with Miss Universe 2024 Victoria Kjær Theilvig ng Denmark. Hintayin natin, dahil paniguradong may photo rin siya sa mananalong Miss Universe 2025.