Lacson, umaasang mas paiigtingin ni PBBM ang laban vs korupsiyon sa 2026

by Info @News | January 2, 2025

Photo File: PBBM at Lacson - FB

Umaasa si Senate President Pro Tempore Ping Lacson na mas pagtitibayin ni Pangulong Ferdinand “Bongbong” Marcos Jr. ang laban kontra-korupsiyon sa mga natitirang taon ng termino nito.

Kasabay ito ng pahayag ni Lacson na lalo umano niyang palalakasin ang laban sa katiwalian.

Aniya, inaasahan ng mga Pilipino na gagawin ito ng kanilang mga lingkod-bayan, lalo na’t naging mas mulat at galit ang publiko matapos malaman kung paano umano pinaglaruan ang mga pinaghirapang buwis.

"I thought the momentum was already on his side with his famous ‘Mahiya naman kayo!’ SONA remark," ani Lacson.

“Unfortunately, the Filipino people’s perception has not been kind to him, as what the latest surveys have indicated,” dagdag pa ng senador.

Ipinangako rin ni Lacson ang patuloy na pag-iimbestiga para isiwalat ang iba pang mga isyu ng korupsiyon sa bansa.

E-bike, papayagan sa bike lane depende sa klase — LTO

by Info @News | January 2, 2025

Photo File: MMDA

Nilinaw ng Land Transportation Office (LTO) na may partikular na klase lamang ng mga electric bike o e-bike ang papayagang dumaan sa bicycle lanes sa EDSA kasunod ng pagbabawal nito sa mga highway sa Metro Manila simula ngayong Biyernes, Enero 2.

“‘Yung e-bike na dalawa ang gulong pero mistulang motorsiklo na talaga siya — higher CC — mga malalakas, mga matutulin, hindi puwede sa bike lane kasi baka makaaksidente,” ayon kay LTO Chief Markus Lacanilao.

Idinagdag din niya na ang mga two-wheels at may bigat na 50 kg pababa lamang ang papayagan sa bike lane ng EDSA.

Katiwalian, trabaho, murang bilihin, dapat tutukan ng gobyerno — survey

by Info @News | January 2, 2025

Photo: File / DA

Lumabas sa datos ng isinagawang pananaliksik ng Pulse Asia noong Disyembre 12 hanggang 15 na nais ng mga Pilipino na pagtuunan ng gobyerno ang mga presyo ng bilihin, katiwalian, at trabaho para sa mga Pinoy.

Sa datos, nangunguna ang pagnanais ng mga Pilipino na tutukan ng gobyerno ang pagbaba ng mga presyo ng bilihin tulad ng pagkain na nasa 38% habang sinundan naman ito ng pagnanais ng mamamayan na bigyang-pansin ang katiwalian na nasa 31%.

Pumapangatlo naman ang pagkakaroon ng maraming trabaho at pagkakakitaan para sa mga Pilipino na nasa 21% at napabilang din sa listahan ang pagkakaroon ng access sa maayos na edukasyon at health services.