Gomez bagong PCO Chief

ni Chit Luna @News | July 13, 2025

File Photo: Presidential Communications Office

Pormal nang itinalaga si Dave Molina Gomez bilang bagong chief Presidential Communications Officer ni Pangulong Ferdinand ‘Bongbong’ Marcos, Jr., matapos itong manumpa kamakailan sa Malacañang.

Si Gomez ay batikang journalist mula sa pahayagang Philippine Star at naging Director General ng Philippine Information Agency at bago naitalaga bilang PCO Chief naging Communication Director ng Philip Morris Fortune Tobacco.

Puro comment sa VP Sara impeachment... Senator-Judges, shut up — SC Justice

ni Mylene Alfonso @News | July 7, 2025

File Photo: FB / Senate of the Philippines / Former Associate Justice Antonio Carpio

Sinopla ni dating Supreme Court Senior Associate Justice Antonio Carpio si Senate President at Impeachment court presiding officer Francis 'Chiz' Escudero sa pagbibigay nito ng komento ukol sa impeachment case laban kay Vice President Sara Duterte. 

Tinukoy ni Carpio na hindi siya nagbigay ng anumang komento noon kaugnay sa pag-dismiss ng Senado sa impeachment case ni dating Ombudsman Merceditas Gutierrez dahil miyembro at bahagi siya ng Korte Suprema. 

“I was in the Supreme Court since 2001, and as a member of the Supreme Court, I cannot be complaining because that case could reach us,” paglilinaw ni Carpio. 

Ang pahayag ni Carpio ay may kaugnay sa paghawak ng Senado sa impeachment case bilang impeachment court. “[T]here is a provision in the Senate rules on impeachment. It says, the presiding officer and the senator-judges shall refrain from commenting on the merits of the impeachment case. So, dapat sila huwag mag-comment,” ani Carpio sa isang panayam. 

Binigyang-linaw ni Carpio na maaari na siyang magbigay ng komento sa kasalukuyan dahil nasa pribado na siyang buhay bilang mamamayan ng bansa. 

“[T]he gag rule is there in the Senate rules. The Senate — the presiding officer, and the senator-judges — shall refrain from commenting publicly on the merits of the impeachment case,” giit ni Carpio. 

Kaugnay nito, suportado naman ni constitutional law professor and lawyer Howard Calleja ang bagong pahayag ni Carpio. Ayon kay Calleja, marapat lamang na manahimik ang senators/judges bilang bahagi ng kanilang judicial ethics

Atong at Gretchen, suspek na sa 'missing sabungeros' — Remulla

ni BRT @News | July 4, 2025

File Photo: Boying Remulla, Atong Ang at Gretchen Barretto - FB / Interview - TV5 / Circulated / IG

Isasama na sa listahan ng mga suspek sa kaso ng mga nawawalang sabungero ang negosyanteng si Charlie 'Atong' Ang at aktres na si Gretchen Barretto, ayon kay Department of Justice Secretary Jesus Crispin Remulla.

Kasunod ito ng paglantad ng dating tauhan ni Ang na si Julie 'Dondon' Patidongan o alyas Totoy, kung saan pinangalanan ang negosyante at si Barretto na may kinalaman umano sa pagkawala ng mga sabungero.

“Pinangalanan sila, then we will have to include them as the suspects,” pahayag ni Remulla sa panayam kahapon.

Sinabi rin ni Remulla na ang mga pormal na kaso ay isasampa laban sa dalawang personalidad “sooner than later”.

“Sooner than later, it will happen. Ie-evaluate ‘yan ng ating group of fiscals that will be assigned to evaluate all the evidence so that we will know what cases to file properly,” dagdag pa ni Remulla.