DepEd sa mga magulang, estudyante: LGUs, 'wag piliting magsuspinde ng klase

ni Madel Moratillo @News | July 22, 2025

Photo File: Sonny Angara - DepEd Philippines

Nanawagan si Education Secretary Sonny Angara sa publiko partikular sa mga magulang at estudyante na huwag i-pressure ang mga lokal na pamahalaan sa pagsususpinde ng klase kung mahina naman ang ulan. 

Giit ng Kalihim, ang madalas na kanselasyon ng klase ay magdudulot ng negatibong epekto sa pag-aaral ng mga estudyante. 

“Nakikiusap din kami sa publiko, mga magulang, mga estudyante. Huwag natin masyadong i-pressure ang ating local government, chief executives na konting ulan mag-suspend na tayo dahil 'pag sinumatotal natin ang nawawalang araw, malaki ang dagok o tama sa ating mga estudyante, 'yung tinatawag na learning loss,” pahayag ni Angara. 

Para makumpleto ang kailangang learning hours ng mga estudyante, ipinag-utos na ng Department of Education (DepEd) ang pagsasagawa ng make-up classes. 

“'Yung ini-emphasize namin that there must be make-up classes kasi matindi na 'yung learning loss talaga. Apektado ang bata 'pag masyadong maraming cancellation,” dagdag pa ni Angara. 

Paglilinaw ng Kalihim, hindi naman kailangang gawin ito ng weekend. Depende na aniya sa availability ng guro.

P50 dagdag-sahod, siguraduhing ipinatutupad ng employers — DOLE

ng BRT @Business News | July 20, 2025

Photo File / DOLE

Pinasisigurado ng Department of Labor and Employment (DOLE) na sinusunod ng mga private employer sa Metro Manila ang P50 minimum wage increase na naging epektibo noong Hulyo 18.

Ang naturang dagdag-sahod ay inaprubahan ng Regional Tripartite Wages and Productivity Board (RTWPB) noong Hunyo kung saan makikinabang 1.2 milyong manggagawa sa NCR.

Dagdag pa ng DOLE, i-report agad sa ahensya ang mga employer na hindi susunod dito.

3 nasawi sa Bagyong Crising, Habagat — NDRRMC

ng BRT @News | July 20, 2025

Photo: MDRRMO Rizal

Tinatayang nasa 3 katao ang nasawi dahil sa Bagyong Crising at Habagat, ayon sa National Disaster Risk Reduction and Management Council (NDRRMC).

Batay sa situational report na inilabas ng NDRRMC ngayong Linggo, Hulyo 20, dalawa sa bilang ay mula sa Northern Mindanao habang mula Davao Region naman ang isa.

Ayon pa sa kanila, nasa ilalim ng validation ang mga report. Samantala, tatlo rin ang napaulat na sugatan at nawawala sa bansa na dulot ng bagyo.