Matapos ibulgar ng mga Discaya… Rep. Diokno, hinamon ang mga nadawit na ilabas ang SALN, i-waive ang bank secrecy

by Info @News | September 8, 2025

Photo: Chel Diokno - Senate PH

Hinamon ni Akbayan Partylist Rep. Chel Diokno ang mga miyembro ng House of Representatives at mga opisyal ng Department of Public Works and Highways (DPWH) na idinawit ng mag-asawang Discaya na ilatag ang kanilang Statements of Assets, Liabilities and Net Worth (SALN).

Nanawagan din si Diokno sa nasabing mga opisyal na pumirma sa waivers sa bank secrecy para malinis ang kanilang mga pangalan sa mga alegasyon ng katiwalian nina Sarah at Curlee Discaya.

“Sa mga pagbubunyag nitong umaga sa Senado, hinahamon natin ang lahat ng nadawit — mga tauhan at opisyal ng DPWH, pati na rin ang ilang mambabatas — na ipakita ang kanilang SALN at lumagda ng waiver sa bank secrecy para sa ganap na transparency,” ani Diokno.

Hinikayat din nito ang ibang kontratista at opisyales na lumantad at isiwalat ang kanilang nalalaman tungkol sa mga iregularidad.

“Dapat mapanagot ang mga nasa likod nito, pati na ang kanilang mga kasabwat. Hindi tayo papayag na may makakalusot,” dagdag nito.

Matapos marinig na magmura on-air… Rep. Garbin, humingi ng sorry

by Info @News | September 8, 2025

Photo: Alfredo Garbin - FB

Pasensya na, tao lang po!

Humingi ng paumanhin si Ako Bicol Partylist Rep. Alfredo Garbin matapos itong marinig magmura bago ang kanyang live interview sa One Balita ng One PH.

Paliwanag niya sa kanyang Facebook post, nadapa siya at muntik nang mabitawan ang cellphone kaya niya ito nasabi.

“I understand that as a public servant, I must always be mindful of my words, even in unexpected situations. Moving forward, I will take greater care to avoid similar incidents,” ani Garbin.

Ex-cop Garma, pumayag na tumestigo sa Duterte ICC case — Remulla

by Info @News | September 8, 2025

Photo: Boying Remulla / HOR / ICC / FB

Pumayag umano si retired Police Colonel Royima Garma na maging testigo sa kaso ni dating Pangulong Rodrigo Duterte sa International Criminal Court (ICC), ayon kay Justice Sec. Jesus Crispin “Boying” Remulla.

Sinabi ni Remulla na nasa Kuala Lumpur, Malaysia ngayon si Garma, kung saan nakatakda siyang makipagpulong sa mga awtoridad ng ICC doon.

“The ICC has been asking Sonny Trillanes about making her available to be a witness in the case against Duterte in the ICC, in The Hague,” ani Remulla. Isa si dating Senator Trillanes sa mga complainants sa ICC case.

“I think she has agreed to be a witness, according to Senator Sonny Trillanes,” dagdag nito.

Matatandaang tumestigo si Garma sa “reward system” kung saan ang mga payment ay sinasabing ibinibigay sa mga pulis para sa pagpatay sa mga suspek sa droga.