Pagtaas ng VAT sa 2026, fake news — DOF

by Info @News | October 26, 2025

Photo: File

Nilinaw ng Department of Finance (DOF) na hindi totoo ang mga ulat ng umano’y plano ng kanilang ahensya na magtaas ng Value Added Tax (VAT) sa susunod na taon.

Ayon sa DOF, walang idadagdag na buwis para sa taumbayan at nakatutok umano ang kanilang ahensya sa pagpapalakas ng koleksyon ng pondo sa pamamagitan ng digitalization, mas mahigpit na tax enforcement, at pagsasara ng mga butas sa tax system sa bansa.

Iginiit din nila na mas binibigyang pansin umano nila ang non-tax revenues sa pamamagitan ng mas mataas na dividend contributions mula sa mga Government-Owned and Controlled Corporation (GOCC) at privatization ng ilang government assets.

Kasabay nito ay tiniyak din nila na sapat ang pondo ng pamahalaan at nasa tamang direksyon ang kanilang ahensya para pondohan ang kanilang mga programa.

Nanawagan din ang DOF sa mga opisyal tulad ni Cavite 4th District Rep. Kiko Barzaga na maging responsable sa pagbabahagi ng mga impormasyon at iwasan ang pagkalat ng fake news.

50% bawas-presyo sa materyales, ‘biggest reform’ sa DPWH — Sec. Dizon

by Info @News | October 26, 2025

Photo: Vince Dizon - Senate PH

Suportado ni Department of Public Works and Highways (DPWH) Sec. Vince Dizon ang direktiba ni Pangulong Ferdinand Marcos, Jr. na ibaba sa 50% ang presyo ng construction materials para sa iba’t ibang proyekto ng kanilang ahensya.

“I think this will be the single biggest reform ever in DPWH,” ayon kay Dizon.

Dagdag pa niya, “Nagsimula na tayo several weeks ago sa pagre-review at pagbe-benchmark ng mga presyo at tama po ang Pangulo, marami po rito ay talagang ang layo ng presyo sa merkado.”

Detainees na sangkot sa flood control anomalies, wala nang excuse para sa hospital arrest — DILG Sec. Remulla

by Info @News | October 25, 2025

Photo: Jonvic Remulla - DILG FB

HOSPITAL ARREST NO MORE?

Hindi na umano kailangan ng hospital arrest ng mga sangkot sa flood control anomalies dahil handa na raw ang New Quezon City Jail sa Payatas para sa pangkalusugang pangangailangan ng mga makukulong dito, ayon kay Department of the Interior and Local Government (DILG) Sec. Jonvic Remulla.

Tiniyak ni Remulla na hindi na kailangan dalhin sa ospital ang mga high-ranking officials na posibleng makulong dahil may sapat nang medical facilities sa loob ng kulungan.

“Nakahanda na po yung 'PGH'—'Payatas General Hospital'. Meron po kaming infirmary dito. Lalagyan namin lahat ng resuscitation machine. Kung dialysis ang kailangan, maglalagay kami ng dialysis machine. Kung kailangan rin ng heart monitoring equipment, maglalagay rin kami,” ani Remulla.