Cocoa farming sa Liberia, napipinsala ang deforestation law ng EU

ni Angela Fernando - Trainee @News | April 26, 2024

Kinakalbo ng ilang magsasaka ang mga kagubatan sa Liberia upang mabuo ang plantasyon nila ng cacao at magpalusot ng mga beans sa kalapit na Ivory Coast, na umaapak sa sinusulong na batas ng Europa (EU) na pumipigil sa deforestation.

Matatandaang isang batas na pinagtibay ng European Union na nakatakdang ipatupad sa dulo ng taong 2024 ang may layong pigilan ang mga agrikultural na pangangailangang may koneksyon sa deforestation sa buong mundo na pumasok sa merkado ng EU.

Samantala, nakatuon ang mga pagsisikap sa pagsusuri ng mga supply chain sa pangunahing mga bansang nag-e-export ng cacao, natuklasan ng Ivorian forest conservation group na IDEF na ang mga magsasaka mula sa Ivory Coast ay lumilipat patungo sa border ng Liberia para maghanap ng lupain.

Mangingisda, binugbog ng 3 kasamahang mangingisda

News @Balitang Probinsiya | April 22, 2024

Quezon — Isang mangingisda ang binugbog ng tatlong kasamahan niyang mangingisda sa fishing vessel na nakadaong sa baybaying dagat na sakop ng Brgy. Ungos, Real sa lalawigang ito.

Hindi na muna pinangalanan ng pulisya ang biktima at ang tatlong suspek na pawang residente sa nasabing lalawigan.

Ayon sa ulat, nagkaroon ng pagtatalo ang biktima at ang tatlong suspek na humantong para pagtulungan ang biktimang bugbugin.

Natigil lang ang pambubugbog nang awatin ng ibang mangingisda ang tatlong suspek.

Matapos nito ay nagtungo sa himpilan ng pulisya ang biktima at inireklamo ang tatlong suspek na pawang nahaharap sa kasong serious physical injury.

Wanted na empleyado, nasakote

News @Balitang Probinsiya | April 22, 2024

General Santos City — Isang wanted na empleyado ang naaresto ng pulisya kamakalawa sa Fil-Am Avenue, Brgy. Fatima sa lungsod na ito.

Ang suspek ay nakilalang si Glem Arances, 32, at nakatira sa nabanggit na barangay. 

Ayon sa ulat, dinakip ng mga otoridad ang suspek sa bisa ng warrant of arrest na inisyu ng korte kaugnay sa kinasasangkutan nitong kasong sexual abuse sa lalawigan.

Nabatid na nakita ng mga operatiba ang suspek sa nasabing lugar kaya agad itong inaresto.

Hindi naman nanlaban ang suspek at ngayon ay nakapiit na sa detention cell ng himpilan ng pulisya.