Nuggets umulit ng panalo sa Lakers sa NBA opening

ni GA @Sports | October 26, 2023

Sinigurado ng World Champion Denver Nuggets na hindi mababahiran ang kanilang espesyal na gabi at umulit ng panalo sa bisitang Los Angeles Lakers, 119-107 sa unang araw ng bagong taon ng NBA kahapon mula sa Ball Arena. Nalusutan din ng bisitang Phoenix Suns ang Golden State Warriors, 108-104, sa isa pang laro.

Tinanggap ng Nuggets ang mga singsing at itinaas sa kisame ang bandila ng kanilang pinakaunang kampeonato sa 47 taon sa liga. Matatandaan na winalis ng Denver ang Lakers sa West Finals, 4-0, upang harapin ang Miami Heat sa Finals na umabot ng limang laro.

Ipinagpag ng Nuggets ang mabagal na simula at bumanat ng siyam na magkasunod na puntos upang maagaw ang lamang at hindi na nila binitiwan, 16-10. Huling nagbanta ang Lakers sa tres ni LeBron James, 89-92, at 9:42 sa orasan subalit umakyat muli sa 110-96 ang agwat sa dunk ni Aaron Gordon at 3:54 ang nalalabi.

Nagtala si MVP Nikola Jokic ng triple double na 29 puntos, 13 rebound at 11 assist at simulan ang kanyang paghanap ng bihirang ikatlong sunod na parangal. Nag-ambag ng 21 si Jamal Murray at 20 si Kentavious Caldwell-Pope.

Sa kanyang talumpati matapos tanggapin ang kanyang singsing, nangako si Coach Michael Malone sa mga tagahanga na masusundan ang kanilang kampeonato. Ipagtatanggol nila ang titulo na halos walang pagbabago sa listahan ng manlalaro.

Sumandal ang Phoenix sa malaking shoot ng kanilang mga bagong manlalaro na sina Gordon at Jusuf Nurkic sa huling minuto upang itayo ang 108-104 bentahe na may 10 segundo sa orasan.

Isang dosenang laro ang gaganapin ngayon, kasama ang unang laro ni kabayan Jordan Clarkson at Utah Jazz kontra sa bisita Sacramento Kings. Si Jalen Green at Houston Rockets ay dadalaw sa Orlando Magic.

Irving, gustong makasama si Doncic sa Mavs, lumipat na

ni Anthony E. Servinio / MC @Sports | July 3, 2023

Nagkasundo ang enigmatic guard at ang Dallas Mavericks nitong Sabado sa $126 milyon, tatlong taong kontrata sa oras ng pagbubukas ng NBA free agency, sinabi ng isang taong may kaalaman sa deal.

Nagsalita ang tao sa kondisyon na hindi magpakilala dahil ang mga kontrata ay hindi maaaring lagdaan hanggang Huwebes.

Sinabi ng taong iyon na may kasunduan din ang Mavericks sa dalawang taong kasunduan sa guard na si Seth Curry, na nakatakda sa kanyang ikatlong stint sa club.

Si Irving, na hindi nagsasalita tungkol sa kanyang hinaharap sa panahon ng kanyang bahagyang season sa Dallas at tumanggi na makipagkita sa mga mamamahayag pagkatapos ng season, ay lumilitaw na tinutukoy ang kanyang desisyon na bumalik sa isang salita sa tweet na may “peace” at “love” emojis.

Ipinares ng Mavericks ang mga All-Star starters sa unang pagkakataon sa kasaysayan ng prangkisa sa pamamagitan ng pagdagdag kay Irving sa isang blockbuster deal sa Brooklyn noong Pebrero, ngunit natisod sa kahabaan para makaligtaan ang playoffs sa unang pagkakataon mula nang si Doncic ay rookie noong 2018-19.

Nasa kalagitnaan ang Dallas ng postseason chase nang sumali si Irving sa club, ngunit ang eight-time All-Star at Doncic, isang four-time choice, ay 5-11 lamang kasama ang parehong nawawalang maraming laro dahil sa mga pinsala.

Ang Mavericks ay nanalo sa kanilang unang dalawang laro kasama si Irving ngunit umabot sa 7-18 sa natitirang bahagi ng laro at hindi man lang nakapasok sa play-in tournament isang taon matapos maabot ang Western Conference finals. Si Irving ay orihinal na inalok ng Nets ng extension noong nakaraang tag-init, bago ang kanilang relasyon ay nasira at hiniling ni Irving na makipag-ayos.

VanVleet at Rose, lumipat ng team sa NBA Free Agency

ni Anthony E. Servinio @Sports | July 2, 2023

Nagkaroon ng ilang pasabog sa unang araw ng NBA Free Agency kahapon. Ibilang na sina Fred VanVleet at dating MVP Derrick Rose sa mga pangalan na nagpalit ng koponan habang nanatiling tapat ang iba at pumirma ng bagong kontrata.

Lumipat si VanVleet sa Houston Rockets galing Toronto Raptors para sa $130M sa tatlong taon. Makakasama niya si kabayan Jalen Green na papasok sa kanyang pangatlong taon sa liga at tiyak maraming matutunan sa beterano at dating All-Star.

Halos pareho ang sitwasyon sa pagkuha ng Memphis Grizzlies kay Rose, ang pinakabatang MVP sa kasaysayan ng liga noong 2011. Suspendido sa unang 25 laro ng parating na NBA ang superstar na si Ja Morant kaya kailangan ng Grizzlies ng matatag na point guard habang naghihintay at isang beterano na gagabay kay Morant oras na makabalik ito.

Abala din ang Los Angeles Lakers at nasa kanila na sina Gabe Vincent ng Miami Heat, Taurean Prince ng Minnesota Timberwolves at Cam Reddish ng Portland Trail Blazers. Sa pagdating ni Vincent, lumipat si point guard Dennis Schroder sa Toronto Raptors para sa $26M sa dalawang taon.

Mananatiling Lakers din si Rui Hachimura matapos magkasundo sa $51M sa tatlong taon. Naunang nagpahayag si Hachimura na hindi siya maglalaro para sa Japan sa 2023 FIBA World Cup upang maasikaso ang kanyang bagong kontrata pero ang kanyang kababayan na si Yuta Watanabe ay lumipat sa Phoenix Suns galing Brooklyn Nets.

Samantala, hindi magbabago ng uniporme ang mga tulad nina Kyrie Irving ng Dallas Maviericks, Draymond Green ng Golden State Warriors, Khris Middleton ng Milwaukee Bucks at Kyle Kuzma ng Washington Wizards. Mananatili din sa World Champion Denver Nuggets ang mga beteranong sina Reggie Jackson at DeAndre Jordan.