NANCY BINAY | Bulgar Online 30/125

Problema sa edukasyon patuloy na tututukan

BULGAR

ni Nancy Binay @Be Nice Tayo | January 28, 2024

Nitong Martes ang unang taong anibersaryo ng Second Congressional Commission on Education o EDCOM II.

Sa kanilang anibersaryo naglabas sila ng kanilang year one report na nagdedetalye sa mga problema at pagkukulang sa educational system ng bansa.

Nakasaad din sa report na ito ang kanilang mga rekomendasyon kung paano matutugunan ang mga problemang ito at mga hakbang na maaaring gawin para mapabuti ang ating education sector.

☻☻☻

Napapanahon ang report na ito ng EDCOM 2 dahil kailangan nating suriin ang mga hamong hinaharap ng sektor ng edukasyon.

Mahalaga ito lalo na sa aming mga mambabatas para naman maipanukala natin ang mga kinakailangang batas na mag-aangat sa kalidad ng edukasyon sa ating bansa.Umaasa tayo na ang mga rekomendasyon na galing sa EDCOM 2 ay magdudulot ng mga tiyak na solusyon upang paigtingin ang ating education sector, ayon sa mga lokal at pandaigdigang mga pamantayan.

☻☻☻

Sinusuportahan natin ang pag-aaral na ito ng EDCOM II at patuloy din nating susuportahan ang mga programang epektibo na magpapabuti sa edukasyon ng ating mga kabataan.

Kung may mga problemang kailangang ayusin, kasama ako sa magpapanukala at magsusulong ng mga repormang tutugon sa mga ito.

Kaisa tayo sa adhikaing suportahan ang pangangailangan ng mga Pilipinong mag-aaral at tiyakin na hindi sila mapag-iiwanan.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Senado, nagkaisa kontra People’s Initiative

BULGAR

ni Nancy Binay @Be Nice Tayo | January 25, 2024

Nitong Martes, naglabas ng manifesto ang Mataas na Kapulungan na pinirmahan naming 24 senador para tutulan at kondenahin ang People’s Initiative bilang paraan ng pag-amyenda sa 1987 Constitution.

Sa aming sesyon nang araw na iyon, binasa ni Senate President Juan Miguel Zubiri ang aming manifesto na tumututol sa People’s Initiative.

Nauna na naming pinagpulungan kasama ng aking mga kapwa senador ang mga hakbang patungkol sa Charter Change o Cha-cha.

Bagama’t iginagalang at kinikilala ng Senado ang karapatan ng taumbayan na manawagan para sa pag-amyenda ng Konstitusyon, nakakabahala ang pagsasagawa ng Cha-cha nang walang pagsang-ayon ng Senado sa paraan ng People’s Initiative.

☻☻☻

Upang mas maging mabilis ang Charter Change, balak iitsapuwera o balewalain ang Senado kaya isinusulong ng mga nasa likod ng People’s Initiative ang “voting jointly” ng dalawang Kapulungan ng Kongreso.

Ito ay malinaw na panimula para sa mas malawak na pag-amyenda sa Konstitusyon o pag-overhaul na ng Saligang Batas.

Kapag pinayagan ang “joint voting” wawasakin nito ang prinsipyo ng bicameralism at mawawala ang sistema ng “check and balance.”

Ito ay dahil mawawala ang kapangyarihan ng Senado na harangin o pigilan ang mga radikal na panukala at hindi na mapoprotektahan ang mga lupain laban sa foreign ownership, hindi na mapipigilan ang pagtanggal ng term limits o no elections scenario sa 2025 o mas malala pa no election scenario sa 2028.

☻☻☻

Ayon sa kasaysayan, ang Senado ang palaging unang target ng mga naglalayong pahinain ang demokrasya.

Ang People’s Initiative ay lantarang pagtatangka na labagin ang Konstitusyon ng bansa.

Hinding-hindi tayo papayag na patahimikin ang Senado at patuloy tayong maninindigan bilang huling balwarte ng demokrasya.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe.

Be Well. Be Nice!

Sayang na ani dahil sa hindi maayos na logistics

BULGAR

ni Nancy Binay @Be Nice Tayo | January 21, 2024

Hindi na bago sa atin ang usapin ng pagkakasayang ng mga ani, lalo na ng mga gulay at prutas.

Madalas sa social media ay nakikita natin ang paghingi ng saklolo ng mga magsasaka na napipilitang itambak ang tone-toneladang mga ani nila sa tabi ng kalsada.

☻☻☻

Ayon kay Agriculture Secretary Francisco Tiu Laurel Jr., nasa 30 percent ng agricultural produce ng bansa ay nasasayang dahil sa hindi maayos na logistics system.

Inamin ni Tiu Laurel na walang accurate data para sa farm losses, ngunit base ang kanyang estimate sa kanyang karanasan bilang may-ari ng cold chain logistics company.

Dagdag pa niya, nasa 12.7 to 15 percent ng rice production o 450,000 tons kada taon ang nawawala dahil sa kakulangan ng post-harvest facility.

☻☻☻

Upang maiwasan ang crop wastage, kinakailangan ng pamahalaan na mag-invest nang malaki sa mga post-production facilities gaya ng cold storage facilities, warehouse, transport services, mills, atbp.

Sa tulong ng mga ito ay masisiguro na mas malaki ang produksyon at mas stable ang presyo ng bilihin.

Sa gitna ng hamon ng tagtuyot na haharapin ng bansa ngayong taon, kinakailangang gawin ng pamahalaan ang lahat ng makakaya upang mabawasan ang pagsasayang ng mga ani.

Umaasa tayong magtagumpay ang Department of Agriculture sa layunin nitong magkaroon ng maayos na post-harvest facilities sa buong bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

. .

Problema sa edukasyon patuloy na tututukan

Senado, nagkaisa kontra People’s Initiative

Sayang na ani dahil sa hindi maayos na logistics

RECOMMENDED