top of page
Search

Pambansang Budget para sa susunod na taon, aabot ng P5 trilyon

  • BULGAR
  • Aug 26, 2021

ni Nancy Binay - @Be Nice Tayo | August 26, 2021



Isinumite ng Department of Budget and Management sa Kongreso ang National Expenditure Program nitong nakaraang Lunes, August 23.


Umaabot sa P5.024 trilyon ang panukalang Pambansang Budget. Mas mataas ito ng 11.5 percent kumpara sa budget ngayong taon, at katumbas ito ng 22.8 percent ng gross domestic product.


☻☻☻


Ang mga sumusunod ang mga sektor na makakukuha ng pinakamalaking bahagi ng budget:


Social services- P1.922 trillion, o 38.3 percent ng GDP;


Economic services- P1.474 trillion o 29.3 percent ng GDP;


General public services- P862.7 billion (17.2 percent GDP);


Debt burden- P541.3 billion (10.8 percent GDP);


Defense spending- P224.4 billion (4.5 percent GDP).


Nasa P240.75 bilyon naman ang panukalang pondo para sa pandemic response, na ibibigay sa iba’t ibang ahensiya.


☻☻☻


Sa pagsumite ng NEP ay opisyal nang nagsisimula ang “budget season”.


Asahan ninyong susuriin at bubusisiin natin ang panukalang budget nang masigurong mabibigyan ng sapat na alokasyon ang mga programang para sa kapakanan ng mga kababayan natin, lalo na iyong mga patuloy na nagdurusa dahil sa dagok ng pandemya.


☻☻☻


Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.


Malalagpasan din natin ito.


Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.


Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

 
 

Ina, positibo sa COVID… Sen. Binay, nag-self-quarantine

  • BULGAR
  • Aug 25, 2021

ni Lolet Abania | August 25, 2021


ree

Nagdesisyon si Senador Nancy Binay na mag-self-quarantine matapos na ang kanyang inang si dating Makati Mayor Elenita Binay ay nagpositibo sa test sa COVID-19.


Sa isang pahayag, sinabi ni Binay na ang kanyang ina ay positibo sa test habang ang kanyang ama na si dating Vice-President Jejomar Binay ay nagnegatibo naman.


ree

“Although my mom is experiencing mild symptoms, my family and I are asking for your continued prayers for her full recovery -- and as always, prayer is our first line of defense,” ani Sen. Binay.


“The exposure to the virus is real -- and there’s a high chance that someone out there is a silent carrier,” dagdag ng senadora. Hinimok naman ni Sen. Binay ang publiko na magpabakuna na kung mayroon din lang pagkakataon.


“Isang seryosong bagay po ang COVID, kung kaya ibayong pag-iingat. At kung may access kayo sa bakuna, huwag n’yo na pong sayangin ang pagkakataon. Magpabakuna, now na,” aniya. Hiniling din ng senadora sa pamahalaan na magsagawa ng “free cluster” RT-PCR testing sa mga komunidad at lugar na may matataas na kaso ng COVID-19.


 
 

Pramis ng IATF na magkakaroon ng 90-K hanggang 100-K tests kada araw, anyare?

  • BULGAR
  • Aug 22, 2021

ni Nancy Binay - @Be Nice Tayo | August 22, 2021



Mula Agosto 21 hanggang 31 ay ilalagay na sa Modified Enhanced Community Quarantine (MECQ) ang Metro Manila at Laguna. Samantala, ang Bataan naman ay ilalagay sa MECQ. mula Agosto 23 hanggang 31.


Ito ay bagama’t muling dumarami ang COVID-19 infections kahit na inilagay sa Enhanced Community Quarantine (ECQ) ang National Capital Region (NCR) noong nakaraang dalawang linggo.


Noong nagdeklara ng ECQ sa NCR, umasa tayong paiigtingin ang testing capacity at contact tracing efforts ng bansa. Nakalulungkot dahil tila hindi ito nangyari at hindi nagamit ng maayos ng IATF ang ginawang lockdown.


Ano na nga ba ang nangyari sa ipinangako ng IATF na magkakaroon ng 90,000 hanggang 100,000 tests kada araw? Hanggang ngayon ay pumapalo lang tayo sa higit 50,000 tests kada araw.


Dahil kulelat pa rin tayo pagdating sa testing, malamang ay mas aakyat pa ang positivity rate dahil malaking bahagi ng ating populasyon ang hindi pa nahahagip ng testing.


☻☻☻


Lilinawin natin, hindi natin hinihinging i-test lahat. Ang kailangan natin ngayon ay rationalized, targeted cluster approach para masupil ang pagkalat ng virus sa community level.


Hindi puwede rito ang bara-bara lang. Importante ang pagkakaroon ng localized community testing, contact tracing at disease surveillance, lalo na sa mga level-4 at level-3 areas na natukoy na ng Department of Health.


Nagagawa naman ito ng ilan sa ating mga lokal na pamahalaan kaya hindi natin maintindihan kung bakit hindi ito magawa ng IATF.


Halimbawa, sa Navotas mayroong libreng 24/7 testing operation. Siguro naman walang dahilan para hindi magawa ng IATF testing czar na gawin ding 24-hour operation ang government testing facilities.


Sa patuloy na paglala ng pandemya, lubhang napakahalaga ng pagkakaroon ng mabilis at maayos na COVID-19 testing sa ating mga high-risk na komunidad.


☻☻☻


Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.


Malalagpasan din natin ito.


Be Safe. Be Well. Be Nice! ☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.


Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

 
 
RECOMMENDED
bottom of page