Monasteryo, 2 beses binomba, 14 todas

ni Justine Berganio @Overseas News | August 24, 2026

Photo: Ang monasteryo sa Myanmar na tinamaan ng military airstrike - Ko Nway Oo via AP

Nasawi ang 14 katao sa military airstrike sa isang monasteryo sa Myanmar nitong Biyernes ng umaga, ayon sa mga mandirigmang oposisyon at isang lokal na rescue worker.

Pawang matatanda ang mga nasawi, habang ilang monghe naman ang sugatan. Ayon sa rescue worker, dalawang beses binomba ang lugar.

Naganap ang pag-atake bandang alas-9 ng umaga sa Myaung township sa Sagaing region, 70 kilometro (47 milya) sa kanluran ng Mandalay, ayon sa AFP.

Naiulat na nagtipon sa monasteryo ang mga sibilyan para sa isang meditation retreat bilang paggunita sa Buddhist Lent. Kabilang sa mga nasawi ang 11 lalaki at tatlong babae, na nasa edad 50 hanggang 70.

Isang mandirigmang oposisyon na tumulong sa rescue operation ang nagsabing muling binomba ng mga eroplano ang lugar habang hinahanap nila ang mga nakaligtas.

Nasa gitna ng digmaang sibil ang Myanmar mula nang agawin ng militar ang kapangyarihan noong 2021 at patalsikin si Aung San Suu Kyi. Wala pang pahayag ang militar tungkol sa pinakahuling pag-atake.

Umabot sa sa Thailand... 7.7 lindol sa Myanmar, mga building gumuho

ni BRT @Overseas News | Mar. 29, 2025

• 

File Photo: Magnitude 7.7 earthquake sa Myanmar na umabot sa Thailand - Lillian Suwanrumpha / AFP

Isang malakas na lindol ang yumanig sa central Myanmar kahapon, Marso 28.

Ayon sa United States Geological Survey (USGS), naitala ang magnitude 7.7 na lindol na may lalim na 10 km (6.2 miles) at nasundan pa ng mga malalakas na aftershock.

Na-trace ang epicenter ng pagyanig 17.2 kilometro mula sa Lungsod ng Mandalay, ang ikalawang malaking lugar sa Myanmar na may populasyon na 1.5 milyon.

Sa social media posts ng Mandalay, Myanmar, nag-collapse ang mga gusali at nagbagsakan ang mga debris sa ancient royal capital ng bansa.

Nasira rin sa pagyanig ang mga kalsada sa kabisera ng Naypyidaw, mga gusali, at nagdulot ng paglabas ng mga tao sa kalye sa kalapit na bansang Thailand.

Gumuho rin ang isang itinatayong gusali sa Bangkok, Thailand.

Wala pa namang opisyal na ulat ukol sa mga nasawi, nasugatan at laki ng pinsala.

50 patay sa airstrike

ni J. Repol | April 13, 2023

Nasa 50 katao ang patay sa naganap na airstrike sa Kantbalu, Sagaing, Myanmar.

Batay sa ulat, tinarget ng military ang lugar dahil ito ang pinamumugaran ng mga militanteng grupo.

Ang Sagaing region ay malapit sa pangalawang pinakamalaking lungsod na Mandalay, lugar na may mga kontra sa pamumuno ng militar.

Napag-alaman na Pebrero 2021 pa nang maging magulo na ang bansa na naapektuhan ang kanilang ekonomiya.

Tinanggal sa pamamagitan ng kudeta ang kanilang lider na si Augn San Suu Kyi.