Araw-araw, simula July 12.. 9-oras walang tubig

ni BRT @News | July 8, 2023

Pinaghahanda ng Metropolitan Waterworks and Sewerage System (MWSS) ang mga pinagsisilbihan ng Maynilad dahil sa posibleng siyam na oras na service interruption sa mga darating na linggo dahil sa patuloy na pagbaba ng antas ng tubig sa Angat Dam.

Sa text message nitong Biyernes, sinabi ni Patrick James Dizon, pinuno ng MWSS Angat/Ipo Operations Management Division, na inaasahan na aabot sa minimum operating level na 180 meters ang antas ng tubig sa dam sa Sabado.

“For Maynilad, expected interruption will be on Wednesday (July 12), the earliest, but if there are rains, the start of interruption could be by Friday (July 14),” ani Dizon.

Ayon pa kay Dizon, nasa 591,000 na kabahayan ang maaapektuhan na mas kaunti kumpara sa 1.5 milyong kabahayan na naapektuhan noong Abril 2023.

“The number of hours of interruption - 7 p.m. to 4 a.m. (siyam na oras)… that is lesser than the 14 to 16 hours interruption in April 2023,” dagdag ng opisyal ng MWSS.

Ipapaalam umano ang mga maaapektuhang lugar sa Hulyo 10, Lunes, sa pamamagitan ng social media accounts ng Maynilad.

Inihayag naman ni Dizon na hindi maaapektuhan ng bawas-alokasyon ng tubig ang Manila Water.

Wala nang VAT simula Marso 21.. Maynilad at Manila Water, bawas-singil sa kostumer — MWSS

ni Lolet Abania | March 3, 2022

Asahan ng mga kostumer ng Manila Water Company Inc. at Maynilad Water Services Inc., ang mababang singil habang ang value added tax (VAT) ay aalisin na sa billing system ng dalawang kumpanya ng tubig, ayon sa Metropolitan Waterworks and Sewerage System-Regulatory Office (MWSS-RO) ngayong Huwebes.

Sa isang virtual press briefing, sinabi ni MWSS-RO chief regulator Patrick Ty na ang sumusunod na passage ng kani-kanyang congressional franchises ng Maynilad at Manila Water, ang water services charges ng mga water distribution utilities ay hindi na subject para sa 12% VAT simula Marso 21, 2022.

“The changes will result in a reduction in Maynilad and Manila Water customers’ monthly water bills,” sabi ni Ty. Gayunman, sa halip na VAT, ang water services ng mga kumpanya ng tubig ay subject sa 2% ng iba pang percentage tax o national franchise tax (NFT) at ang aktuwal na rate ng local franchise tax (LFT) na ipinatutupad ng mga local government units (LGUs). Ang NFT at LFT ay magre-reflect bilang tinatawag na “government tax” sa mga water bills ng mga kostumer simula Marso 21.

“The MWSS-RO remains committed to ensuring the availability, accessibility, and affordability of water supply in the East and West Concessionaire areas,” pahayag ni Ty.

Ang Manila Water ay nagsusuplay ng tubig at wastewater services sa mga residente ng mga Lungsod ng Makati, Mandaluyong, Pasig, San Juan, Taguig, at Marikina; at Municipality ng Pateros. Sakop din nito ang southeastern parts ng Quezon City, at Sta. Ana at San Andres ng Lungsod ng Manila.

Sa lalawigan ng Rizal, siniserbisyuhan din nito ang Lungsod ng Antipolo, at mga munisipalidad ng San Mateo, Rodriguez, Cainta, Taytay, Teresa, Angono, Baras, Binangonan, Jalajala, Cardona, Morong, Pilillia, at Tanay.

Habang ang Maynilad ay nagsusuplay ng tubig at wastewater services sa mga residente sa maraming bahagi ng Lungsod ng Manila; northern at western parts ng Quezon City; western parts ng Makati City; at sa mga Lungsod ng Caloocan, Pasay, Parañaque, Las Piñas, Valenzuela, Muntinlupa, Navotas, at Malabon sa Metro Manila.

Siniserbisyuhan din nito ang mga munisipalidad ng Kawit, Noveleta, at Rosario, gayundin sa mga Lungsod ng Bacoor, Cavite, at Imus sa Province of Cavite.

Tatakbo sa Congressional seat.. MWSS chairman Velasco, nag-resign

ni Lolet Abania | September 30, 2021

Bumaba na sa puwesto si Metropolitan Waterworks and Sewerage System (MWSS) chairman at administrator retired General Reynaldo Velasco para tumakbo sa isang Congressional seat sa 2022 national elections.

Sa isang statement ng MWSS, pormal nang tinapos ni Velasco ang kanyang pagseserbisyo sa ahensiya ngayong Huwebes, Setyembre 30, 2021.

Ang outgoing chairman at administrator, ayon sa kagawaran, “will be busy with the Philippine National Police Retirees Association, Inc. (PRAI) which is seeking a seat at the House of Representatives in the May 2022 elections.”

“He is the number one nominee of PRAI, an organization working for the benefit and welfare of all retired men and women in the uniformed service of the PNP and their dependents,” pahayag pa ng MWSS.

Si Velasco ay papalitan ni incoming administrator Leonor Cleofas habang ang puwesto niya bilang chairman of the board ay ibibigay kay Justice Jose Ricafort Hernandez.

Ayon sa ahensiya, sa panahon ng paglilingkod ni Velasco simula 2017, dito namayagpag ang MWSS, kung saan nakapagtala ng kategorya na mula Level C ay naging Level B, anila, “moved up the ladder among government-owned corporations.”

“Among 84 GOCCs assessed, MWSS ranked 59th in 2016, 38th in 2017, 34th in 2018, and 29th in 2019,” dagdag pa ng kagawaran.

Sa ilalim ng pamumuno ni Velasco, ang MWSS ay nakapag-remit na ng kabuuang P1.512 bilyon sa national government treasury sa pamamagitan ng dibidendo mula 2017 hanggang 2019.

Sinabi pa ng ahensiya na mula 2016 hanggang 2020, ang populasyon na kanilang naserbisyuhan ay tumaas ng 8.41% o 1.317 milyong higit na mga kustomer.

“Households with direct access to water increased by 9% from 3.89 million in 2017 to 4.15 million households as of April 2021,” ayon sa MWSS.