Posporo at lighter, bawal na sa MRT-3

ni Lolet Abania | June 3, 2022

Mas mahigpit at pinaigting pa ang seguridad ngayon sa buong istasyon ng Metro Rail Transit Line 3 (MRT-3).

Ayon sa pamunuan ng MRT-3, alinsunod ito sa inilabas na anunsiyo ng Office for Transportation Security na tiyakin na istriktong naipapatupad ang security plan ng mga transport operators sa bansa matapos mai-report ang ilang bombing incident sa Mindanao.

Bago pa makapasok sa loob ng istasyon, ang lahat ng mga pasahero at kawani ay dumaraan sa masusing baggage checking at screening, habang sumasailalim sa inspection at control ang lahat ng kanilang dalang mga kagamitan.

Rumoronda rin ang mga K-9 units na galing sa Philippine Coast Guard (PCG) mula North Avenue Station hanggang sa Taft Avenue Station o sa lahat ng istasyon ng MRT-3.

Mahigpit na ipinagbabawal ang pagpasok ng anumang uri ng armas o ammunition sa loob ng istasyon, mga patalim o matutulis at nakakahiwang bagay; explosives at incendiary substances; flammable o madaling magliyab at nakalalason na mga gas at kemikal; mapanganib na mga kagamitan at kemikal tulad ng pesticides, muriatic acid, liquid hydrogen, at iba pa.

Hiniling naman ng pamunuan sa lahat ng pasahero na sakaling may mapansin silang indibidwal na may kakaibang kilos at kahina-hinalang bagay sa loob ng istasyon o tren, agad na ipaalam ito sa mga security personnel at marshal ng MRT-3.

Ayon pa sa pamunuan ng MRT-3, ang mga security marshal ay may awtoridad na hindi pasakayin at pababain ang mga pasaherong lalabag sa kanilang umiiral na patakaran.

Samantala, patuloy ang isinasagawa ng MRT-3 na libreng sakay para sa mga pasahero na tatagal hanggang Hunyo 30.

MRT 7, operational na sa Disyembre 2022 — DOTr

ni Lolet Abania | May 23, 2022

Asahan na ang proyektong P68.2-billion Metro Rail Transit Line 7 (MRT7), kung saan bibiyahe ito mula North Avenue, Quezon City hanggang San Jose del Monte, Bulacan, ay magiging fully operational na sa 2023, ayon sa Department of Transportation (DOTr).

“Our progress rate is at 65%, and our target is for it to be ready for partial operations by December 2022 and fully operational by 2023,” sabi ni DOTr Undersecretary Timothy Batan sa Laging Handa briefing ngayong Lunes.

“This will bring great convenience to our commuters since it will reduce travel time from San Jose del Monte, Bulacan, to North Avenue from two hours to 30 minutes,” dagdag niya.

Matatandaang ang anim na train sets, na mayroong 18 train cars, ay nai-deliver noong Disyembre 2021 sa isang ginanap na ceremony na pinangunahan ni Pangulong Rodrigo Duterte.

Ayon kay Batan, ang MRT7 ay inaasahang magseserbisyo sa 300,000 pasahero kada araw habang plano nilang makapagserbisyo pa ito sa mas marami.

“While 300,000 passengers per day is the figure we expect for its first year, MRT7 has the capacity to service 800,000 passengers on an everyday basis,” saad ni Batan.

“So 10 to 15 years down the line, MRT7 is equipped to deal with an increased number of passengers,” aniya pa.

Sakop ng MRT7 project ang konstruksyon ng electric power systems, computer and communications systems, signaling systems, automatic fare systems, at iba pa, ayon sa DOTr.

Libreng sakay sa MRT3 mula Marso 28 hanggang Abril 30 — P-Du30

ni Lolet Abania | March 22, 2022

Libre ang sakay sa Metro Rail Transit Line 3 (MRT-3) mula sa Marso 28 hanggang Abril 30, 2022, ayon kay Pangulong Rodrigo Duterte ngayong Martes.

“I’d like to announce, (Department of Transportation) Secretary Art Tugade and I, we decided that the MRT-3 rides will be free from March 28 to April 30, 2022,” pahayag ni Pangulong Duterte sa ginanap na seremonya para sa completion ng MRT-3 Rehabilitation Project na pinondohan ng gobyerno ng Pilipinas at ng Japan International Cooperation Agency.

Magdiriwang naman si Pangulong Duterte ng kanyang kaarawan sa Marso 28. Ang MRT-3 ay tumatakbo mula North Avenue sa Quezon City hanggang Taft Avenue sa Pasay City.

“I am pleased to join you today for the timely rehabilitation completion ceremony of the MRT-3. It is proof that we are keeping our momentum in improving our national road system, which aims to deliver quality service to the Filipino people, and respond to the emergence of the new normal,” ani P-Duterte.

Pinasalamatan din ng Pangulo ang Japanese government sa kanilang ibinigay na assistance para sa proyekto. “Our train system would not have returned to its original high grade design condition without the technical competencies and professional aid of our service providers from Sumitomo Corp. and Mitsubishi Heavy Industries,” saad ng Punong Ehekutibo.

“With the joint efforts of these companies and the DOTr, we’ve increased our train speed from 25 km/ hour to 60[km]/hour, while the time interval between train arrivals has improved to 8 to 10 minutes,” sabi ng Pangulo.

Mula sa 12 hanggang 15 operating train units kada araw, ayon kay Pangulong Duterte mayroon nang 18 hanggang 22 train units na available sa ngayon. “This progress will decrease, if not altogether, stop the number of unloading incidents in our stations,” dagdag pa niya.

Kabilang din sa nakumpletong rehabilitation project ay ang upgraded signaling, communications at CCTV systems, repair ng lahat ng station escalators at elevators, at ang matagumpay na instalasyon ng air conditioning units sa loob ng mga tren.