Kaya nasabing mahina ang mga bata ngayon… ROBIN, GRABE ANG INABOT SA KULUNGAN, WALANG VIP TREATMENT

ni Mercy Lejarde @Showbiz Talkies | February 15, 2026

Photo: FB Robin Padilla

“Thank you, Doc,” ang sinabi ng TV host-actress na si Mariel Rodriguez Padilla sa ini-repost niyang post ng mahusay na doctor na si Doc Richard Mata sa kanyang social media tungkol sa sinabi ni Sen. Robin Padilla na mahina ang mga kabataan dahil may depresyon.

Saad ni Doc Richard, “Senator Robin Padilla has endured hardships that most people would never survive. He spent years in prison without privilege, without special treatment. Many would have given up. Many would have let bitterness consume them. But he didn’t.

“Instead of allowing his past to destroy him, he chose discipline. He chose faith. He chose transformation.

“He rebuilt himself. He embraced his beliefs. He stepped back into society determined to prove that a person can fall hard and still rise stronger.

“So when he speaks about the youth being weak, perhaps it shouldn’t be taken as an insult. Perhaps it is a challenge.

“A challenge from someone who has experienced rock bottom. A challenge from someone who believes that strength is forged in struggle. A challenge that says when life knocks you down, don’t stay down, stand up.

“That message is not about condemnation. It’s about resilience. And resilience is something every generation must learn for itself.”

Korek ka d’yan, Doc Richard Mata!

---

Sa guesting ni Ai Ai delas Alas recently sa Fast Talk with Boy Abunda (FTWBA), napag-usapan ang movie noon ng Comedy Queen na Ang Tanging Ina (ATI), lalo na ang anak niya noon sa movie na si Heart Evangelista.

Tanong ng King of Talk, “Kumusta si Heart Evangelista during Ang Tanging Ina?”

Sey ni Ai Ai, “Baby-baby pa si Heart nu’n, wala pa s’yang asawa. I think sila pa noon ni John Prats. Parang ganu’n.”

Dagdag na tanong ni Boy, “Kumusta si Heart katrabaho?”

Sey ni Ai Ai, “Sweet and tahimik lang din and sosyal. Sosyal s’ya talaga, inglesera.”

Hirit na tanong ni Boy, “Nasasabayan mo ‘yun?”

Sey ni Ai Ai, “Yeah of course, I can. Hahaha!”

Tanong ni Boy, “May Valentine’s date ka?”

Sey ni Ai Ai na tipong nagulat sa tanong, “Ikaw.”

Dagdag na tanong ni Boy, “Maliban sa akin?”

Sey ni Ai Ai, “Wala.”

Tanong uli ni Boy, “Kayo ba ni Gerald (Sibayan) ay nagkasalubong na? Nagkaroon na ba kayo ng pagkakataong makapag-usap?”

Sagot ni Ai Ai, “‘Di pa. No, wala.”

Dagdag na tanong ni Boy, “Bakit?”

Ani Ai Ai, “I think siguro God’s will muna na ‘di kami. Pero alam mo, nakakatawa, kahit ‘yung second ex-husband ko, ‘di ko pa rin nakikita hanggang ngayon. Walang kasalubong, wala. Although taga-Pilipinas ‘yun or minsan sa Amerika kasi US citizen din ‘yun. Wala. Weird, ‘no?”

Tanong ni Boy, “Napatawad mo na?”

Sey ni Ai Ai, “Napatawad ko na sila. Ayoko ng ano’ng tawag dito. I forgive them not because it didn’t hurt but because I deserve rest.”

Dagdag pa ni Ai Ai, “The end of us is the beginning of me.”

Tanong ni Boy, “Why did you sell the ring?”

Sey ni Ai Ai, “Wala lang, para pagkakitaan ko. Char! Hindi, para hindi ko na lang din makita. And kasi, ‘yun ‘yung parang requirement din na ano ‘yung puwede mong maibenta na may kahulugan. So ‘yung sa akin, ibinenta ko kasi ayoko na. Pero sabi ko nga, kumbaga, my pain will turn into something.”

Komento ni Boy, “Your pain will turn into cash.”

'

Sey ni Ai Ai, “Oo, kasi ‘yung cash, ‘yung iba ru’n, ibinigay ko sa mga cancer patients.”

Tanong ni Boy, “Handa na ba ang iyong puso na umibig pang muli?”

Sagot niya na may kasamang pag-iling, “No.”

Well, hindi naman masamang sumubok ng bagong pag-ibig, ‘di ba, mga madlang people?

Pinagbabawalan sa paggamit ng socmed… SEN. ROBIN: KABATAAN NGAYON, MAHIHINA!

ni Mercy Lejarde @Showbiz Talkies | February 13, 2026

Photo: FB Robin Padilla

“Ang mga bata ngayon, sad to say, you are weak,” ang pahayag ng aktor na si Sen. Robin Padilla sa ginanap na pagdinig ng Senate Committee on Public Information and Mass Media noong Wednesday, February 11, 2026.

Saad ni Sen. Robin, “Siguro naman, ‘yung iba rito, ‘di ko man kaedad, eh, naranasan n’yo ‘yung panahon ng ‘90s at ‘80s na tayo ay naglalaro pa, masaya pa. Ang mga bata po ngayon, sad to say, ‘wag kayong magagalit sa akin. Naku, maraming batang magagalit siguro, pasens’ya na kayo. You are weak.

“‘Di kayo katulad noong panahon namin na ‘di kami iyakin. Natuto kami sa kalsada, natuto kami na ‘wag umupo at umiyak. Noong panahon namin, ‘di uso ang salitang ‘depression’. ‘Di ko nga alam ‘yun. Ngayon, batang maliit sasabihin, ‘I’m depressed,’ magulo.”

Sa naganap na hearing, naka-focus ang usapin sa pagsusulong ng limitasyon ng mga bata sa paggamit ng social media upang protektahan sila sa cyberbullying, mental health issues, at online threats.

In fairness, Sen. Robin Padilla, isa ‘yan sa mga magagandang batas na isinulong mo para sa mga kabataan.

---

Inamnn ng vlogger na si Boss Toyo sa kanyang social media post na nagkamali siya sa pagkakakilala sa TV host-aktor na si Willie Revillame.

Saad ni Boss Toyo, “Sobrang nagkamali ako sa taong ‘to. Dahil naniwala ako sa mga nakikita ko sa social media tungkol kay Kuya Wil. 

“Pero noong nakasama ko s’ya nang tatlong araw, lahat nakita ko, narinig ko ang mga kuwento ng buhay n’ya, ‘di mula sa kanya kundi sa mga taong nakapaligid sa kanya. Sa tatlong araw, du’n ko rin nakita kung gaano s’ya katotoong tao.

“‘Yung namimigay ng walang kamera dahil sarili n’yang pera, kaya sabi n’ya ‘di na n’ya kailangan ikamera o ipagsigawan ang pagtulong. ‘Yung napapanood sa telebisyon na pamimigay, dahil ‘yun ay trabaho at kailangan ng sponsors, pero ‘pag sarili n’ya, walang kamera, walang kahit ano. ‘Yung kuwento ng kanyang tagumpay na walang sinagasaan at walang halong anomalya, kaya malaya n’yang nabibili ang mga gusto n’ya.

“Nagtanong ako sa kanya kung paano n’ya naha-handle ‘yung mga ibang tao na namba-bash sa kanya. Sabi n’ya, una, ‘di s’ya nagso-social media. Pangalawa, ang katotohanan, kahit ano’ng gawin mo sa mundo, may masasabi at masasabi pa rin sila sa ‘yo. Kaya kung ano ang nagpapasaya sa ‘yo at sa ibang tao, ‘yun ang gawin mo.

“Oo, medyo may pagkaistrikto s’ya pagdating sa trabaho dahil mas mainam daw ‘yun, dahil disiplina ang gusto n’yang iparating sa lahat ng tao na nakapaligid sa kanya, lalo na pagdating sa trabaho.

“Isa pa, tao lang ako, marami tayong pagkakamali, pero ‘di ibig sabihin noon, eh, masama na dahil ang buhay ay isang malaking paaralan para sa lahat, at habang nararanasan mo ang lahat, natututo ka.

“Pinahanga ako ng taong dati ay ‘di ko hinahangaan. Mali ako, at tinanggap n’ya ‘yun. Salamat sa mga turo, Kuya Wil! Salamat sa pagbibigay ng pagkakataon na makakuwentuhan ka. Hihintayin ko na makasama ko kayo sa isang entablado.”

In fairness sa host ng Wilyonaryo na si Willie, matulungin naman talaga siya.

---

AYAW paawat sa pag-arangkada ang career ng Pinoy Big Brother Celebrity Collab Edition (PBBCCE) Kapuso Big Winner na si Mika Salamanca dahil matapos i-launch bilang bida sa seryeng The Secrets of Hotel 88 (TSOH88), ganap na siyang music artist sa pag-release ng kanyang bagong awiting Kasalanan, na bahagi ng kanyang inaabangang debut album sa ilalim ng Star Music.

Sa loob lamang ng dalawang araw, nanguna ito sa iTunes Philippines at napasama rin sa New Music Friday list ng Spotify at Billboard Philippines. Sinulat ng Star Music artists na sina Jeremy G, Ishiro Incapas, at Russu Laurente ng P-pop group na WRIVE ang Kasalanan na tungkol sa pag-ibig na malaya, walang takot, at walang pakialam sa sasabihin ng iba.

“Ito rin po ay nagsisilbing love letter ko sa mga fans ko na simula’t sapul ay ‘di ako iniwan at patuloy akong sinusuportahan sa kabila ng mga panghuhusga sa akin sa social media,” pagbabahagi ni Mika Salamanca.

Video niyang umiiyak, ginamit na content ng mga netizens… MARK: ‘WAG KAYONG G*GO! ‘WAG T*NGA! ‘WAG AKO, MGA INUTIL!

ni Mercy Lejarde @Showbiz Talkies | February 12, 2026

Photo: FB Mark Herras

For your information, malinaw na sinabi ng aktor-dancer na si Mark Herras sa kanyang social media post ang dahilan kung bakit siya umiyak sa harap ng salamin at may video pa.

Saad ni Mark, “FYI (for your information) sa mga basta may ma-post lang kung anu-anong istorya ang ginagawa basta may ma-content lang, ‘wag kayong g*go.

“‘Yung post ko na umiiyak, eh, tungkol sa personal na problema. ‘Wag kayong tanga at mahilig gumawa ng kuwento para lang sa content n’yo.

“May mga trabaho akong ginagawa. May show ako na ginagawa under GMA-7 at under BuenasPH.

“So, para sa mga gumagawa ng story na umiiyak ako dahil wala akong trabaho, ‘wag kayong t*nga. Maghanap kayo ng ibang mako-content, ‘wag ako, mga inutil.”

In fairness kay Mark Herras, magaling siyang aktor kaya hindi na nakapagtataka kung bakit marami siyang trabaho.

---

BF, umamin daw na siya na ang gustong last GF…

ASHLEY: SI MAVY, TUTOK TALAGA SA AKIN 24/7

DAHIL nalalapit na ang Valentine’s Day ay usapang-pag-ibig ang naging ganap sa YouTube (YT) channel na Your Honor (YH) nina Chariz Solomon at Buboy Villar nang mag-guest ang aktres na si Ashley Ortega.

Tanong ng mahusay na komedyanteng si Chariz, “Valentine’s na sa Saturday. Magpapaapoy ba kayo ni Mavy? (Mavy Legaspi) May fireworks, ‘yung mga fire dance. Ano’ng plans n’yo?”

Sey ni Ashley, “Wala pa, eh. ‘Di ko alam kung may plano ba. May taping ako. Ganito kasi ‘yung schedule. Actually, bihira na nga lang kami magkita ni Mavy kasi si Mavy, MWF (Monday, Wednesday, Friday) taping n’ya, ako, TTHS (Tuesday, Thursday, Saturday). 

“So if ever naman na may ma-cancel na work, du’n lang kami nagsasama. Pero malay mo naman, ‘di ba, pumunta s’ya sa bahay? Ma-effort naman s’ya, may surprise.”

Hirit na tanong ni Chariz, “Magreregalo?”

Sey ni Ashley na may kasamang magandang ngiti, “Ay, grabe! In fairness kay Mavy, grabe s’ya mag-gift-giving.”

Tanong ni Chariz, “Ano’ng mga paborito mong regalo sa ‘yo ni Mavy?”

Sey ni Ashley, “Itong pinaka-recent gift n’ya sa akin, nu’ng birthday gift ko. Binigyan n’ya ako ng Rimowa na ballerina collection, ‘yung baby pink na Rimowa. Actually, two days before my birthday, nag-dinner kami.

“Tapos, nasabi ko lang na, ‘Oh, my gosh! Kailangan kong hanapin ang ballerina Rimowa trunk’ kasi ang hirap hanapin nu’n kasi limited s’ya. Tapos, nu’ng birthday ko, my God, may ballerina trunk du’n. Tapos, parang matagal n’ya pa hinanap, sa Italy n’ya pa ipinahanap ‘yun.”

Tanong ni Chariz, “Napag-uusapan n’yo na ba ang kasal? May ganu’n na kayo?”

Sey ni Ashley, “Ummm… ‘di pa naman. Ayoko naman s’yang i-pressure na ‘Pakasalan mo ako.’ Ayoko naman nang ganu’n. Pero actually, before we started dating, sinabi ko na sa kanya. Actually, ipinu-push away ko pa nga s’ya nu’ng una. Sabi ko, ‘Mavy, you’re just 23.’ O 24 s’ya nu’ng nag-dating kami. Sabi ko, ‘You’re 23, you’re handsome. You can do whatever you want. I’m already what, 26. S’yempre, ‘yung gusto ko na sa buhay ko is to settle down na. ‘Yun na ‘yung next goal ko. 

“‘Kasi sabihin natin maging tayo, tapos nag-break pa tayo, 28 na ako, mahihirapan na ako kasi I’m not getting younger. At least ikaw, guwapo ka, bata ka, may pera ka, you have work. Why don’t you explore pa?’

“Sabi ko ‘‘Pag sa akin ka, if you’re gonna end up being with me, gusto ko, tali. ‘Di naman tali, kumbaga, parang gusto ko na ikaw na ‘yung last ko because yes, commitment na.’ So ‘yun naman ang sabi n’ya, ‘That’s what I want also. I want my next girlfriend to be the last one.’

“Pero alam mo, ‘di na ako naniniwala d’yan kasi ‘yung mga ex ko, ganu’n din sinabi sa akin. Totoo talaga. May isang ex nga ako, sinabi, inilagay n’ya pa ‘yung last name n’ya sa pangalan ko.

“Actually ‘yung mga words ni Mavy na ‘yun, parang at the back of my head, ‘Ah, okay, puro salita ka lang, ha?’ Pero sinabi ko na sa kanya what I wanted. Sabi ko, ‘Twenty-five, 26, this is what I want na in life’. Sabi ko pa, ‘Nakakapagod makipag-date sa lalaki. Tapos nakakapagod ulit magkaroon ng another heartbreak.’”

Kuwento pa ni Ashley, “Feeling ko sa relationship namin, naggo-grow din s’ya. S’yempre, I don’t want to say naman just because he’s three years younger, he’s immature. Pero he’s mature for his age but at the same time kasi, nakikita ko rin ‘yung difference ng mindset ko at ng mindset n’ya.”

Dagdag na sey pa ni Ashley, “Si Mavy, tutok talaga sa akin 24/7.”

Komento ni Chariz, “Para pala s’yang CCTV sa Bahay ni Kuya (Pinoy Big Brother).”

Well, sana all ay may guwapong CCTV tulad ng magandang aktres na si Ashley Ortega.

---

“OFFICIALLY no more drive through,” ang pahayag ng aktor na si Matteo Guidicelli sa kanyang social media post na may kalakip na laughing emoji.

Back to business na nga ang restaurant ng mag-asawang Sarah Geronimo at Matteo Guidicelli matapos aksidenteng sinalpok ng isang sasakyan ang kanilang Italian restaurant.

Saad ni Matteo, “We’re officially cleaned up and ready to welcome you back. Officially no more drive thru. @dagiannimanila Westgate Filinvest is now open for indoor and al fresco dining.

“Your safety comes first. All precautions are in place and coordinated closely with Filinvest, with additional measures already being expedited. On our end, we’ve gone the extra mile by placing a trailer truck in front of the alfresco area, so our guests can feel safe, comfortable, and at home.

“We’re ready to serve you once again. Come enjoy home-cooked Italian goodness. Ciao! God bless all.”

God bless you more, Sarah Geronimo and Matteo Guidicelli!

‘Yun lang, and I thank you.

---

Super-espesyal ang episode na ito dahil nakasuot pa ng barong si Luis habang ini-interview ang dati niyang niligawan na si Toni.

Tanong ni Luis, “Paano mo nakuha ‘yung commercial na ‘I love you, Piolo!’? Ikaw ba ‘yung type na every weekend ‘yung ngiti sa kanan at kaliwa? ‘Yung batang VTR (video tape recording) ka?”

Sey ni Toni, “Hindi. Ang dream ko talaga nu’ng bata is maging singer lang. ‘Yun lang ang dream ko kasi kumakanta ako. Tapos, na-realize ko nu’ng nagsisimula ako in the ‘90s, ang mga singing contests lang ang nasa noontime shows or bihira, unlike ngayon na may The Voice na may solo show. 

“Bihirang-bihira noon, seasonal lang ang mga singing competitions. So nu’ng natapos na ‘yung mga singing competition sa mga noontime shows, parang narinig ko na may mga VTRs din daw for commercials. 

“Eh, ‘di ba ‘pag bata ka naman, when you’re 12, 13, 14, parang gusto mo ring i-try lahat? So, na-try ko na rin. Nag-VTR na rin ako for commercials.”

Maraming beses daw nag-audition si Toni sa mga TV commercials pero mas marami ‘yung hindi siya natatanggap dahil hindi siya mestiza. 

Sey ni Toni, “Nu’ng time na ‘yun kasi, ‘yun ‘yung sinasabi ng daddy ko na in the ‘90s, mas standout kasi ‘yung mga mestiza and half-half, ‘di ba? Given naman ‘yun, sa isang lineup ng mga girls, talagang standout ‘yung mestiza.”

Pero sinabihan daw siya ng daddy niya ng “One day, mauuso rin ang mukha mo.”

Tanong ni Luis na may kasamang biro, “Kailan kaya mauuso ‘yung mukha ni Catherine (Alex Gonzaga)?”

Sey ni Toni, “One day, mauuso rin ‘yung mukha mo.”

Tanong ni Luis, “How would you take it? Kasi sabi ko nga, it’s not something you hear every day. Pero ikaw, kaya mo bang tawanan or at one point medyo may konting tama sa ‘yo?”

Sey ni Toni, “Ang daddy ko kasi, straight to the point magsalita. Parang lagi n’yang sinasabi sa akin, ‘Bago mo pa marinig sa labas ng bahay, sasabihin ko na sa ‘yo.’ Parang lagi n’ya akong tine-train. It’s a cruel world out there. Kung ‘di ka sanay sa masasakit na salitang maririnig mo, ‘di mo kakayanin ‘yang mundong pinapasukan mo. Kaya diretso lang magsalita daddy ko sa akin nu’ng time na ‘yun.”

Naikuwento rin ni Toni na bago pa siya nag-artista ay kumakanta siya sa mga hotel at P1,500 daw ang talent fee niya for two sets, na ang bawat set ay 12 songs, so bale 24 songs ang kinakanta niya. 

Tanong ni Luis, “May isa ka bang endorsement noon na 6 figures na una mong nasabi na ‘Uy, teka lang, malaki na ‘to, ah?’ Was it 7 figures?”

Sey ni Toni, “‘Yun ‘yung nag-six or seven figures. S’yempre, parang ‘Ha? Kaya ko pala ‘yun?’ Kasi ang daddy ko, lagi n’yang sinasabi dati, nu’ng nalalaman n’ya ‘yung mga endorsements, naalala ko pa ‘yun sa GMA, sa Startalk, kay Rosanna Roces, parang naghihintay sila. Tapos, narinig n’ya ‘yung TF for an endorsement. Sabi ng daddy ko, ‘Siguro, ‘pag kumikita na ng ganyan si Celestine (Toni), baka wala na tayo sa mundo. ‘Di na natin abutin.’ So, nu’ng nakita ko na naabot ko na rin pala ‘yung point na puwedeng kumita ng ganu’n sa isang endorsement, natuwa ako na at least, nandito pa ‘yung mga parents ko. Na-experience nila ‘yun.”

Bukod sa naging career ni Toni ay napag-usapan din nila ang naging relasyon nila noon ni Luis 

Kuwento pa ni Luis, “Naalala ko one time, may pinuntahan tayo nu’n, may dinner break or lunch break. Magmo-mall dapat tayo. Sabi ko, ‘Gusto mo bang sumabay ka na lang sa akin?’ Sabi niya, ‘Hindi, ako ang magda-drive.’ ‘Yun, nag-drive s’ya. Nahuli ng pulis.”

Sey ni Toni, “Ay, oo.”

Sey pa ni Luis, “Sa Mandaluyong, may Guadalupe.”

Sey ni Toni, “Oo. Nahuli ako kasi mabilis akong magmaneho. Alam mo ba, hanggang ngayon, Luis, simula nu’ng ikinasal kami ni Paul, ilang years na? Ten years. Ten years na akong ‘di nagda-drive.”

Hirit na tanong ni Luis, “Seryoso?”

Sey ni Toni, “Kasi natatakot si Paul. Ang bilis ko raw mag-drive.”

Kuwento pa ni Luis, “Para malinaw, masaya na kami sa mga buhay namin. Ito’y kuwento lamang na ‘di pinagdaraanan ng mga normal na tao. Kuwento lang ‘to. Kahit si Superman, masasaktan sa ginawa mo sa akin.”

Patuloy nito, “Nanliligaw po ako nu’ng mga panahong ‘to. Intense na panliligaw. Naalala ko pa, alas-tres nang umaga, slide-slide phone na malamang ibinigay ko pa sa kanya ‘yung isang Samsung.”

Sey ni Toni, “Oo, niregaluhan mo ako ng cellphone.”

Sey naman ni Luis, “Sabi n’ya, ‘Ang ganda nito.’ Ako naman, sinurprise ko, ibinigay ko, tapos ‘di ko na alam ang nangyari, baka patong na lang sa mesa.

“Naalala ko pa, alas-tres nang umaga, nasa Manaoag ako, tumatawag si Toni Gonzaga. Alas-tres. Sabi ko, ‘May sasabihin ba ito sa akin?’ Hello? Oh, Toni… (umiiyak sa phone).”

Tanong ni Toni, “Ba’t ako umiiyak?”

Sey ni Luis, “Kasi parang nag-away kayo ni *****. Sa akin humingi ng advice. Kung sino pa ‘yung pinakananliligaw sa kanya, ‘yun pa ‘yung tinawagan n’ya.”

Sey ni Toni, “Ah, alam ko na ‘yun.”

Sey ni Luis, “Mas alam ko ‘yun kasi masakit.”

Sey ni Toni, “Hindi. Kasi na-discover ko na may iba pala s’ya.”

Kuwento pa ni Toni, “Alam mo ba kung ba’t ikaw ang natawagan ko? Kasi ikaw ‘di ba, nagte-text ka sa akin. Ikaw siguro ‘yung unang name na nakita ko. Si Luis, sumbong ko kay Luis. Lagi ka kasing nagte-text, nagme-message.”

Sey ni Luis, “Kasi nanliligaw ako. So ako naman, sasagutin ko ba ‘to? Advice lahat-lahat, pero tingnan mo nasaan tayo.”

Sey ni Toni, “Alam mo, ang saya ko na na-maintain ko si Luis as a friend. Imagine mo ‘yun, ‘di tayo magka-ex or ‘di tayo naging magka-relationship. Ang ganda ng friendship natin ngayon through the years. Since nakilala kita, 19 years old ako. Ilang taon na tayo ngayon? 22.”

Well, in fairness kay Luis Manzano, mabait naman sa totoo lang, ‘di ba naman, Baby Peanut?