Walang putol-kuryente hanggang April, 2021

ni Ronalyn Seminiano Reonico | March 28, 2021

Kasunod ng deklarasyon ng enhanced community quarantine (ECQ) sa National Capital Region (NCR) Plus Bubble, inanunsiyo ng Manila Electric Co. (Meralco) na sususpendihin ang lahat ng disconnection activities simula sa April 15.

Simula sa Marso 29 hanggang Abril 4, 2021 ay isasailalim sa mahigpit na quarantine measure ang NCR, Bulacan, Cavite, Laguna, at Rizal.

Pahayag ni Meralco Chief Commercial Officer Ferdinand Geluz, “Cognizant of the plight of our customers amid these challenging times brought about by the pandemic and in support of the government’s effort to manage the transmission of Covid-19, we commit to put on hold all disconnection activities until April 15 2021.

“We hope this measure will contribute to easing the burden of our customers and provide enough relief and time for them to settle their bills.” Una nang inanunsiyo ng Meralco na tuloy pa rin ang kanilang operasyon at pagsasagawa ng meter reading alinsunod sa utos ng Energy Regulatory Commission.

Saad pa ni Geluz, “Meralco business operations, including meter reading activities, will continue despite stricter quarantine measures. “Rest assured there will be strict implementation of health protocols in order to safeguard the health and safety of both customers and our personnel. This will ensure that actual consumption for the month will be billed accordingly. “Meralco crew will also continue to be on standby 24/7 to respond to any emergencies and reports.”

Hinikayat din ng kumpanya ang mga customers na magpadala muna ng mensahe sa kanilang Facebook Messenger, Twitter o tumawag sa 16211 hotline bago magtungo sa mga Meralco Business Centers (BCs) para sa kanilang mga katanungan dahil sasailalim sa skeletal workforce ang kanilang mga empleyado bilang pagsunod sa guidelines ng IATF.

Samantala, simula sa April 1 hanggang 3 ay sarado ang mga BCs bilang paggunita sa Maundy Thursday hanggang Black Saturday.

P13.88 bilyong sobrang bayad, ipinababalik sa Meralco

ni Lolet Abania | February 19, 2021

Ipinag-utos ng Energy Regulatory Commission (ERC) sa Manila Electric Co. (Meralco) na ibalik ang mahigit sa P13.88 billion o katumbas ng isang average refund na Php0.1528 kada kilowatt hour sa mga customers na maaaring umabot sa 24-buwan o hanggang ang halaga ay ganap nang maibalik.

“The Commission approved MERALCO’s prayer for the issuance of a provisional authority in order to allow their customers to immediately enjoy the benefits of the proposed refund and provide immediate rate relief especially during this time of pandemic,” ani ERC Chairperson at CEO Agnes VST Devanadera.

Sa inilabas na order ng ERC, ang ibinigay na limit sa kumpanya na provisional authority ay para lamang sa pag-refund ng nasabing halaga sa mga customers na inihain ng Meralco.

"With the petition we filed, Meralco hopes to put the PBR (performance-based-regulation) mechanism back on track, that we appreciate the provisional approval and that we will follow the order as this will provide much needed relief to our customers", ayon kay Joe Zaldarriaga, ang vice-president for Corporate Communications ng Meralco sa hiwalay na pahayag.

Nakapaloob din sa direktiba ng ERC na ipinahihiwalay sa Meralco ang mga nakalagay sa electric bill, ang tungkol sa ibibigay na refund sa kanilang mga customers.

Base sa computation, ang residential at General Service A customers ay may P0.2761 per kilowatt hour (kWh) refund; sa General Service B customers ay P0.1811 per kWh; General Power A customers ay P0.0789 per kWh; government hospitals, metered street lights at charitable institutions (GHMSCI) ay P0.1165 per kWh; flat street lights ay P0.2870 per kWh; at generator wheeling ay P0.0366 per kWh.

“As regulator of the electric power industry, the Commission in determining its actions on applications filed before it, has the consumer welfare as its primary consideration, thus, our decision to immediately authorize the refund. We hope that the reduction in rate could help our consumers cope with the still ongoing pandemic,” sabi pa ni Devanadera.

Bagong COVID-19 facility sa Malabon, pinailawan ng Meralco

by Meralco - @Brand Zone | February 4, 2021

Bilang suporta sa gobyerno at sa pribadong sektor sa laban kontra COVID-19, pinailawan ng Meralco ang bagong treatment center na ipinatayo ng Department of Public Works and Highways (DPWH). Ito ay matatagpuan sa C4 Road, Barangay Tanong, Malabon City.

Bahagi ng proyektong ito ay ang paglalagay ng bagong pasilidad na paglalagyan ng metro, pagtatayo ng apat na konkretong poste, at paglalagay ng dalawang 75-kVa na distribution transformer.

Ang ginamit na materyales sa tatlong (3) haba ng wire na ikinabit sa pagitan ng apat na poste ay overhead conductor na may balot. Kaugnay ng nasabing proyekto ay naglipat din ang Meralco ng isang pasilidad ng elevated metering center (EMC) at distribution transformer.

Gaya sa iba pang naunang treatment center para sa COVID-19, sinisiguro ng Meralco ang maaasahang supply ng koryente para rito. Sa kasalukuyan, nasa 90 na ang bilang ng mga pasilidad para sa COVID-19 na pinailawan ng Meralco.

Kabilang dito ay mga ahensya ng gobyerno, mga pampubliko at mga pribadong ospital, laboratoryong ginagamit sa testing, pasilidad para sa quarantine, at mga treatment center.