Para sa datung… JOSHUA, UMAMING GINUSTONG LAYASAN ANG DOS

ni Melba R. Llanera - @Insider | January 24, 2021

Sa interview ni Enchong Dee kay Joshua Garcia para sa kanyang vlog, inamin ng huli na nu'ng nag-shutdown ang ABS-CBN ay naisipan niyang lumipat ng istasyon.

Dahil siya ang tumatayong breadwinner, nakaramdam ng takot at pangamba ang Kapamilya actor kung paano niya bubuhayin ang pamilya. Pero sa huli ay mas nanaig ang loyalty at utang na loob niya sa network lalo't binago ng ABS ang buhay niya.

Isa si Joshua sa mga Kapamilya na hindi nakita sa mga rallies ng mga artista at empleyado ng ABS nu'ng panahon na nakikipaglaban ang network sa pagpapasara rito.

Paliwanag ni Joshua, hindi man siya pumupunta sa mga rallies ay 100% naman ang suporta niya sa ABS at mine-message niya lagi ang mga bosses gaya ni Ms. Cory Vidanes na lagi lang siyang nasa likod ng mga ito.

Ngayong pandemya ay balik-eskuwelahan ang aktor kung saan nag-enroll siya sa Southville International School with Foreign Universities ng kursong Bachelor of Science in Entrepreneurship.

Balak din ni Joshua na mag-invest kung saan magiging malaking tulong sa kanya si Enchong na kilalang mahusay din na negosyante.

Mag-ina, dating aso't pusa… JENINE AT JANELLA, NAGKASUNDO DAHIL SA BABY NG AKTRES

ni Melba R. Llanera - @Insider | January 12, 2021

Si Jenine Desiderio na ina ni Janella Salvador ang perpektong halimbawa na walang ina ang makakatiis sa anak gaano man karaming tampuhan ang pagdaanan ng relasyon nila.

Away-bati kung ilarawan ng iba ang relasyon ng mag-ina dahil taliwas ang kanilang paniniwala sa maraming bagay. Pero sa kabila ng lahat, proud na proud na ipinost ni Jenine nu’ng January 8 ang larawan ng apong si Jude habang karga-karga ito at may caption pa na, "My new job: Yaya (heart emoji).”

Ipinost ito ng singer pagkatapos aminin nina Janella at Markus Paterson ang tungkol sa kanilang dalawang buwang gulang na anak.

Kasalukuyang nasa United Kingdom sina Janella, Markus, Jenine, at ang sampung taong gulang na kapatid ng aktres na si Russel.

Setyembre nu’ng nakaraang taon nang lumipad pa-UK sina Jenine at Russel at sumunod sa kanila sina Janella (na nababalitang buntis na noon) at Markus.

Wala mang pag-amin si Jenine tungkol sa sitwasyon ng anak ay naging matibay na ang hinala ng mga netizens sa kalagayan ni Janella.

Takot at ang kagustuhang i-enjoy ang bagong yugto ng buhay niya bilang isang ina ang ibinigay na rason ni Janella sa panayam sa kanya ng TV Patrol kung bakit nagdesisyon siya na ‘wag munang aminin ang panganganak.

Ex ni John Lloyd, ayaw daw maging kabit…

PAMILYADONG AKTOR-PULITIKO, GUSTONG MAKAISA, BASTED KAY ELLEN

ni Melba R. Llanera - @Insider | January 6, 2021

Mukhang tuluy-tuloy na ang pagbabalik-showbiz ni Ellen Adarna dahil kahapon, January 5, ang unang taping day ng sitcom na pagbibidahan nila ni John Estrada, ang John En Ellen. Mapapanood ito sa Tv5 simula sa January 17 sa ilalim ng direksiyon ni Direk Willy Cuevas, prodyus ng Icthus Production na pag-aari ni John.

Hango ito sa sikat na sitcom na John En Marsha na pinasikat nina Dolphy at Nida Blanca. Iniba lang ang apelyido nila kung saan mula sa Puruntong ay Kulantong naman ang ginamit na apelyido ng pamilya nina John at Ellen.

Magtatagal ang locked-in taping hanggang January 9, kung saan kukunan ang lahat ng mga eksena sa isang mansion sa Antipolo.

Sumailalim sa swab testing ang lahat ng crew at cast nu'ng January 3 kung saan nu'ng araw ding 'yun ay nagkaroon ng friendly lunch naman sina Ellen at John sa isang restaurant sa Global City para magkakilanlan at maging komportable sa isa't isa.

Nagkaroon naman ng welcome dinner ang lahat ng crew, staff at mga artista ng sitcom para makilala ang bawat isa.

Isa sa mga isyung inaabangan ng marami ay kung mali-link daw kaya sa isa't isa sina Ellen at John lalo't madalas silang magkakasama. Ito ay sa kabila na masaya si John sa buhay-may-asawa sa piling ni Priscilla Meirelles, habang may anak naman si Ellen sa aktor na si John Lloyd Cruz.

Pero bago pa man magkaroon ng mga isyu, inunahan na ni Ellen ang mga mang-iintriga sa kanila ni John at sinabing 'di siya pumapatol sa mga may-sabit o may pananagutan na sa buhay. Patunay daw nito ay ang pagbasted ni Ellen sa isang actor-politician na nagbalak na dumiskarte sa aktres sa kabila ng pagiging pamilyado nang tao.