JOSHUA, KINUMPIRMA ANG BALIKAN NILA NI JANELLA

ni Melba R. Llanera @Insider | July 6, 2023

Tiyak na ikatutuwa ng mga JoshNella fans ang pagbabalik-tambalan nina Joshua Garcia at Janella Salvador sa isang serye ng ABS-CBN.

Nu’ng una ay ayaw pang magsalita ni Joshua tungkol sa balita, pero sa huli ay kinumpirma ng aktor na balik-tambalan nga sila ni Janella, kung saan bukod sa mas matured na ito kumpara sa ibang proyekto na nagawa nila ay kukunan din ito sa ibang bansa.

Ayon nga sa Kapamilya actor ay excited siya sa bagong proyektong kakaharapin pagkatapos ng Unbreak My Heart.

Dagdag pang pahayag sa amin ni Joshua ay isa rin itong collaboration pero ‘di niya ini-reveal kung sino ang makaka-collaborate sa naturang serye ng ABS-CBN.

Isa sa mga naging takaw-eksena sa Unbreak My Heart ay ang mga kissing at love scenes ni Joshua kina Jodi Sta. Maria at Gabbi Garcia, kung saan ay may pa-topless ang aktor.

Biniro tuloy si Joshua kung may mga ganito rin kayang eksena na aabangan sa upcoming serye nila ni Janella.

Ayon sa kanya ay ready siya at walang problema as long as kailangan ito sa eksena at istorya.

Ang Unbreak My Heart ay ang kauna-unahang collaboration ng ABS-CBN at GMA-7 at ito ang masasabing unang tumibag sa pader sa pagitan ng dalawang magkaribal na giant networks. Para naman kay Joshua, maaaring sila ang nagsimula pero nakasalalay pa rin ito sa dalawang networks kung ipagpapatuloy nila ang mga collaborations. At nangyari naman ito sa It’s Showtime na napapanood na sa GTV ng Kapuso Network.

Masaya si Joshua dahil pare-pareho lang naman ang kanilang layunin na makapagbigay ng saya sa mga manonood at ang mga collabs na tulad nito ay magdaragdag ng higit na trabaho sa mas maraming tao sa industriya.

Anyway, isa si Joshua sa mga part-owners ng Academy of Rock at nu’ng July 1 ay nagdaos sila ng Rock The World, Charity Concert na ginanap sa Music Museum. Ipinakita ng mga estudyante ng AOR ang kanilang mga talent sa pagkanta at paggamit ng mga musical instruments.

Proud na proud ang Kapamilya actor at sa speech nga niya sa opening ng concert ay binanggit niya na parang mga anak ang kanyang turing sa kanilang mga estudyante sa AOR.

Para sa Kapamilya aktor ay ‘di siya nagkamali na ang AOR ang kanyang napili na pag-invest-an ng kinikita niya sa showbiz.

Bukod doon, nakikita rin niya na sa mga susunod na araw ay ito ang pagtutuunan ng oras at atensiyon ng mga tao.

Sa tanong namin kung bukas ba sila na magbigay ng mga scholarships sa ibang kabataan na may potensiyal at talento pero kulang sa pinansiyal na aspeto para mag-enroll, sagot sa amin ng aktor ay pag-uusapan nila ang tungkol dito.

Naisip lang ito ni Joshua nang mapanood niya ang mga talento ng kanilang mga estudyante sa Academy of Rock.

Nagustuhan daw ang puso ng aktres, Kylie… JAKE, UMAMING MASAYA SA PILING NI CHIE

ni Melba R. Llanera @Insider | July 4, 2023

Ayaw pa ring lagyan ng label ni Jake Cuenca ang kung anumang espesyal na relasyon na namamagitan sa kanila ni Chie Filomeno.

Nabalitang ilang buwan na ang nakakalipas na nagde-date ang dalawa hanggang maging open sina Jake at Chie sa pag-amin na masaya sila sa company ng bawat isa.

Sa interview namin kay Jake sa nakaraang presscon para sa pagbubukas ng Book 2 ng action series na Iron Heart kamakailan, nilarawan ng Kapamilya actor na very happy at very good ang samahan nila ni Chie.

At tulad ng mga natutunan niya sa kanyang mga nakaraang relasyon, ayaw niyang gumawa ng mga bagay na maaaring ikaudlot nito.

Sa tanong namin kung exclusively dating ba ang estado ng relasyon nila ng aktres, sinagot kami ni Jake na pinapasaya siya ni Chie.

Tinanong din namin ang Kapamilya actor kung anu-ano ang mga katangian na nagustuhan niya rito, ayon kay Jake ang puso at kabaitan ni Chie ang nagustuhan niya sa aktres. Bilib din siya sa mga sakripisyo at pinagdaanan nito sa showbizness bago unti-unting nakagawa ng pangalan.

Masayang-masaya naman si Jake sa pagsisimula ng Book 2 ng Iron Heart kung saan ginagampanan ng Kapamilya actor ang role bilang si Eros.

Pagkatapos ng taping sa Rome ay sa Iloilo naman ang locked-in taping ng grupo.

Nagkuwento si Jake na masaya at kontento sila sa itinakbo ng taping nila abroad para sa naturang action series dahil maraming materyal na kinakailangan ang nakunan ng kanilang direktor.

Sa pagbubukas din ng Book 2 ng Iron Heart ay maraming bagong karakter ang papasok at isa na nga sa mga ito ay si JM de Guzman na para kay Jake ay matagal na niyang gustong makatrabaho.

Isa si Jake sa mga artistang hinahangaan dahil sa kanyang versatility bilang isang aktor, pero ayon sa Kapamilya aktor, kinokonsidera niya ang sarili bilang isang full time actor at kapag gumaganap siya ng isang role ay sinisiguro niya na ‘di pa ito nakikita o napapanood ng mga tao.

JOSHUA, GAME NANG MAGKADYOWA NG MAS MATANDA

ni Melba R. Llanera @Insider | June 1, 2023

May punto naman si Joshua Garcia kung bakit niya ibinenta ang mga mamahaling sasakyan tulad ng Dodge Challenger at Triumph Bonneville T150 motorcycle.

Sinabi ng aktor na galing siyang probinsiya at laki sa hirap kaya't alam niya kung ano ang mga kailangan at importante lang sa buhay niya.

Maaaring gusto lang na makipagsabayan ng aktor sa mga mamahaling sasakyan ng mga kapwa artista, lalo na ng kanyang kaibigan na si Daniel Padilla na nagmamay-ari ng mga mamahaling sasakyan tulad ng 1967 Ford Mustang, Porsche 718 Boxster S, Lamborghini Huracan Spyder 2018 at 1966 Pontiac GTO.

Tulad ni Joshua, nagkaroon din ng Dodge Challenger na sasakyan si Daniel, pero ibinenta niya ito nu'ng nakaraang taon.

Para sa amin ay mas tama na mag-ipon na muna ang Kapamilya actor, mag-invest ito sa mga mas kumikitang investments at umiwas sa mga bagay na 'di naman niya talaga kailangan at magagamit.

Samantala, sa unang episode pa lang ng Unbreak My Heart ay lutang na lutang na agad ang husay ni Joshua sa mga eksena niya.

Inaabangan din ng marami ang kissing at love scene nina Joshua at Jodi Sta. Maria sa istorya. Ayon sa Kapamilya actor ay malaki ang naitulong ng sensuality workshop para ma-execute nila nang maayos ang mga naturang eksena.

Suhestiyon nga ni Joshua, dapat ay dumaan sa ganitong klase ng workshop ang mga artista na gagawa ng ganitong eksena, lalo't malaki ang tendency na kapag natatangay sila ng kanilang emosyon ay lumalagpas sila minsan sa kanilang mga boundaries.

Single ngayon at walang girlfriend ang aktor, pero bukas naman si Joshua sa posibilidad na muling ma-in love sa isang babae na malaki ang agwat ng edad sa kanya.

Paliwanag sa amin ni Joshua, sa edad niya ngayon na 25 ay malalim na connection na sa isang babae ang hinahanap niya.