4th straight win, pakay ni Miado vs. Aussie Mini-T

ni MC - @Sports | October 6, 2022

Hindi man magiging madali kay Jeremy “The Jaguar” Miado na muling magtagumpay sa pagbabalik sa ONE Championship Circle pero iyon mismo ang pakay niya.

Peligroso umanong kasagupa ang multi-sport knockout artist na Australian na si “Mini-T” Danial Williams at babanat sila sa three-round strawweight bout sa ONE Fight Night 3 sa Oct. 22 sa Singapore Indoor Stadium.

Ilang buwan nang niluluto ang laban matapos na maghamunan sina Williams at ang Marrok Force MMA sa isang post-fight press interviews kaya naman nakuha na nito ang asam niya. “Guys like Jeremy Miado excite me,” saad ni Williams sa panayam. “I just like his style. I’m here to put on a show for the fans. The fans want to see action. I’m here to put on a show for the fans, and Miado is going to be the guy who’s going to give it to me.”

Nagwagi sa tatlong diretsong laban si Miado kabilang na ang back-to-back na impresibong pagpitpit kay Miao Li Tao kung saa niya pinulbos ang tsekwa sa bisa ng flying knee sa unang laban kasunod ng standing KO win sa ikalawang paghaharap.

Ang huli niyang laban ay nagresulta sa injury kontra kababayang si Lito Adiwang, pero ang pusong panalo niya ang mananaig para magbalik sa strawweight rankings.

Ang parehong rankings na rin ang target ni Williams nang manggaling sa three-fight winning streak sa mixed martial arts. Ang huli niyang panalo ay kay Zelang Zhaxi.

Kasama ang duo card fight ng dalawang KO artists na sina ONE Bantamweight World Champion John “Hands of Stone” Lineker at Fabrico “Wonder Boy” Andrade.

NBA Towns, namayat sa sakit sa lalamunan; 9 PVL imports, abangan

ni VA / MC - @Sports | October 5, 2022

Mabilis na bumagsak ang timbang at pumayat si Minnesota Timberwolves center Karl-Anthony Towns matapos magkaroon ng impeksyon sa lalamunan noong nakaraang linggo at nang ilang araw.

Ayon sa ulat, nagdulat ang impeksyon ng problema sa paghinga ni Towns, 26, at sinabi niya sa media na pinayagan lang lumabas makaraan ang dalawang araw at dumalo sa team event.

“Nagpapagaling pa ako at patuloy na bumubuti ang kalagayan,” sabi ni Towns sa mga mamamahayag sa Minneapolis. “Mayroong mga bagay na dapat unahin kaysa sa basketball lalo na kung may sakit."

Sinabi niya na ang sakit, na iniulat na walang kaugnayan sa COVID, ay naging dahilan upang siya ay bumaba sa 231 pounds, mula sa kanyang nakalistang timbang na 248.

Samantala, halos dalawang buwan na ang lumipas mula ng magkampeon ang Creamline sa Invitationals matapos gapiin ang guest team KingWhale Taipei sa final, nagbabalik na muli ang aksiyon sa Premier Volleyball League (PVL) sa pamamagitan ng pagdaraos ng 2022 Reinforced Conference.

Ilan sa dapat abangan sa conference ang pagbabalik ng koponan ng F2 Logistics, ang kauna-unahang laro ng bagong koponang Akari bukod pa ang pagpapakita ng husay at talento ng siyam na hard-hitting imports na Sina Laura Condotta (Army), Prisilla Rivera (Akari), Odina Aliyeva (Choco Mucho), Tai Bierria (Cignal), Yeliz Basa (Creamline), Jelena Cvijovic (Chery Tiggo), Lindsay Stalzer (F2), Elena Savkina (PLDT), at Lindsey van der Weide (Petro Gazz).

Pormal na magsisimula ang Reinforced Conference sa Sabado-Oktubre 8.

May apat na venues ang napiling pagdausan ng Reinforced Conference na kasama ang Santa Rosa Sports Complex sa Laguna, PhilSports Arena sa Pasig, Ynares Center sa Antipolo at Mall of Asia Arena sa Pasay.

Pinakamalagim na soccer game sa Indonesia, 174 patay sa stampede

ni MC - @Sports | October 3, 2022

Umakyat sa 174 ang nasawi sa stampede sa isang Indonesian soccer match, karamihan sa kanila ay naapakan hanggang sa mamatay matapos magpaputok ng tear gas ang mga pulis upang pawiin ang mga kaguluhan noong Sabado ng gabi, dahilan para ituring itong pinakamalagim na trahedya ng sports event sa buong mundo.

Sumiklab ang kaguluhan matapos ang laro noong Sabado ng gabi kung saan ang host Arema FC ng Malang City ng East Java ay natalo sa Persebaya ng Surabaya 3-2.

Dahil sa pagkadismaya matapos ang pagkatalo ng kanilang koponan, libu-libong tagasuporta ng Arema, na kilala bilang “Aremania,” ang nag-react at naghagis ng mga bote at iba pang bagay sa mga manlalaro at opisyal ng soccer.

Dinagsa ng mga tagahanga ang pitch ng Kanjuruhan Stadium bilang protesta at hiniling na ipaliwanag ng pamunuan ng Arema kung bakitpagkatapos ng 23 taon ng walang talo ang mga laro.

Nagkagulo nang husto hanggang labas ng stadium kung saan limang police patrol ang binalibag at nasunog sa gitna ng kaguluhan.

Nagpaputok ng tear gas ang riot police hanggang sa stand ng stadium sanhi para mag-panic ang mga tao. Ang tear gas ay ipinagbabawal sa mga soccer stadium ng FIFA.

Marami ang na-suffocate, mga naapakan ng daan-daang tao na nag-uunahan sa pagtakbo paglabas ng stadium para makaiwas sa tear gas. May 34 agad ang namatay, kabilang ang dalawang opisyal, at may mga paslit na nasawi.

Mahigit 300 ang isinugod sa ospital at marami rin ang sugatan. Sinabi ni Vice Gov. Emil Dardak ng East Java sa Kompas TV na ang bilang ng mga nasawi ay 174, habang higit sa 100 mga nasugatan at may 11 ang nasa kritikal na kondisyon.

Pinatawan ng indefinite suspension ang premier Liga 1 ng soccer ng Indonesian association na PSSI, dahil sa trahedya at bawal nang mag-host ang Arema ng soccer matches sa nalalabing season matches.

Isa-isang nagdatingan ang mga kaanak ng mga nasawi sa Saiful Anwar General Hospital ng Malang upang kilalanin ang mga bangkay sa morge.

Labis namang ikinalungkot ng pangulo ng Indonesia na si Joko Widodo ang trahedyang sinapit ng mga manonood at nakiramay siya sa mga namatayan sa kanyang pahayag sa telebisyon noong Linggo. “Dapat nating patuloy na mapanatili ang sportsmanship, sangkatauhan at isang pakiramdam ng kapatiran ng bansang Indonesia."