Tutuldukan ang kontrobersiya, Pacman vs. Hussein may part 2

ni MC - @Sports | December 6, 2022

Napag-usapan na tuloy ngayon nina Manny Pacquiao at Nedal Hussein ang tungkol sa pagdaraos ng exhibition match sa gitna ng kontrobersiya na isiniwalat ni referee Carlos Padilla kaugnay sa kanilang laban noong taong 2000.

Nag-usap ang dalawang retiradong boksingero sa isang zoom call hinggil sa mga saloobin sa pahayag ng referee na tinulungan niya si Pacquiao na manalo sa kanilang laban 22 taon na ang nakalilipas.

Sinabi ni Padilla na pinahaba niya ang pagbibilang nang matumba si Pacquiao at nag-headbutt. “Kasalanan ito ni Padilla. Siya ang may kasalanan at ang kanyang malaking bibig,” sabi ni Hussein. “If he did something wrong on his part during that fight, he should quiet and shut up. But now, he’s revealed it to the people. Iyon na ang responsibilidad niya, hindi sa amin,” sang-ayon ni Pacquiao.

Sa kabila ng isyu, sinabi ni Hussein na wala siyang hard feelings kay Pacquiao. “I’m a big fan of Manny. Lahat ng boxers may respeto sa ibang boxer,” wika nito. “Balang araw, gagawa tayo ng exhibition.”

Mula pa noong 2007, wala na sa ring si Hussein, ngunit ang balita na may mga exhibition match si Pacquiao ang nagbigay sa kanya ng ideya. “Kung may hamon, gusto kong gawin ito laban kay Manny,” sabi niya. Positibo namang tumugon si Pacman at aniya bukas siyang gawin ito sa Sydney, Australia kung saan nakabase si Hussein.

Bumuo ng special panel ang WBC para suriin ang mga pahayag ni Padilla tungkol sa laban ni Pacquiao-Hussein. Sinabi ni Pacquiao na sa kanyang obserbasyon sa laban matapos marinig ang isyu ay wala siyang nakitang mali sa nangyari. Nadismaya lang si Hussein kay Padilla dahil sa kanyang bias umano na officiating.

Umapela naman ang anak ni Padilla na si Suzy Tuano sa isang liham sa WBC, na ang pahayag ng 88-anyos ama ay Hall of Famer at maaaring na-misinterpret.

Costa Rica inilaglag ang Germany, Japan at Spain, swak sa last 16

ni MC - @Sports | December 3, 2022

Nalaglag ang Germany sa World Cup sa group stage para sa ikalawang pagkakataon sa kabila ng 4-2 na panalo kontra Costa Rica kahapon.

Kinakailangan ng four-time World Cup winners sa naturang laban ng panalo na umaasa sa resulta ng Japan kontra Spain.

Pero na-eliminate ang Germans dahil sa goal difference dahil unang tinalo ng Japan ang Germany na nagkamit ng nakagugulat ding resulta nang talunin ang Spain 2-1.

Maagang lumamang ang Germany pero naiwan na sa second half nang magpalit si coach Nasi Flick ng tao at mag-react sa live score ng Japan kontra Spain.

Positibo sana ang simula ng Germans at nagpakabog agad ang Flick's all-Bayern Munich front line, ginigitla pa ang Costa Rica sa depensa nang biglang iulo ni Serge Gnabry mula sa harap ni Leipzig defender David Raum matapos ang 10 minuto at magtarak na ng iskor.

Pasok din naman ang Spain sa World Cup sa last 16 sa kabila ng 2-1 na pagkatalo sa Japan, na nagwagi sa Group E.

Nakagigitla ang panalo nang masungkit ng Japan ang iskor laban sa Germany sa opening game habang mahihilera na sa "group of death" na maituturing na pinakamalaking achievements sa kasaysayan ng football ng naturang bansa.

Sa isang makapigil-hiningang minuto, naiiwan ang Spain habang umaabanse ang Costa Rica sa iba pang laro, nagpursige ang 2010 champions at pinagbigyan sila ng Germany para ibigay ang pakikipagtuos sa Los Ticos.

Creamline, isa na lang sa bronze, homecourt ang desisyon ni Padilla

ni VA / MC - @Sports | December 2, 2022

Hindi na kailangang umasa ang Creamline kay import Yeliz Basa dahil mismong ang all-Filipino crew ay nagpasabog kontra Chery Tiggo, 25-22, 22-25, 25-5, 25-19 nang umusad ang Cool Smashers tungo sa bronze sa Premier Volleyball League Reinforced Conference sa Smart Araneta Coliseum kahapon.

Pinaupo ni Coach Sherwin Meneses si Basa sa bench dahil sa injury kaya namahala na ang locals tungo sa record grand slam bid.

Samantala, hindi naman daw nandaya si Manny Pacquiao, aniya noong Miyerkules ng gabi nang talunin niya si Australian fighter Nadal Hussein sa kanilang 2000 fight.

Nag-react si Pacquiao sa sinabi ni retired referee Carlos Padilla na siyang nag-officiate ng naturang laban sa Antipolo City noon at aniya, natulungan niya ang kababayan na magwagi nang "pahabain" ang standard 10-count nang bumagsak si Pacman at nahilo sa 4th round.

"Hindi man daya. Pinaboran lang tayo, pabor lang siguro siyempre home court. As a boxer ginawa ko lang naman 'yung tama," sabi ni Pacquiao sa ABS-CBN online habang nasa training sa General Santos City. "Ako naman boxer lang ako. Ginagawa ko lang yung trabaho ko sa taas ng ring. That's his problem, not mine," dagdag niya hinggil kay Padilla.

Sinabi naman ni Buboy Fernandez, ang long-time confidante at trainer ni Pacman na ang naturang insidente ay kargo ni Padilla at hindi sa kanila. "Alam naman ng tao kung sino may kasalanan diyan," saad ni Fernandez. "Kaya naman kami sa team namin wala kaming comment. Alam niya naman eh, siya naman ang referee.”

Edad 21 si Pacman at sumisikat na noon nang sumagupa siya sa 10 rounds kontra Hussein para sa WBC International super-bantamweight title sa Ynares Sports Center noong Okt. 14, 2000.