Baguio City, ratsada pa sa 17 ginto sa BP

ni Green Lantern / MC @Sports | December 21, 2022

Ayaw magkumpiyansa ni Sports Development Officer IV Gudz Gonzales pero naniniwala itong masusungkit ng City of Baguio ang three-peat overall championship sa Philippine Sports Commission-Batang Pinoy 2022 na ginaganap sa Ilocos Sur.

Nakalikom ang City of Baguio ng 17 gold, 18 silver at 24 bronze medals, karamihan ay galing sa archery event kung saan ay pumana si Jathiel Caleb Fernandez ng limang gintong medalya.

"Hindi puwedeng magpakampante kasi "the ball is round" nga pero very hopeful kami na ma retain ulit ng team Baguio ang overall championship," saad ni Gonzales kahapon sa pagpapatuloy ng grassroots development program ng PSC sa pamumuno ni chairman Jose Emmanuel "Noli" M. Eala.

Walong ginto ang hinakot ng Team Baguio sa archery, lima kay Fernandez at tig-isa kina Jemuelle James Espiritu 15 Boys - 60 meters, Michiko Brianna Gonzales - Compound Girls 72 Arrows at Chass Mhaiven Colas U15 Boys - 50 meters.

Nasa pangalawang puwesto ng medal tally ang City of Lapu-Lapu na may 14 gold, 6 silver at 5 bronze medal habang pangatlo ang Quezon City (13G, 8S, 9B).

Nilangoy ni 15-year-old Julian Lowers De Kam ng Lucena ang pang-apat na ginto, matapos manalo sa 400-meter, 1500m at 200m freestyle at 100m butterfly.

Samantala, tatlong gintong medalya ang itinakbo ni Leonelyn Compuesto ng Masbate matapos manalo sa Girls 200m, 4X1100m relay at 400m.

Tatlo na rin ang gold medal ni Mico Villaran ng Bacolod City, nakuha niya ito sa 110m hurdles, 200m run at 400m habang dalawa ang pinitas ni Courtney Jewel Trangia, tig-isa sa shot put at Discus Throw.

KBL ang next home game ni Ildefonso, Tamayo, rest muna

ni Anthony E. Servinio / MC @Sports | December 21, 2022

Matapos tuldukan ang UAAP career bilang kampeon, dadalhin naman ni Dave Ildefonso ang kanyang husay sa Korean Basketball League.

Nakopo ng second-generation star ang Season 85 title sa team ng Ateneo Blue Eagles nitong Lunes ng gabi laban sa University of the Philippines sa do-or-die game ng men's basketball Finals.

Hindi man ito ang momentum na laro ni Idefonso sa ginawang two points, at ma-fouled out sa natitirang 24.1 seconds. Matikas pa rin ang mga kakamping Blue Eagles, tiniyak nilang lilisanin ni Ildefonso ang Katipunan na may tatak na UAAP championship.

"I'm just so happy. So happy. UP Fighting Maroons really played the series really well. Since last season, I've been thinking about the loss, and we all have," ani Ildefonso, na naging pahirapan din ang laro noong Season 84 nang bumitaw ang Ateneo sa korona para ibigay sa Katipunan rivals.

"You know, we just stuck to the system. We just followed Coach Tab [Baldwin]," aniya pa. "I'm just super happy right now… Three years ago, I would have thought that I would be a champion, but I'm a champion now."

Samantala, makaraan ang nakadidismayang pagtatapos ng kanyang sophomore season sa UAAP, nais ni Carl Tamayo na makapagpahinga muna at makapagrelaks.

Nagtapos sa lungkot at luha ang kampanya ng University of the Philippines para sana sa titulo ng UAAP Season 85 nang matalo sila sa Ateneo Blue Eagles sa Game 3 ng men's basketball Finals.

Pakay sana ni Tamayo at ng Fighting Maroons ang ikalawang straight UAAP crown at second title nitong 2022, pero kinapos nang mang-iwan ang Ateneo sa 9-0 start at patatagin pa ang momentum na lamang na 20 points. Tatlong puntos na lang ang lamang, pero isang clutch free throws ni BJ Andrade ang pumalya sa defending champions.

Arago at Krog, bida gold sa BP Criterium

ni VA / MC - @Sports | December 19, 2022

Pamilya ng mga siklista, pinadyak nina Emmanuel Arago at Maritanya Krog ang gold medal sa criterium event ng PSC-Batang Pinoy National Championships - Cycling na nagsimula at nagtapos sa Provincial Capitol Diversion Road, Ilocos Sur.

Naghari si 13-yer-old Arago ng Batangas City sa Boys Under 13 matapos irehistro ang 36 minuto at 05 segundo sapat upang sikwatin ang ginto sa event na suportado at inorganisa ng Philippine Sports Commission (PSC) sa pamumuno ni chairman Jose Emmanuel "Noli" M. Eala.

Dominado ni Arago ang karera dahil malayo ang agwat nito sa pumangalawa at sumikwat ng silver medal na si Dashel Carmona ng General Santos na nakapagtala ng 38 minuto at 05 segundo, bronze naman ang kinalawit ni DJ Perez ng Pangasinan.

"Hindi ko inaasahan, nagulat ako sa panalo ko, umpisa pa lang kumawala na ako tapos noong malapit na sinasabihan na ako na hinay-hinay na kasi malaki ang agwat ko," masayang sabi ni Arago na idolo si former Ronda champion Ronald Oranza.

Hindi naman nagpadaig si Krog, 13, Grade 9 student ng Baesa High School sa Caloocan, hinablot nito ang gintong medalya sa Girls 13 and below sa nilistang 37 minuto at 43 segundo sa 30 minutes plus 3 laps.

Naka-silver si Maria Louisse Alejado ng Iloilo (00:39:12.067) habang bronze ang naiuwi ni Jhanah Abella ng Calapan (00:39:16.426).

Sina Jacqueline Joy De Guzman ng Quezon City at Chris Andreu Ferrer ng Cebu ang nanalo sa Girls, Boys 14 to 15 Under ayon sa pagkakasunod.

Samantala, ang ibang nakapitas ng gintong medalya sa day 2 ng grassroots development program ng PSC ay sina Sophia Angela Dela Vega ng San Jose Ciity, (long jump), Kristian Yugo Cabana ng Lucena City, (swimming), Kyla Louise Bulaga ng La Union (swimming), Ellaine Jane Calunsag (weightlifting) at Hannah Shene Cabalida (weightlifting).